SRX or X5 or XC90 or cayenne?????i ايش الافضل

CarsPlanet @user_5389 · 24-06-2004

السلام عليكم ورحمة الله و بركاته

اخواني الاعضاء..

صراحة والله متحير جدا جدا..

انا احب سيارات الجيب الصغيرة و الفخمه..

و متحير في اربعة سيارات..

و كل وحده اجمل من الثانية..

حبيت ان اي واحد بتفضل و يدور لي معلومات عن السيارات هذي..

انا راح ادور لكن حاب اذا واحد عنده فكره عن الاسعار يعطينا كم..

و السياره و اعطالها و شكلها ووكالتها و سعرها بعد الاستعمال ومن هذا كله..

وهذي السيارت هي:

بي ام دبليو X5

بورش كايين

فولفو XC90

كاديلاك SRX

ارجو انكم ما تخيبوا ظني فيكم..

اطيب تحيه مني..

أمير الجزيره @user_6104 · 02-07-2004

أخـــو يالغالـــي خذ بورررش كايين ولا تتردد

لكن عن الوكالــه يقولون إنهـــا يعني نص ونص

ومبروووك مقدمـــا

أرق وأقطب تحيـــه لــك يالغالــــي

NiCK @user_11949 · 28-06-2004

مرحبا
شف اخوي اصلا مافيه وجه مقارنه بين جيب البورش والاكس فايف مع الكدلك والفولفو

اكيد الافضل الكاين والاكس فايف والناس تختلف وش احسنهم

بالنسبه لساماكو اعرف واحد معه كاين يقول فرق جدا عن تعاملهم مع الاودي لان البورش مهدده بسحب الوكاله منهم في حال الشكوى يعني لا تهتم بالصيانه ممتازه خاصه اذا كنت من سكان الرياض مركز الصيانه حقهم جدا راقي ومميز

انصحك بالتجربه ولك حرية الاختيار

Shadow @user_1149 · 27-06-2004

والله اخوي مافي افضل من الكايين كفايه انه بورش ...

اذا كان حالتك الماليه ممتازة فخذه ولاتحتار

وساماكو والله الناس يسبون صيانتهم ولاندري عنهم :)

RED Chevy @user_10596 · 27-06-2004

هلا إخوي...

أغلب الشباب هني يذموا ساماكو ويقلولوا مب زين..

الصيانة مايصير هذي بورش مالها غير وكيلها...

والسعر م\ري عنعه إسأل وشوف...

CarsPlanet @user_5389 صاحب الموضوع · 27-06-2004

الف شكر اخواني على الرد..

اخوي Red Chevy...

يعطيك ربي الف عافية على المعلومات..

بس اذا انا كنت حاب اشتري سياره و اغيرها كل سنه بالموديل الجديد للسيارة القديمه هل الكايين مفيد...؟

ان شاء الله اليوم ابي انزل معارض السيارات المستعمله و اسأل عن الكايين..

على فكرة انا ما اعرف كيف خدمة وكالة ساماكو هل هي زينه؟

و هل اذا صار شي في السياره اقدر اوديه لورشات يعني مو لازم الوكالة؟؟

والف شكر اخوي..

RED Chevy @user_10596 · 27-06-2004

أول شي إخوي ألف مبروك مقدماً...

1- إستبعد الفولفو نهائياً ولاتندم بعدين... بيغرك شكله وبعدين إمسك خراباته...

2- الكايان أسعاره تبتدي من 180 ألف بدون مواصفات والفل أوبشن ب22 ألف( طبعاً الv6)
الكايانS يبتدي من 250 ألف وينتهي ب280...

التوربو يبتدي من 360 وينتهي بنفس السعر...

3- الكاديلاك SRX قوته للV8(المتوفر بالخليج) أقوى من الكايان S في التسارع مع إن الثاني أقوى ب20 حصان...

الفخامة والتجهيزات متساويين...

4- الX5ماعليه كلام بس صار موضة قديمة والكل عنده خلك متميز...

نصيحتي خلك بين الكايان والكادي لاتبعد عن ال2...

السعر قبل الكدلك يطيح تحت الأرض لكن بعد الإسكاليد يمسك فووووووووووووووق الCTS تحصله ب80 ألف موديل 2003 للعادي اللي سعره جديد 100 ألف....

البورش ماعندي فكرة، لكن خلك بين ال2 وشوف اللي يعجبك أكثر وتوكل على الله...

B.M.S @user_6218 · 26-06-2004

اخوي خذ لك بورش كايين ترااااه خطير بالمرة

والخيار لك |3|

lexus lover @user_11945 · 26-06-2004

انا عن نفسي انصحك بالأكس فايف و ابعد عن الفولفو اعطاله كثيرة و سعره لما تجي تبيعه طايح و قطع غياره نار

CarsPlanet @user_5389 صاحب الموضوع · 24-06-2004

راح ابدأ عن الي عرفته..

كاديلاك SRX

السياره قوية و ممتازه خاصة الفل اوبشن..

مكينه 8 سيلندر 4.6 لتر بقوة 320 حصان..

مكينة 6 سيلندر بقوة 3.6 لتر 260 حصان..

من 0 الى 100 كم/ساعة في 6.9 ثواني..

فتحة سقف كبيره و رائعه من جد..

شكله جيد جدا و خاصة اللون الاسود..

الوكيل الي هو (( الجميح )) نوعا ما جيد لكن عليه حركات احيانا مالها داعي..

السعر: الفل اوبشن مع شاشه للراكب الخلفي بـ194000 ريال سعودي

سعر المستعمل منه ما ادري صراحة وودي اعرف..

و كم سعره عند البيع..

عيوب والله ما اعرف كثير الا ان القير في رجه بسيطه في في السرعات القليله..

يله لو سمحتو يا شباب ساعدوني في بقية السيارات..

شكرا..