هل لك تجربة مع السيارات!!! أدخل واكتب عن تجربتك!!!

مشكورين على الموضوع الجميل

وأول سيارة سقتها صني 96 أوتو وهي سيارة ممتازة وعملية جدا وصرفيتها للبنزين ممتازة وصارت ماشية اكتر من 200 ألف وما شاالله عليها وعيبها انها مش راسية كثير وعزمها مش قوي على الطلعات ولا زالت موجودة....

والآن معي سيفيك 2000 عادي بس سيارة ما شاالله عنها قوية واقتصادية بنف|1| س الوقت وسواقتها ممتعة وتتحمل كثير بس مشكلتها بالغير لانو مو سلس ابدا وبغلب مرات خاصة لملا ترجع فيها ولا زالت معي إلى الآن

مشكور اخوي على هالموضوع الرائع وإللي خلانا نستفيد من تجارب الاعضااء


بالنسبه لي كانت اول تجاري فالسواقه صني 98 قير اوتو كانت سياره حلوه ولا تصرف مراتبها ش بطاله بس مشكلتها عدم الرساوه وإنها بمجرد تبدى تطلب منك افتك منها


بعدين رحت للكامري موديل 2000 وبصرحه سياره في وقتها كانت في قمه الروعه وكنت مقتنع بهالسياره كامل الاقتناااع وتجربتي كانت جدا رائعه فيها سياره لا تصرف بنزين ولا تشتكي من اي شي وحقت كرررررررررررررررررررف ومسجلها على وقته كان تحفه طبعاا كقوه سماعات
اما الموديلات الجديده من ألــ 2003 وطالع اركب حمار ولا اركبها مع احترامي لملاكها



رحت بعد كذا على الكابرس موديل 2000 لون اسود ال تي زد

طبعا سياره جدا راائعه قوووه فخاامه رساااوه شكل جدا راائع طبعا هذا يلعب دور فيه الللون الاسود
مشكلته صرفيه البنزين وسياره ماشكلها ماتنتهي

بعد كذا روحت على الكراون فكتوريا 2001

سياره لامثيل لها
قوه جباره
سرعه
رسااااوه لدرجه مره تسلخ علي الكفر وانا امشي 150 ومشيت حوالي الـــ 50 متر على الجنط وكان راسي بشكل غير طبيعي ماشالله
شخصيه لدرجه إنه يتفوق على كثير من السيارت والموديلات الجديده

سلبياته
موتر ثقيل جدا
حجمه كبير ويغث فالمواقف
يصرف بنزين بزياده
الديكور الداخلي لا يوجد به اي فخاامه

وانا حاليا افكر اغيره بسيااره جديده وانشاله اوافيكم بالتقريير عنها




تحياتي

اول سيارة استخدمتها هي الفكتوريا 92 كانت حلوة بس فيها عيب رئيسي انها ابد ما هي ثابتة و تفصل على 170 بس الحمد الله انها تفصل لانها من جد ماهي راسية ابد ... تمر يم شاحنة يقوم الهوا يلعب ابك .. يوم اخذت ابها منعطف بغيت اروح فيها مع اني ما كنت امشي الا 70 ....

السيارة راحت في حادث طبعا مو انا الي كنت اسوقها ...

شريت اس اس 96 كانت حلوة و عزم بس حظي كان ردي لاني ما اخذت نظيفة و من خراب لخراب و الجنوط كان مغيرهم لتجاري فراح الثبات و اخيرا جات مشكلة الحرارة و كل ما سويت ما نفع اخر شي تخلصت منها بعد خسايير كبيييييييييييرة .

بعدين اخذت الماكس 2003 و مع التعديل في الشكل كانت شي ممتاز و تجربتي معها ممتازة و سيارة راسية بخلاف الي يتكلمون عليها انا كنت امشي ابها 230 زي السلام عليكم و لا ننسى انها كانت مالت قومات و انا جاير عليها بس الماكس سيارة ممتازة ....

المهم اخذت لومينا 2000 ال تي زد و كانت الرساوة رايحة فيها ,,,, بس صرفيتها حلوة و جلستها تعجبني ....

