ما رأيكم في كراون فكتوريا سبورت لاتحرجوني

عـبـد الـعـزيـز @user_8390 · 13-07-2004

شباب واحد من قرايبي يبي يشتري كراون فكتوريا سبورت افخم نوعية

وانا رحت معه وشفتها بصراحة روعه وحلوه مره

انتوا وش رايكم لاني قلت له خلني اقول للشباب في المنتدى وان شاء الله ارد عليك

شباب تكفون لاتحرجوني معه ابي رايكم في السياره وهل فيها عيوب ولا لا

علماً بانه بياخذ اللون الاسود

اتمنى منكم الرد لو سمحتوا

عاشق المستحيل @user_6276 · 17-07-2004

و الله الفورد مامثله انا معي فورد فل كامل موديل 2000 واشتريته بــــ103 الف من توكيلات الجزيره وصدقني حتى الان ما دخل الورشه الا مره وحده وكان فيه خراب بسيط في القير وبعدين تراها سياره رسميه وتكييفها ممتاز جدا بشهادة الجميع ومريحه جدا

ولكن فيها عيب واحد هو صرفية البنزين

معاند الجرح2 @user_5009 LUMINA SS 4 EVERE · 16-07-2004

اهلين اخوي
اهم شي راي صاحبك الشخصي اذا السياره عاجبته خلاص
ياخذها بدون مايشاور
لكن نصيحه لك وللي يبي ياخذ السيارة
اللون الاسود جنان وحلو مره واحلى الالوان
بس خليه يبعد عنه قد مايقدر لانه بعين راح يندم
اول شي
لازم يتغسل باليوم مرتين
ثاني شي الاسود حقه سنه سنتين وينتهى كل اللمعه ويخرب واجد
الا اذا كنت تبي تلمع كل شهر وهذا واقع انا اعيش فيه اللحين

صياد الطيور @user_11985 S.V.T · 16-07-2004

توكل على الله الشكل الجديد ماينزل إلا 2006

ومبروك مقدماً

عـبـد الـعـزيـز @user_8390 صاحب الموضوع · 16-07-2004

اخوي بلو

الله يعطيك العافية حبيبي

بس مايمديك حفظته عندي من بعد اذنك طبعاً

اخوي العزيز بسام
الله يعطيك العافية على الرد يا غالي
وانا ما ازعل ولا شي ..
بس الكابرس مره مايصلح لي

تحياتي لك

اخوك

bassam11 @user_4952 · 15-07-2004

هلا أخوي
عن المشاكل أنا ماسمعت عنها أي مشاكل
وممكن يتغير الشكل بس لا تسألني كيف ؟
وعن نفسي هي جدا جميلة والأسود أجمل

بس الكابرس ss 2004 أجمل منها وأفضل

هذا رأي الشخصي وأرجو انة يكون مافية أي زعل لأنة(( رأي شخصي))

blue chevy @user_10595 · 14-07-2004

هلا أخوي
اذا تبي التوقيع ما تغلى عليك والله.

عـبـد الـعـزيـز @user_8390 صاحب الموضوع · 14-07-2004

اخوي بسام

الله يعطيك الف عافية اخوي على التكرم بالرد

اخوي بلو
ماقصرت يا غالي وانا راح احاول اني اشوفه
ومشكور على الرد
وتوقيعك حلو ماشاء الله :)

تحياتي

blue chevy @user_10595 · 13-07-2004

هلا أخوي
في واحد من الشباب هني اسمه أبو طريخم وعنده فورد سبورت
اسأله هو أحسن.

BAssAM ss @user_8540 · 13-07-2004

|1|

|1| والله سيارة تعجبني أنا شخصيا وماقد سمعت إنه فيها عيوب |1|

|1|

ومبروووووك مقدمـــــا

|1|

[SIZE=6][COLOR=red]BAssAM ss

[/COLOR][/SIZE]

عـبـد الـعـزيـز @user_8390 صاحب الموضوع · 13-07-2004

عزيزي Checo

الله يعطيك العافية على المرور

بس انا اسأل هل راح يتغير الموديل الجديد تغير جذري او تغييرات بسيطه؟

وبعدين مين الاحسن في نظركم يا خبراء
الفورد سبورت افخم شي 98 الف
او الفورد الرسمي افخم شي 102 الف

تحياتي

عـبـد الـعـزيـز @user_8390 صاحب الموضوع · 13-07-2004

اخوي النايم

ماقصرت والف شكر على المشاركة

:)

سناري @user_11853 · 13-07-2004

خليه يتوكل على الله و ياخذها

و مبروك مقدما لقريبك و الله يعطيه خيرها و يكفيه شرها

# OMAR # @user_7317 Banned · 13-07-2004

احتمال يتغير شكلها وتندم ..