بالنسبة لفتحة السقف ..

النيســـانـــي @user_10208 · 07-02-2004

السلام عليكم ...

اولا حبيت اهني نفسي بالإشتراك في هذا المنتدى الجميل وهذي طبعاً اول مشاركة لي معاكم وان شاء الله تفيدوني في الاستفسار اللي جبته لكم :)

انا سيارتي نيسان باثفايندر موديل 2003 .. SE3.5 ، بدون فتحة بالسقف .. بس انا سمعت من وايد شباب عندنا بالبحرين انه في محلات في السعودية يسوون لك الفتحة بالسيارة ويضبطونها لك ضبطة الوكالة .. مادري عاد يقصدون وكالة نيسان او محلات ثانية ؟؟

عموماً شباب ياريت احد يفيدني بهالموضوع ، واذا كان صحيح ان في محلات تقدم هذي الخدمة ، فبكم الأسعار ؟

تحياتي لكم /

black scorpion @user_5250 · 15-02-2004

انا عندي باث فايندر فتحة في السقف بس اللي لاحظته ان اللي يجي من غير فتحة سقف السقف من داخل السيارة اعلى من اللي يجي بفتحة سقف يعني اريح لطوال القامة في المقاعد الخلفية وسبب الاختلاف هو انك لمن تفتح فتحة السقف الزجاجة اللي بتتحرك بتدخل داخل التجويف النازل عن سقف السيارة.ارجو ان المعلومة تكون قد وصلت

zr1farsi @user_104 · 13-02-2004

والله شهيتوني بخصوص الفتحة يبلي اسوي فتحة للموتر بعد بروح دبي او العين وبشوف كم اسعارهم

جالانت @user_6169 VIP · 11-02-2004

احسن شي تروح لأي محل مضمون وتريح حالك

واالله يوفقك

زيك @user_9156 · 08-02-2004

السلام اقرب من زيبرات يعني على طريقك وانت جاي من البحرين

النيســـانـــي @user_10208 صاحب الموضوع · 08-02-2004

تسلمووون على ردودكم .. ومشكوورييييييين على المساعدة .

يعني حالياً افضل محليّن هم زيبارت والسلام .

اي هو اقرب للبحرين خخخخخخ علشان نخلص الموضوع ؟ :)

مجنون أوميغا @user_1272 · 08-02-2004

انا مثلك لاما رحت حق الجميح قلت لهم ابغا افتح فتحه قالولي راح نرسلك عند السلام
فقلت لهم كيف تودوني عند السلام وانا ابغا افتحه في الوكاله
قال شغلهم نفس شغل الوكاله ما يختلف شي عنهم
وكلمهم لي قالوله بتكلفه الفتحه وقصها وديكورتها الدخليه 3500 مع ضمان مفتوح

N.M.N @user_4374 · 08-02-2004

اخوي النيســـانـــي

عندنا في الرياض محل اسمه السليماني في شارغ الغرابي

شغله مظبوط ... ويحكر لك الفتحه ... ويعطيك ضمان

وبـ2700

تحياتي

Polite @user_1346 · 08-02-2004

[CELL="filter: glow(color=red,strength=2);"]
مرحبا أخوي ..
حسب كلام الشباب اللي أعرفهم أفضل مكان ممكن يفيدك هو زيبارت ..
والحقيقة الشباب كتبوا ردود ترفع الراس وتملى العين ..

يعطيكم العافية جميعا .
[/CELL]

النيســـانـــي @user_10208 صاحب الموضوع · 08-02-2004

أخوي abo musaad

اقدر افهم من كلامك ان تركيب السقف يستغرق 12 ساعة ونصف ؟؟ ..
وتسلم حبيبي على المشاركة ..

النيســـانـــي @user_10208 صاحب الموضوع · 08-02-2004

يعطيكم العافية جميعاً على المشاركة ...

أخوي عاشق الكراون ، مشكور على النصيحة وانا متردّد والسبب نفس المشكلة اللي قلتها ..

أخوي أبو طريخم ، افا عليك يلا انا وانت نروح نركب ليش لا :):) ؟

أمير الجزيره @user_6104 · 07-02-2004

والله أنا معاي كراون فكتوريا سبورت وأبغا أركب لكن يانيسان خلنا نروح أنا ووياك نركب هههههههههه

المهم تبي نصيحتي رح لزيبرت لأني حتى أنا بركب

Iبو_فيصلI @user_1163 · 07-02-2004

عندك محلات كثيره بالدمام منها زيبارت وراح يركبلك فتحة سقف من الوكاله يعني يشتريها من الوكاله ويركبها وشغلها 100% زي الوكاله وبالنسبه لآسعار زيبارت ماعندي علم فيها بس قريبه من المحلات الثانيه

abo musaad @user_8491 · 07-02-2004

مرحبا اخوي
انا مركب فتحه عند السلام بشارع سعود لنيسان باترول 2003 طلعته من الوكاله بالليل ومن بكره الساعه 7:30 وانا عندهم وخلص الساعه 8:00 مساء
كلفت 3200 ريال مع ضمان عشر سنوات والحين صارلها سنه والحمد لله كأنها من الوكاله..................................................................................................

وفي نوع ضمان سنتين ب2400 ريال
ونوع عادي يفتح على فوق بس ب1100

تحياتــــي

راعي الكراون @user_5039 · 07-02-2004

تبى نصيحه مني؟
لاتركب التنده لانه مع الزمن حيكون في تنسيم هواء وحتقول ياليتني سمعت نصيحه عاشق الكراون

عـاشقSS لوميـنا @user_9700 Banned · 07-02-2004

والله ياخوي عندنا في 6 ملايين محل يضبطون لك اي شيء تبغاه

بس المشكله اني في الرياض

خل شباب الشرقيه يجون ويعلمونك

وحياك الله في السعوديه

النيســـانـــي @user_10208 صاحب الموضوع · 07-02-2004

بارك الله فيك أخوي زيك على هذي المعلومات القيّمة ..

بس ما عندك فكرة عن المدة اللي يستغرقها المحل في انهاء ضبط السقف ؟

زيك @user_9156 · 07-02-2004

هلا بك اخوي من البحرين
في محل في الدمام اسمه مجموعة السلام في شارع تيوتا او شارع الزينه
اسعارهم اتوقع من 2500 الى 3000 ريال

اخوك زيك