من السيارات الي سقتهم ...: الماجنا 2003 كانت جبارة و راسية في الخط بشكل فظيع بس مشكلتها قطع الغيار و صغيرة
الافلون 2000 هي انيقة و حلوة بس كان فيها سوء في العزل الصوتي و عدم رساوة و الله كنت ماخذها للتجربة من احد اصحابي قلت يمكن اشتريها
بس من جد ما قدرت اعدي ال 170 كاني امشي 240 بالماكس و صوت الهوى قوي .. ما ادري يمكن كانت فيها مشكلة
و سياير حيالله مثل الكرسيدا و الكابرس القديم و الصابونة و السوبر ... و كلهم صفر على الشمال

خلاصة تجربتي ان الامريكي ما يصف يم الياباني بس انا احب شكل الامريكي و وسعه عشان العايلة ...

[أنا عندي جيب لاندكروزر والله أنها سيارة تقولها لين بكرة من جميع النواحي الي يعجبني فيها صبوررررررررررررررررررة أن تبيها في الخط تلقها أن تبيها في الفخامة تلقها أن تبيها في الطعوس تلقها[موديلها 2002 حتى والله العظيم أني أفجر والديها فجر ولا أحميها ومكيفها من أفضل ما يكون ولا خربت على ولا مرة بس ماأقول الله يعظم أجرها وكانت تجربة رائعة وأنصح الجميع ممن يريدون سيارة صبورة وتتحمل ولا يطيح سعرها مالكم ألا الاندكروزر..

أنا قد جربت 4 سيارات هما


1- تويوتا كروان موديل 93 : + راسية عملية حقت كرف قليلة الخربات ــــ قطع غيار ناااااار (تغيير الدينمو و العكوس 5500ريال ) و بالنسبة لموديلها كانت مواصفات جبارة مكيف خلفي تحكم منفصل سواء من الخلف او الامام , ثلاجة عزل صوتي احسن من الكامري 2006 . علما بأن السيارة اخذها الوالد وكالة و استمرت معنا 13 سنة ثم بعاها بالقوة :) لأحد المعارف لكونه يبحث عن سيارة مستعملة نظيفة .

2- تويوتا افالون 2000 + سيارة روعة راسية عملية قليلة الخرابات ــــــ قطع غيار غالية و لكن ليس مثل الكروان أرخص شوي , عزل صوتي متواضع

3- متسوبيشي سبيس واجون 2004 سيارة جد ممتازة للمشاوير داخل المدينة , مكيف بارد جد , الاكسسوارت ( مسجل + ريموت ) أحسن من حقت أبو جميل ألف مرة - الريموت يفتح السيارة من على بعد و بدون مبالغة 50 م ــــ قطع غيار نار تغيير الأقمشة الأمامية و الخلفية بشغل اليد 950 ريال --- ماهي راسية كأنك بتسوق كرولا ---- عزل صوتي ضعيف .

4- تويوتا كامري 2006 سيارة ممتازة للمشاوير و راسية زي الأفالون ما فيها مشاكل مكانيكية ــــ المسجل + السي دي + الريموت + الحساسات ... (مواصفات الجي أل) - الله بالخير ماعندك أحد - اللي عند محالات الزينة أحسن
ا لعزل الصوتي:mad: باختصار سيارة مهوية :) كلمة أخيرة الكامري = مكنية + قير أتوماتيك + مكيف + مقاعد أريح من الأكورد . فقط علما بأن السيارة كملت معي سنة و لم أدخلها الوكالة الأ للتغيير الزيت و الفلتر

ملاحظة : جميع سيارات التيوتا السابقة خربت مسجلتها ما عدا الكامري السي دي فقط !!!!
و سلامتكم

