مشاكل الماجنا معاي ونصيحه ابتعدو عن هذه السياره قدر المستطاع

السلام عليكم

بعد هذه الغيبه الطويله اعود من جديد اليكم ومعي 12 مشكله في الماجنا الجديده

بعض الأعضاء يعلم انني شريت ماجنا VRX 2004 وباركولي عليها وما قصرو

انني وبكل صراحه نادم كل الندم اني شريتها واتمنى اني شريت سوبارو ولو

اصبر سنه كامله واريح راسي وارتاح مشكلتي مع الماجنا بدأت من يوم طلعتها

من الوكاله والى وقت كتابة هذا الموضوع واختصرها في 12 مشكله وهي : -


1- بعد 7 ايام من يوم شريتها خرب علي الريموت ووديته الوكاله والى يومك الحاضر مستني الريموت من الوكاله على كلامهم انها طلبيه بتتأخر

2- بعد 11 يوم راحت ربلات العكوس الأماميه وكاد ان يخرب العكس بما حوى
ورحت صلحته على حسابي تجنبا للطعات الوكاله

3- بعد 15 يوم خرب القزاز الأمامي لايفتح ولا يسكر ووديتها الوكاله وجلست
4ايام علشان القزاز اللي مايفتح ولا يسكر

4- بعد 20 يوم اذا مشيت 140 اسمع صوت الهواء كأنك فاتح القزاز ورحت وزنت الباب على حسابي تجنبا لما سبق

5- بعد 24 يوم رجع صوت الهواء ورحت وديتها للوكاله واخذت يوم ولله الحمد
ولكن بعد ذلك صار القزاز الأمامي ( السائق )مخلخل يعني قابل للخلع هذا الكلام بعد ماطلعتها من الوكاله لغرض اصلاح تنسيم القزاز بثلاثه ايام فقط وياليتهم حلوا المشكله بل رجع التنسيم مره اخرى

6- رجه غريبه في السياره من 120 الى 160 لم يجدو لها حل الى يومك الحاضر

7- صوت قربعه في الابواب ولكن غير مزعج الى ذيك الدرجه

8- السياره غير راسيه في اللفات يعني اذا اخذت اللفه بقوه تشوف شنطة السياره بجنبك

9- الطبلون يفصل على 210 ( طيب ليش قالو رياضيه )

10- الوان الأنوار الداخليه غير متناسقه الطبلون احمر والمكيف والمسجل ابيض

11- مقاعدها غير مريحه ابدا في السفر

12- صفير في الأقمشه عند الوقوف ( مو عالي مره )

هذا غير قطع الغيار اللي اسعارها تسد النفس ( الله يرضى على سوبارو )
ولكن فيها حاجه حلوه مره اللي هو مكيفها جدا طيب

السياره لها معي شهر وماشيه حوالي 2500 كيلو
وسلامتكم