اخواني الغالين
السلام عليكم وحمة الله وبركاته
الموضوع يدور حول وكلاء السيارات في المملكة العربية السعودية
ولاخواننا الخليجين والعرب الفرصة لمشاركتنا في هذا الموضوع او المشكلة
وبأمكانهم الاستفادة من النتائج والحلول في التعامل مع وكلائهم في دولهم
اخواني الغالين , تقريباً كل واحد منا عنده سيارة وتعامل مع وكيل لاحدى شركات السيارات العالمية
طبعاً غالباً ماتكون المعاملة قبل شراء السيارة في منتهى الرقي والادب والاحترام , وأسمع الألقاب
التي ينعتونك بها فأني والله اذكر بانني صرت شيخ عند دخولي وكالة الرينج روفر في الشرقية
على طريق الدمام السريع ,, صرت شيخ ههه فبعدما تناقشت مع مندوب المبيعات
( اخ عربي من جنسية تحب المدح بالكذب او علشان الفلوس )
المهم بعد النقاش والاسئلة صار يناديني بالشيخ , وسجل رقمي عنده وصار يكلمني وينعتني بالشيخ !!؟؟
ايضاً عند شراء سيارة مرسيدس من الجفالي في عام 2001 صرت شيخ ايضا من مندوب المبيعات
( من جنسية عربية اخرى ) علما بان السيارة ليست لي وانما لشخص قريب
ولكن العجب العجاب ما وجدته في وكالة الجميح في الرياض ؟؟!!!
عندما اردت ان استفسر عن مواصفات السوبربان من مندوب المبيعات
فلم يعطيني وجه |4| ( عطاني ركبة وسوا كنه ماسمعني )
فكررت عليه السؤال فجاوبني من ورا ظهره قلت له طيب الالوان ,
فقال ماعندا الا هاللونين,, استغربت وقلت شكله بايعها يبي يفصل
اثاري الموظفين كلهم كذا ضامنين الزباين خصوصا قبل بداية فصل الصيف
عموماً: هذي مقدمة فقط لخدمة ماقبل البيع ......
المهم نبي نتناقش وكل واحد فينا يطرح
سيئات وايجابيات هؤلاء الوكلاء (هذا اذا فيه,, علشان مانظلمهم بس)
نبدأ بالسيئات او المشاكل عند البيع وكل واحد يدلي بدلوه
1-ان الوكيل ياخر لك نزول موديل جديد متغير كلياً , او بمعنى اصح انه يخبيه علشان يمشي سوق السيارات القديمة اللي عنده اولا
بدل ان يضع خصومات على الموديل الاقدم او عوامل تشجيعية على هذا الموديل ويكون صريحاً مع ربه قبل ان يكون صريحاً مع عملائه؟
2- تموووت قهر لما تعرف ان السيارة بيعت لك بملغ وبيعت لغيرك بفرق خيالي ؟؟ ليش
لان الاخر لديه معرفه او ,,, الخ
لاتفهموني غلط باني حاسد للي عنده معرفه بالعكس انا اتمنى ان تكون لي معرفه بعد
لكن هل تتصور ان الوكيل بيبيع لراعي الواسطة وهو خسران ؟؟ لا ربحان وربح قوي
فما بالك فيك انت ياللي بدون واسطه |4|
تلقاه قاصب ظهرك
ياخي بالواسطة عند ساماكو ينزل لك تقريبا 40 الف ؟؟؟؟؟؟؟؟؟؟؟؟؟
وعند الناغي تقريباً 30 الف ؟؟؟؟؟؟؟؟؟؟؟؟؟؟؟؟؟؟؟
وش هالمهزلة لا وبهالسعر تراه ربحان ؟؟؟!!
يعني فوق ربحه بهالسعر ياخذ مني ومنك ومن الثاني 40 الف بالسيارة ؟؟
بأي حق
<=== ارتفع ضغطه
غيرها
لما يكون الوكيل نفسه ملعووب عليه
وتجيه كمية من السيارات على انها مثلا موديل 2004 وهي في الاصل موديل 2003
ونشووف هذي كثير يعني لما نزل لك الكامري في امريكا 2002
وجانا على الـــ 2003
والمرسدس لما نزل عندنا الـــ 91 يالشكل القديم وهو اصلاً الشبح في دول اروربا وامريكا
واحيانا لما يلعبوون على الوكيل ويصرف السيارت من الشكل القديم في نفس السنة يطلع لك بحركة
وش هي ؟؟
يقوول والله هذا 2002 لكن الدفعة الاولى
الدفعة الثانية شكل غير ومختلف 100%
يعني لعبوا عليه ويبي يلعب علينا ؟؟!!!!!
شفنا هالحركة في البي ام دبليو
الفئة السابعة 728 2002 شكل قديم
يقول والله هذي الدفعة الاولى
طيب وين الدفعة الثانية 782 2002
يقول والله مافيها وقفو تصنيع هالشكل ؟؟؟؟
والحقيقة ان السيارة 782 2001 لكن صرفوها عليه
ويبي يصرفها علينا بدل مايجادل ويطالب بحقه
ويناشبهم ولو حتى يرفع عليهم قضايا ؟؟
لا يجي وينصب علينا |1|
وغيره وغيره من النصب والتحايل
طبعاً هذا كله خدمة البيع او ماقبل البيع
كونه يقول لك هالمعلومات قبل ماتشتري وانت وبكل ثقه صدقه |6|
ولاعتب على وزارة التجارة او الغرف التجارية
فقد قال المثل العربي الاصيل
أذا كان رب البيت للدف ضارب,,
فمن شيمة اهل الدار الرقص
طبعاً البلاوي والكوارث في خدمة مابعد البيع
وانشاء الله راح نتناولها في موضووع لاحق حتى لايتشعب موضوعنا الاصلي
انا طرحت الموضووع ما ابي اتشكى واتذمر ويلاا تعالوا ياشباب نسب ونشتم الوكلاء
ونتظلم لبعضنا منهم
حنا ارقى من هالاسلوب
نبي نفكر ونتناقش في دنائة وسوء خدمة الوكلاء في البيع او ماقبل البيع
ونتشاور ,, ايش اللي نقدر نسويه علشان نحفظ حقوقنا
أخواني
أتمنى أن لا نتشعب ومانخرج عن محور الحديث
حتى نركز في الموضوع ونخرج بالنتائج الايجابيه والحلول المرجوة
تقبلوا فائق تقديري وتحياتي