السلام عليكم جميعاا
1ـ قراندي 90 سيارة زمانها كانت روعة بس الحرارة مسكت في السيارة ولا قدرت أتخلص منها لدرجة إني وظبتها ومازالت الحرارة ماسكة بالسيارة بعتها بعد سنة من الإستخدام .
2ـ كابريس 86 الله ع السيارة اللي ما أنساها وفيه(من الوفاء) من جد بس عيبها إنها أمريكية بس أما غير كدا سيارة تحطها ع يمناك استخدمتها 9 سنوات وكنت أداوم بها أسبوعيااا للعلاء حوالي 890 كم عن مكة وما عمرها اشتكت
طبعا أثناء استخدامي للكابرس أخدت كامري 2002 وكنت أداوم بها للمدينة بس بصراحة ما أعجبتني مع إنها والشهادة لله سيارة سيارة بس ماهي صالحة للاستخدام في الخطوط الطوال من وجهة نظري أو لإني جربت يمكن قبلها الكابرس مع إني آآخدها وكالة المهم بعتها بعد سنتين الشهادة لله ما حطيت فيها غير بنزين وزيت وبواجي بس وكان لونها عشبي .
3ـ مرسيديس 95 بس أخدت معي أربع أيام وبعتها ما ارتحت لها وخصوصا إني ساكن في حي في مكة كلها حفر وألغام ومطبات .
4ـ باترول 98 على اسمه باترول يا هو يسحب بنزين الله لا يوريكم وبوديه ما يتحمل الاهتزازات من مطبات وطلعات بر وغيره , المهم بعته بعد سنة تقريبا أو أقل يمكن .
5 ـ كراون فكتوريا 2000 الله يا هي سيارة ما بها إلا عيب وااحد من مجرب وخبير إنها أمريكية بس لا حرارة ولا كلام فاضي , لا حطيت رجل ع البنزين فزت معاك تقول طير شااهين وشكل روعة وصالحة للاستخدام في المدينة وع الخطوط السريعة بعتها بعد سنة تقريبا ويعلم الله إني متحسف وندمان ع بيعتها بس بيني وبينكم بعتها لسبب واحد هو إني نويت مقاطعة المنتجات الأمريكية بقدر المستطاع والله يعوضنا ويعوضكم خير .
6 ـ لاندكروزر 2001 وزي ما يقولون مع احترامي للجميع اللي ما معاه لاندكروزر لا يقول معي سيارة بصراحة سيارة تعطيك كل ما تبي , بس عليكم فيهم بصرفية البنزين شوي يسحب بنزين خصوصا عند التحميل وفي التطعيس لأنه يكون فيه ثقل ع المكينة .
وسلام للكل .

انا جربت سيارات كثيره

1- ددسن 92 اشتريناه وكاله وما شاء الله ما توضب ولا يطلب قطع والى الان موجود
2- مكسيما 99 كل يوم ماشين فيه 260 وكأني ماشي 90 وما شاء الله راسي والى الان موجود
3- موتر الوالد جيب لاندكروزر 85 ماشاء الله تبارك الله موتر عز ما قد سوينا فيه شي الا الاقمشه والكفرات والزيت
مع اننا لاعنين ابوه
4- فورد كراون فكتوريا 2003 روووووعه بمعنى الكلمه بس مشكلتها صرفيتها


السيارات الي سقتها
1- كامري 2002 رووووووووووووووووووووووووووووووووعه (سقتها يومين وانواع الدعس )
2- كورلا 2005 ايجار سقتها لمده اسبوعين مشيتها خلال اسبوع داخل المدينه 2000 كيلو وما شاء الله بس عيبه مو راسي

3- كابرس اث اث موديل 2002 سقته لمده شهر خراااابات ومو راسي بس طياره
4- هيلوكس 2001 ممتاز لكن ما دخل راسي (ما ادري ليه ) عزمه طايح مع انه شبه جديد

طبعآ انا اشتريت ماجنا في ار اكس لون احمر قير اوتو
---------------------------
السياره ماشالله تبارك الله مايحتاج في الشكل
بس فخامتها لك عليها ورساوتها ممتااازه جدآ وعزلها الصوتي لابأس به
والعزم صراحه جبار بس عيبها الوحيد انها ماتكرف زي الكراون وقطع غيارها غاااااااليه
الاقمشه ب200 طبعآ فرق لانه اقمشة الكراون ب100 وكل سنه اغيرها اما الماجنا كل كم شهر واغيرها
اما عن صرفية البنزين صراااحه تشفطططططططططططططططططططططططططط
يعني الفل مايمشي 350كيلو هذا اذا مطفي المكيف وماتدعس وسواقتك محترمه
والمقاعد صراحه مهي مريحه لانها رياضيه (قماش رياضي)والديكور لك عليه يعني يبغاله شويه تظبيط ويطلع ميه الميه

بالعربي السياره تنفع للأستخدام القليل
يعني المشاوير الطويله...ماتنفع للأستخدام اليومي لانه حتفلسكم زي مافلستني

وصراحه انصح الشباب يشتروها بس بشرط يشترو فئة (في ار اكس) لانها صراحه جناااان ولون احمر كمان وتنزيله خفيفه وزنون وعدسات..والله ادب
اما الفئه العاديه لك عليها مو حلوه

مشكوووووور اخوي على الموضوع الحلو
<<== يبي يفضفض

انا السيارة اللي شريتها ( اللي شراها لي ابوي وشهولة النصب :D )
كامري 2003 فتحة gli
السيارة اكيد فيها عيوب مافيها كلام

