إسأل عن كل ما يخص الزنون بحلته الجديده

وهذي مشاركة عيون الريم يشرح فيها معانته مع كشافات الملاعب….

رائع جداً واستفسارات وردود عقلانية ، لا شك بانهم اعضاء منتدى السيارات
يعطيكم الف عافية اخواني على هذا المستوى الراقي ....

بالنسبة للزينون الحقيقة معاناتي معاهـ دامت سنين .... ايام ما كان سعرة 4000
ركبته
على لكزس كان شغل توليف يعني اول ما تشغله يجلس دقيقتين عشان
يعطيك اللون الحقيقي ... (كشافات ملاعب) والحقيقة كان في وقته شيء رائع
وغريب ، لكن يا جاب لي مصايب (كل شهرين اغيّر البطارية) وصار في التماس
باسلاك الشمعات + ستين الف مره غيرت فيوز الشمعات ...
صراحه ندمت اني ركبته ....

وبعدها جبت لي جهاز اسمة فليبس من الأمارات كامل بالشمعات حقته وللمعلومية
اخواني ما في شي بالسوق فليبس أصلي ..... كلها تقليد وحتى اذا كان
مكتوب عليها ألماني .... فليبس الجهاز الأصلي حقها للمرسيدس في سنة
1998 وبعدها وقفوهـ بسبب انه ما يشرف شركة عالمية مثل مرسيدس بالعربي
ما اعجبهم ... وللمعلومية الأصلي يجي المنيوم.....

والجهاز فليبس التقليد والله مو شين ركبته على ماكسيما كان مره روعه بس ما
كان طموحي .... بحثت عن الأفظل .....
وأشتريت جهاز هيلا الماني أصلي أخذته من التشليح من بي ام موديل1999
بمبلغ 2100.... وركبته على السيارة ....
برضوا ما عجبني ، وطرت على بالي فكرة ، وغيرت لمباته واشتريت لمبات
السفاري باترول قيمتها تقريباً 420 بعد الخصم ...بس والله يا اخوان يا طلع اضاءة غير شكل ...
والحمد الله ارتحت من سالفة الزينون وعوار الراس ...وشريت لي سيارة موجود
فيها الزينون

نصيحة ....
لا تركب زينون لسيارتك وانت مو متأكد من تحمل البطارية والفيوز...وطاقة
سيارتك الكهربائية ...
عوامل تتحكم في اضاءة الزينون ....
1- الشمعات الكريستالية ( الشفافة ) مثل الهوندا الجديدة ، مثل الكامري الجديدة
، مثل اللومينا الجديدة...
2- ان عدسة الشمعات تعطي اضاءة زينونية جذابة تتحكم في اتجاة النور وتمنع
التشتت وتعطي الوان القوس قزح مثل البي ام
3- كسرات غطاء الشمعة ، لتتحكم في اتجاة وكسرة النور لتعطي اضائة واضحة
ومتقاربة ومكثفة ...
4- نوع اللمبة. افضل الأنواع ( جهاز هيلا + لمبات السفاري باترول )
5- وجود تحكم كهربائي (كيت آوت) لجهاز الزينون ليسحب من السيارة قدراً
بسيطاً من الفولت ويمنع العجز الكهربائي للسيارة المتسبب الى التماس او
احتراق في كمبيوتر السيارة لا قدر الله...

اخواني لما الشروط أعلاه تنطبق على سيارتك وتشتري جهاز هيلا الأصلي
(المنيوم) مع لمبات الباترول سفاري ....
صدقوني راح يحسدونك اصحاب السيارات المهيئة لها الزينون من
وكالتها ..واولكم انا...
اتمنى قدر اوصل اعجابي اولاً .... وتجربتي مع الزينون لأفيد بعضكم ولكم جزيل
الشكر والتقدير