سؤال عن تدريب السيارة

[MR.COOL]

السلام عليكم ورحمة الله وبركاته

بغيت اسئل اذا طلعت السيارة من الوكالة وفترة التمرين هل استطيع ان امشي في السيارة سرعات عالية اذا مشت 500 كيلو

لان في ناس قالوا لي اذا مشيت بالسيارة طبلونها اول ماتطلعها من الوكالة
راح تصير المكينة قوية

وراح يصير العزم أقوى

هل هذا الكلام صحيح أم لا ؟

وارجو التفسير بشكل منطقي

[DraGGeR]

شوف أخوي

من ناحية ال 500 كيلو و يصير العزم أقوى ... بصراحة ما عندي أي معلومية
بس حرصا على السيارة الجديدة .... ينصح انك ما تمشي فوق ال 100 كيلو لأول الف

طبعا مو معناه انك تدعس أخر الدعسة لين ما يوصل 100 كيلو بعدين تهدي

شوي شوي


تحياتي

[هاوي لعب]

السلام عليكم

أولا وقبل اي شي:::::::: مبروك عليك السيارة والله يعطيك خيرها ويكفيك شرها

أنا بنصحك بطريقة انا استخدمها مع كل سيارة جديدة اشتريها ولله الحمد ما اذكر ان سيارة شد بلد قدر يوقف جمبي اذا كان في سباق ولا اذكر ان السيارة اختربت خرابات سريعة غير موعدها الطبيعي

انصحك ان اول ما تاخذ السيارة تخليها شغالة في البيت حوالي نص ساعة كل يوم لمدة اسبوع. وكرر العملية هذي مرة في الاسبوع بعد ماتنتهي من التمرين

وعندك اول 500 كيلو دلع السيارة شوي

بعد 500 كيلو ادعس بالسيارة بشكل منتظم يعني يوم تبغى تسرع لا تصفي الطبلون على طول لكن خذها بالتدريج أول يوم امشي بها 140 وبعده بكم يوم اللي بعده 170 وبعد كم يوم كمان 200 وعلى كذى لكن الله يعنيك اذا طبلون سيارتك 300 راح يطول التمرين عليك ............

لا تنسى ،،،،،لا تطلع بالسرعة على طول---------> (((((( بالتدريج )))))))))))

سوي كذى الين تخلص 1500 كيلو

بعد كذى امغط السيارة ولا عليك وشوف العزم كيف يكون...... وادعيلي

واذا احد عنده تعديل علىكلامي فياليت يفيدنا

ودمتم

[MR.COOL]

مشكووووور أخوي DraGGeR
على ردك ومساعتدتك لي

أخوي العزيز هاوي لعب مافائد جعل السيارة شغالة لمدة نص ساعة كل يوم
هل هي لتقوية البساتم أم لا ؟
تحس اني قلبت لغة عربية فصحى
طيب اول الف كيلو ماامشي فوق المية

ومشكووور على ردك ومساعدتك لي

[فني سيارات]

MR.COOL

مبروك عليك السيارة الله يعطيك خيرها ويكفيك شرها

السيارة وهي جديدة البساتن مش ماخذه وضعها الطبيعي في الاسطوانه وتحتاج فتره حتى تكون الاسطوانه ناعمة جدا وهذه الفترة مهمة جدا في طول عمر السيارة
لان الاسطوانه الي هي (السلندر ) لازم يكون ناعم الملمس حتى يمشي فيه المكبس بكل راحة واي خدوش فيه من البداية تكير بعد فتره من الومن وتصبح السيارة تاكل زيت
و القصد من التمرين هو اعطاء فرصة للماكينة بشكل كامل في الحركة بسرعات عادية لتسليك الممرات في السلندر والمرافق واذرعة المكبس والكرنك شفت وغيرها وحتى الجير بوكس لان التروس كلها جديدة
ولكن هناك سيارات حديثة مثل السيارات الامانية تكون قد تخطت هذه المراحل في الوكاله بحسب علمي ولست متاكد
ولا داعي لتمرين لها وهي الاودي والمرسيدس والبي ام دبل يو
ثم ان تركيبة الماكينة تختلف نسبيا حيث يغلب عليها الالمينيوم المقوى
وعادتا السيارات العادية تكون ماكينتها من حديد الزهر الذي من مواصفاته انه يستحمل الضغط العالي ولكنه لايستحمل الطرق ولا الاعوجاج
ويسخن بسرعة ويبرد بسرعة ايضا
وشكرا للجميع

ومن مشاركة الاخوان القصد من التسخين او جعل الماكينة تدور فترة طويله
هذا الشئ جيد جدا لسيارة الجديدة
او سواقتها بشكل هادي والدعس على البنزين والسيارة واقفة ضار جدا لسيارة