بس انا مرتاح لها و لصرفية البنزين

المهم مشيت فيها للحين 125000 كلم
والله يا شباب ماقد شكيت منها الا فترة من المكيف وكنت اقول ليتني شاري الشكل القديم احسلي مكيفه وش زينه و من ذا الكلام
لين ما نظفت فلتر المكيف حق سيارتي بعد نصيحة من احد الشباب و يطلع لي المكيف زي الحلاوة و انا انصح الشباب ينظفون فلتر المكيف .
لين ما جت الصدمة
والحقيقة انا تفاجئت فيها
وهي

لما جيت اغير زيت قالي اليماني سيارتك نظيفه ماشاء الله بس ما قد صار شي بالقير حقها !!!!!!!!!

قلت لا ما قد صار شي بس قد غيرت كلتش

قالي بس
قلت له ايه بس
قال ياخي ناس ما عندها ذمة ولا ضمير ولا ولا ولا

انا قلت خير يابو وش فية

قال لي القير حقك مــــكــــســـور و مربط
انا وجهي سوا كذا :eek: :mad:

عاد انا والله يا شباب ان قيري ما قد غيرته ولا قد جته ظربة ولا شي
بس اكيد ان الحرامي هذا يوم جا يغير الكلتش يا انه ما عرف يركب القير صح ولا انه بايع قيري و مركب لي قير خربان

ولا مالي الا اني اجي لمه و اقوله ركب لي كلتش ولا افحص كلتشي و اشوف القير و اهاوشة كأني توي ادري ان قيري مكسور و الله يعين و يكتب اللي فيه الصالح

واسف على الاطالة

ونسيت أقولكم شيء أخر:

كامري موديل 2003 تماتيك أربعة سلندر فتحة فضي:
صراحة سيارة ليست جيدة أبدا!
تصميمها من الداخل ليس ملفتا للنظر مقارنتا بمنافسيها
عزم الأتماتيك ضعيف جدا
ما فيها رساوة بعد 150!
سلمني على السمعة هذي السيارة أنواع الشبهه لدى الشرطة
وأذكر لكم سالفة
قد أخذ الوالد الكامري ومر عن نقطة تفتيش يوم مر جاء العسكري من بعيد وهو يقول: وقف وقف!!!
يوم شاف الوالد قاله أمش؟
قاله الوالد: ليش تو تقولي وقف وقف ثم تمشيني.
قال: على بالي أنك شباب!!!!!!!!!!!!!!
يعني هذي السيارة مع الشباب شيبهه ما بعدها شبه
طيب في أيش شبهه:
1- التفحيط.
2- قطع الأشارات.
3- أصحاب المواكب وكالعادة في المقدمة وهي السيارة المشهورة التي تهبل بالشرطة!

وأيضا هذا عيب في تويوتا ما راح أتوقع ينقرض أبدا وهو أن العازل الصوتي فيه الله بالخير (أنواع التنسيم)
وأي بزر يقدر ينقز يسرق السيارة بكل سهولة وهي أول ما يتعلم الحرامي كيف يسرق السيارات عليها
والي يقهرني زواده ناظرو الأن كم سعرها لموديل 2005!!! للسياحي تماما سمعت أنها بـ 68 ألف!!! للقير الأتماتيك
وش فيها بس مو مواصفات أنها توصل هذي القيمه بس
ولا من أي صدمة بسيطة تتعفط السيارة ولا يهون أغلب الياباني بس هذي بزود!

وآسف على الاطالة

موضوع جميل وراح أقولكم تجربتي لبعض السيارات:

1- جمس سوبربان موديل91 أخر دفعة من الأشكال الكلاسيكية:
صراحة هذا الموتر بطل بشكل كبير وممتاز وهو قطع 2500 مكينة 454 من أفضل ما يكون.
عزم قوي جدا وسيارة مريحة الركوب والبدي من أصلب ما يكون.
واسعة جدا وتشيل الي تبي من الحمولة ولما تتطيح حتى لو كانت الحمولة ثقيلة جدا!
ولا يضعف عزمة أبدا في تحميلة وسيارة عجبتني وإلى الان وهي معي وصراحة فضلتها على سيارات كثيرة
أحلى شيء فيها أنك ما تشيل هم احد يصدمك أو تصدمة لأن تخبرون هذا الموديل البدي حديييييييييييييد.
وجربت قيادته في البر صراحة لما تسوق موتر كبير في البر تحس لطعم غييييييييييييييييييييييير عن لما تسوق سيارة صغيرة في الطعوس وما شاء الله يمشي ويطعس وينطح بدون دبل. (أذكرو الله ياشباب مني ناقص مشاكل)
العيوب:
ما يصلح أستخدام مدن مع أني أستخدمة في المدن وكارف كرف ما بده كرف ما شاء الله تبارك الله ولا أشتكى, وصرفيتة عجيبة في المدن يصرففففف بشكل خطير بس في الخطوط العكس تماماً.

