السلام عليكم ورحمه الله وبركاته
بحمد الله شريت سياره مستوبيشي ماجنا VRX ب 94000 ريال اقساط
25000 دفعه اولى وقسط شهري 1650 ريال
بعد عذاب دام 10 ايام من البحث في الوكالات ومرمطه مالقيت الا وكاله
مستوبيشي اللي بتعطيني سياره بشروط ميسره
في ذلك اليوم رحت لوكالة مستوبيشي علشان اطلع سياره من عندهم
بدون تفاهم حطيت عيني على الجالنت ( يازينها ) فا اتفقت انا والموظف على
هذه السياره ولكن ماهي الا لحظات الا وهو يقول : للمعلوميه ترى الماجنا تخدم
اكثر من الجالنت ..... انتهى
المهم انه حط الماجنا في راسي بعدها اتفقت معاه على الماجنا نص فل
شويتين كذا قال : ياخي خربها مره وحده و اشتري ماجنا VRX وريح
دماغك ..... انتهى
انا ماني عارف ايش هذى ال VRX المهم اني قلت له هات اي حاجه وخلصنا
بعد ما سوى الأوراق وخلصنا شفت ال VRX هذي اللي يقول عليها
صراحه ياشباب انا انصدمت يوم شفتها بالمره اعجبني شكلها
ولكن من الداخل مش ولا بد والحمد لله على كل حال ال
كانت امنيتي سوبارو والله العظيم ولكن بالبيد وغيرهم سدوها في وجهي
و ماكل مايتمناه المرء يدركه تجري الرياح بما لاتشتهي السفن
الى من يهمه الأمر
هل السياره بتجملني يعني اطلعها من الوكاله وانسى الوكاله وانسى طريقها
او اني باأزورها كل فتره وفتره او اني لازم امر في اليوم مره
بأختصار شديد هل السياره بتخدمني 5 سنوات من غير ما تفتح فمها
ارجو من الأخوه الكرام افادتي
لاتنسى يا همس البحر تعطينا مرئياتك عن السياره بشكل عام بحكم انه معاك
هذه السياره
ودمتم سالمين
