ياهل الشرقية طالبكم طلبة

[فني سيارات]

السلام عليكم ورحمة الله وبركاته
اخواني اعضاء المنتدى ولاعضاء الي في الشرقية ياريت الاقي حد يساعدني في السؤال عن بعض قطع الغيار
عندي لاند كروزر ابي له جير بوس كامل خمس تباديل + باور ستيرنج الي فوق
----------
السيارة لاند كروز موديل 1989 vx
ابي اعرف كم سعر الجير بوكس كامل من السكراب مستعمل
ولكم جزيل الشكر
اخوكم فني السيارات بوجسوم

[فني سيارات]

الرفع للاهمية

[Talal_2]

انا حاليا في الشرقيه مؤقتا واذا لازالت تبحث عن الطلب فابشر وسم ومايسير خاطرك غير طيب غالي والطلب رخيص ، اشعرني بذلك وسيكون عندك العلم باذن الله في اسرع وقت ، لكن للفائده وعن تجربه ورا ما تدور في الامارات ؟
قبل مدة احتجت باب لاندكروز من التشليح وجدته في الشرقيه ب1100ريال ، واحضره صديق والله العظيم من العين بالامارات ب300ريال فقط وحالته افضل من الذي عرض علي في الشرقيه 100مره
المهم :انا تحت امرك وطوعك في هذا الامر
تحياتي

[فني سيارات]

الظاهر ان تاخر الرد كثير من عندكم ومن عندي
لاني خلاص شريت قطع غيار للجير بوكس 4000 ريال خفت اشتري مستعمل وطيح في جبدي والسيارة محتاجها جدا

المهم ناقصني الباور كامل ياريت لو حد يشوفل سعره في الشرقية واشوف يستاهل اتعنا واجي اشتريه او لا لان اقرب شي لقطر الشرقية تحياتي

[Talal_2]

خوي :يوم الخميس مريت على كثير من محلات السكراب في الدمام والتي شفت عندهم جيوب ، ولكن والله لم يسهل الله تعالى ان اجد لك طلبك ، وجدت جي اكس ار في اكثر من محل ولكن قالوا ما يركب . اذا بغيت اشوف لك سعر الوكاله او محلات القطع انا تحت امرك
تحياتي

[فني سيارات]

Talal_2
ياخوي مشكور ماقصرت بس شوف اذا فيه جديد
ابي الباور للاند كروزر نوع vx 1989
ابي اعرف سعره جديد بكم
وجزاك الله خير وشكرا لتجاوبك مع الموضوع

[Talal_2]

الاخ بوجسوم المحترم
السلاح عليكم ورحمة الله وبركاته
اسف جدا على التاخير في الرد لاني والله العظيم كنت مسافر
سألت لك عن الباورللندكروزر 89vx، وسألني البائع اي جزء تريد من الباور ؟ ولما ماعرفت قلت له الباور كاملا ، فكان سعره بعض التخفيض 4087ريال .
وعلى العموم الموزع المذكور هو منيف النهدي ، فرع الدمام 4 هاتف 009668504421فاكس 8374884اذا اردت الاستفسار
هذا ونحن بخدمة الطيبين
تحياتي

[فني سيارات]

شكرا لك اناالحين في الامارات و الاسعار تمام بس هذه القطعة بالذات طلعت 800 درهم
وفي قطر 700
على العموم مشكور اذا لقيت فرصة امر اخذها بس ياريت كان هذا المحل في الاحساء يكون اقرب للواحد بدال يتعنىلدمام على العموم مشكور ماقصرت تحياتي لك