2- كامري موديل 2002 تماتيك غشبي فتحة أربعة سلندر:
سيارة حلوة وأقتصادية وعندي أنها أفضل بكثير من موديلات 2003 وطالع
عيبها: السيارة شبهه وغير كذا أي واحد يسرقها, وحقت تفحيط , يعني ما أرتحت معها كثيرا.

3- لاندكروزر 2002 نوع VXR2:
موتر حلو وقوي في الطعوس بس غلطنا شريتها من أبوجميل
وعيب الياباني بشكل عام أتركه ولا تستخدمة فترة شوي طويلة وتجد أنه خرب!
صرفيته للبنزين تقهر صراحة مايوفر وعزمة ما يقنع أبدا ضعيف في الشوارع بشكل كبير.

4- لومينا LS موديل 2001:
سيارة حلو بس عيبها ما فيها مواصفات لنوعها LS أقل درجة
سيارة عزم قوي وأحلى ما فيها أقتصادية
عيبها مهب راسية عن السرعات العالية.

5-كابرس 2002 LTZ:
سيارة قوية جدا في المحرك بس عيبها مهب عملية وليست مريحة بنسبة لي صراحة أذا سقتها أكثر من ساعتين أحس ظهري بينكسر!
وسيارة تمشي فيها 130 تحس ما شيء 170! ما ترتح أبدا فيها أذا جيت تسرع.
أقتصادية للوقود قوتها تعطيك.
بس لها عيب صراحة شين وهو الفرامل مهب قوية على قوة السيارة يعني ما توقف السيارة بسرعة!
ولا فيها ثبات أبدا عن السرعات العالية.

6- هايلكس 2005 GLX غمارتين سعودي:
غلطت عمري كلها أني شريه
صراحة موتر شوية كلمة يفشل!
مهب مريح أبدا ومن أشارة لأشارة أنواع المطامر وهو في الشارع!
ديكور يجيب المرض قبيح جدا.
صوت المكينة مرتفع جدا أذا جيت تسرع بس 120!!! لو أشتري ديزل أصرف.
أنواع التنسيم وهو 2005 هذا عيب تويوتا بشكل عام أكبر شركة مشهورة بالتنسيم.
عزمة في الطعوس قوي بس ما يرضي كأستخدام على طول لأنه ما تجد الراحة فيه.
وتخبرون أبوجميل في التلفيق.. مسجل مغيرة وطارة كأنها أيكو!!! ياشيخ غلطت أشتريه. ولا الي يخليني أضحك حاطين طيس للهايلكس هههههههههههههههههههههههههههههههه كأنه صاير كرسيدا.

7- أيسوزو ديماكس 2005 فل أبشن تماتيك دبل:
موتر عليه الكلام(أتمنى أبيع الهايلكس في أقرب مده ممكنة وأشتريه)
مريح جدا وراسي ولا فيه تنسيم وشكل جميل وخيالي ومواصفات ما تجدها في منافسية أبدا
مراتب مفصلة وفرامل كلها فحمات مهب زي الهايلكس فحمات قدام وخلف قماشات.
وطارة شكلها ممتاز وخفيفة, مرتر مرفع شد وكالة للفل أبشن وجنوط قوية وتليق به
أستهلاك قليل جدا للوقود علشانه ديزل قمة التوفير.
ليس مزعجاً كما في الموديلات السابقة التي تقل الديماكس.
معروف أن الأيسوزو الرائدة في مجال المحرك الديزل وصراحة ما منه الرائحة المزعجة جدا كبقية السيارات الديزل.

8- مرسيدس شبح S320L موديل 95:
سيارة محترمة ومريحة جدا لأبعد الحدود وأعجبتني التقنيات الي فيها رغم أني في البداية لم أعتقد أنها بها هذه التقنيات وعزمة حلو كستة سلندر
هو صراحة قومته ثقيلة شوي بس خذه خط قوي مرة في الخط,
عيبة قطع غيارة نار النار وغير كذا تراه في حقة من شفط البنزين(يصرف).

