وش رايكم في جيب تريل بليزر؟؟؟؟؟؟؟؟؟؟

سيارة متميزة ، قوية ذات تصميم جبار

من ناحيتي سيارة اكثر من رائعة

وممتازة

تحياتي

سياره عجيبه وقوبه .. بس عيبها التكيف حار وايد .. بالنسبه للبليزر والانفوي

شكرا

انا ولد عمي معه واحد جديد

والله شي شكله حلو جداً بس يبي له جنووط اعرض شوي

ومن ناحية الراحه فنا ركبت الموتر اشوف انه بالنسبة سياره جيب مريح

وقطع الغيار اللي غاليه ؟؟

الموتر توه جديد يعني وشبتغير فيه وعليه ضمان !!



انا انصحك فيه

والله يوفقك


تحياتي

أوكي انت أبخص بنفسك ماقدر اقول شي ....





العيوب اللي كتبتها هي : ((( صرفية بنزين + مافيه عزم + المراتب الخلفية تكسر الظهر + ارتفاع السعر + ماهي راسية + الديكور الداخلي للبليزر دمار + سعر الصيانة مرتفع جداً + قطع نار + جيب اشبه بالسيارة البوقس (( هابطة في الارض )) + غير ملائمة للتطعيس )))

أخوي بأعطيك مثال بسيط ... صرفية البنزين طبعاً هذي انا مجربها ... كانت عندي اس اس 2003 ماكينتها 8سلندر وانا اقولها صادق وكل من جرب ماراح يخالف كلامي ... صرفية البنزين فيها معقولة جداً ... يعني تخيل التانكي فيه الربع اعبيها بـ 33 ريال ... توصلني للدمام وانا امشي بسرعة 220كم ... ويبقى فيها اكثر من الربع مع المكيف طبعاً...

أنا قلت مافيها عزم .... معليش لو رجعت وقلت لك جرب اللومينا ... شوف عزمها ..

المراتب الخلفية تكسر الظهر ... طبعاً من ركب الأنفوي والبليزر بيقول الله يرحم ايام الاندكروزر المراتب الخلفية قابلة للتعديل ومريحة لكن هالسيارتين اللي يخاف على عموده الفقري لايركب ورا ... نصيحة مجرب معه انفوي ...

ارتفاع السعر ... بالنسبة لمساؤى السيارة وحسناتها اشوف انها مرتفع سعرها حتى 90ألف كثيرة عليها ...

ماهي راسية ... شوف رساوة اليوكون والجمس واللومينا (( اس اس طبعاً )) وقارنها بالبليزر والانفوي ... لا توجد مقارنة ...

الديكور الداخلي دمار ... شوف تشطيبات الديكور الداخلي للدينالي والجمس واليوكون والكابرس واللومينا ... روح للوكالة وشوف الداخلية للسيارات الأمريكية كلها وقارن ...

سعر الصيانة مرتفع جداً ... صيانة اللومينا من واقع تجربة تكلف 148ريال ... اما الانفوي مايقل عن 300 ريال ... فرق ولا لا ؟؟؟

قطع نار .... اسأل قطع الغيار عن البواجي والفحمات حقت البليزر ....

جيب اشبه بالسيارة البوقس (( هابطة في الارض )) ... بوجود اليوكون لا تعليق ...

غير ملائمة للتطعيس ... جربت سيارتي الأنفوي في طعوس الثمامة والعاذرية وطعوس المزاحمية .... صدقني ندمان اني بس فكرت اني اطعس بها ...

هذي هي العيوب اللي ذكرتها أنا في ردي على موضوعك ... وبصراحة الكل يخالفك بكلامك على ان أغلب السيارات الامريكية فيها هذي العيوب ...
سيارات الامريكي قليلة العيوب بس مو مثل كثر هالعيوب في هالسيارتين ...



شكلياً فقط ... اما التجهيزات والمواصفات هي هي ... اخوات بعض اللهم بس الاسم والشكل اما التجهيزات والماكينة والقير والقطع كلها سيم سيم ...

أخوي عاشق المستحيل آسف اني طولت عليك ... لكن انت طلبت النصح والمشورة وماخاب من استشار ... انا قلت رايي ابعد عن هالسيارتين و الرأي في الأخير راجع لك ...

على العموم لو عزمت وطلعت السيارة اتمنى امنية ... بعد ماتستخدمها 6شهور بالله قلنا وش رايك في السيارة ....

أخيراً ... اختلاف الآراء لا يفسد للود قضية ...

انتظر ردك

تحياتي

245كم

مشكورين على الردود واللــــــــــــــــــــــــه وماقصرتوا والله يبارك فيكم

اخوي (245) بالنسبه لقطع الغيار انا مستعد اتحملها والعيوب التي ذكرتها موجوده في اغلب السيارات الامريكيه وبعدين ترى في اختلاف بين الانفوي والبليزر

وبالنسبه للسعر وهو 90 الف في اعتقادي مناسب جدا
وعلى العموم مشكور على المعلومات

صراحه شكليا مره حلو

لكن اعرف واحد مشتريه مشتكي منه

يقول انه مو عملي ولا قوي وفي مشاكل

هاداالي عندي

تحياتي : محب الفايبر

|1|

|1| والله حتى أنا ماجربته ولا أدري عنه لكن الصراحة تصميمه وشكله يعجبني |1|

|1|

ومبرووووووك مقدمـــــــــــا

|1|

[SIZE=6][COLOR=red]BAssAM ss

[/COLOR][/SIZE]

الاخ عاشق المستحيل

الشكل حلو والفخامه موجودة لكن قطع غيارة حدث ولا حرج .. واسئل وشوف

وشكرا للجميع

انا ياخوي معي جيب انفوي اخو البليزر فل اوبشن 2002م اس ال تي ... صرفية بنزين + مافيه عزم + المراتب الخلفية تكسر الظهر + ارتفاع السعر + ماهي راسية + الديكور الداخلي للبليزر دمار + سعر الصيانة مرتفع جداً + قطع نار + جيب اشبه بالسيارة البوقس (( هابطة في الارض )) + غير ملائمة للتطعيس = ابعد عنها وعن اختها الانفوي ..
انا جربت الانفوي في الطعوس ... ماهو شي ابد ... والعزم الله بالخير ... بنزين يسبق امبير السرعة ... ياناس مليت من هالسيارة بس ارجع من الشرقية ارجعها لوكالتها لا بارك الله فيها ولا في من صنعها ... واطلع لومينا اس اس اصرف مليون مليون مليون مررررررررررررة ...

تحياتي

245كم

آنا ماجربته لكن أنصح به، وماشي سوقه يعني زين....