9- هوندا أكورد 2003:
هذي أروع سيدان شبابية سقتها في حياتي وما ألوم الي يفتخر فيها
سيارة راسية وأقتصادية وعملية جدا وحقت كرف أيضا ومن داخل روعة وعزم السيارة ممتاز كأربعة سلندر ومريحة
وصراحة مواصفات تكنيكل على قولت بعض الشباب (يقصدون تكنلوجيا) ههههههههههه
وهي سيارة غنية عن التعريف في المواصفات والسمعة.
وتمسك سعرها أثناء أعادة البيع.
عيبها قطع الغيار ناااااااااااااااااااااااااااااار فقط.

هذا ما لدي وأسف على الأطالة

أخوكم أبوأسد

محرك كلامك صحيح من ناحية 240 اخوي معه 2003 ومتبهذل منها بالمره

بصراحة .. أنا عندي سيارة ( لوريل 86 ) وهي تبع الوالد -الله يحفظه لنا- ولأنه إشترى له كرولا 2005 أعطاني سيارته القديمة ( لوريل 86 ) وبصراحة ما شاء الله على السيارة إنكرفت كرف مو طبيعي لما كانت عند الوالد وما شاء الله على الوالد محافظ عليها لما اشتراها في عام ( 1986 ) أي لما ولدت أنا :) ، وما شاء الله عليها إلى الآن عندنا السيارة ( ما شاء الله ) ، ونظيفة زي الحلاوة وضبطت فيها وغيرت المقاعد إلى جلد ألماني :) ( ما شاء الله ) ، هي صح أنه 6 سلندر ولكنها تعتبر بين 4 سلندر و الـ 8 سلندر ، حيث أنها إقتصادية في البنزين أكثر بكثير من الكابرس وأعتبر قوتها مثله إلا قليلاً :) ، وعبيها الوحيد شيء واحد وهو ( علبة الدركسون ) لأنه يسبب مشاكل صلابة تحريك الطارة وبعض الأحيان تكون الطارة خفيفة .

وسلامتكم .

أنا معي E240 مرسيدس 2003 صراحة ماأنصح احد فيها يمكن تستغربون .. بس ولله خربات وعزم صفر

شبـــاب اذا احد قد جرب الجيب انفــــنتي الي شكله مثل الباثفندر موديل 2002 شرايكم فيه وفي صرفيته وفي قطعه وفي وكالته

ياليت تفيدووووووووووني جزاكم الله كل خير

ياناس تكفون اللي له خبره جيب ربع باترول باب واحد يقولي تكفون كتبت موضوع ولا احد عطاني وجه وابيكم تقولولي على هذا الموتر زين شين قوه يصرف مايصرف بنزين ومن هل الامور واذا كان في زياده يكون احسن

السلام عليكم
موضوع جميل و مفيد
بالنسبه لتجاربي كانت كلها مع نيسان باترول
موديل 1991 و 2002
ابدأ بموديل 91 : شريناه مستعمل لكن كان نظيف جدا سياره ما عليها كلام من ناحية الخرابات لكن وسائل امان مافيه و يوم تسرع شوي تسمع صوت الهوا من الشبابيك كانك راكب سيكل:(
من ناحية مشاكل مافيها و سيارة كرف اكل ارصفه و مضبات

بالنسبه للباترول الثاني 2002 كان اول دفعه من من الشكل الجديد كان السياره 44 اللي نزلها الوكيل في السعوديه سيارة محترمه و ماعليها كلام من ناحية فخامه و قوة محرك "اقوى من اللاندكروزر الثمانيه سلندر مجرب مع لاندكروزر قطري"
لكن من ناحية الاستخدام و الاقتصاد لك عليها:
1- استهلاك البنزين بلااااااعه خاصه ما مسكت نفسك و صرت تدوس بيها
2- تسمع اصوات قرقعه كأن صواميلها منحله "مع ان استخدامي فيها كان جدا نظيف غير الباترول اللي قبله" و اعتقد هذه المشكله في كل سيارات النيسان.
3- الفرامل ذبحتني كل ما اغيرها الاقي الهوبات مصديه و اضطر اغيرها خاصة الاماميه اللي باليسار.
4- و الازارير اللي تتحكم بالمسجل "ترفع الصوت و توطيه" تعلق مرات

اتمنى اقرأ تجاربكم....