ترشيح !! من هي القمة !! ماكسيما - كامري - أكورد

AHLLEY @user_10035 · 02-02-2004

بسم الله الرحمن الرحيم
السلام عليكم ورحمة الله وبركاته

إخواني الظاهر عرفتوا ايش القصه من العنوان.
انا بصراحه ناوي اشري سيارة ومحتاااااااااااااااااااااااااااار محتااااااااااااااار بين المكسيما والكامري والأكورد مع اني في الحقيقة احس اني اميل للكامري شوي ومشاركاتي كلها تقريبا عن هالسيارة بس يمكن هذا يعود لشعبيتها الكبيرة (عاد مشكله والله شعبية البي ام) :D ويمكن شعبيتها هذي هي اللي مخليها من اكثر السيارات مبيعا بالاسواق (الا الاكيد وش يمكن ) ...
فللذلك يقولون اخواننا اللبنانين اللي يسألش مايتوهششششششش
فكلنا خل نستشير الشباب ونستفيد من خبرتهم ولتعم الفائدة ارجاء المنتدى المبارك بوجودكم.
شباب انا ابقص لكم قصة حياتي
اسمعوا سالفتي -------------- الحقيقة انا مره اقول لنفسي :
ياخي خذ لك مكسيما
الطبلون 260 يازينا
ماتقول اليوم احد متعدينا
نشاط وقومه وشكل اورنجينا
(الرجاء عدم التدقيق )
لكن لما اسمع الأصوات اللي ترد علي وتقول :
وش تبي بموتر ٍ تفكك وتهرى
وقطع غيارها جمر ٍ تلظى
وشربها للبنزين ياساتر لك الله
وسعرها لاجيت تبيعها خلها على الله (يعني طايح )
ارجع واعيد النظر مره اخرى.... وارجع واقول :
ياخي مالك الا كامري الرهيبة
سمعتها وشعبيتها كبيرة
وفيها روح الشبابية
لا وكمان اقتصادية
لاشفتها قلت هذا صاروخ موجه
ولامرتك تقول بسم الله وش ذالعجه
وقطع غيارها كنك رايح لمحل الحلويات (رخيص)
وهي عباره عن شيك بالمخباة (ان ماجبت فيها العيد طبعا)
ولكن ,,,,,,,,, يرجعون ويقولون
وين رايح تشري كامري والله لامواصفات (طبعا من ابو جميل مو منها)
وممشاها بالخط يجيب لك العلات
وبلاوي وهجات وحاجات وحاجات
وعيوب ياغافلين لكم الله مخبات
و.....و....و.......... ونرجع مره ثالثة ونقول :
الأكورد والله حلوه
مواصفات رائعة وفله
غير قابلة للتفكك والذوبان
و100% من صنع اليابان
والمره المليون ..............يقولون.................لالالالالالالالا وش تبي فيها ياخي
لاتشتريها وبعدين تصير عليك بلوى
وكيلها طماع ٍ ما يشبع ولايرضى
مخلي قطع غيارها نار ٍ كبرى
وكل يوم رافع بالسعر يغلى ويغلى
وووووووووووووووووووووووووووووووووووونعود الى نقطة البداية.....
صراحه احترت احترت الى مالا نهاية
شباب ابغا اراء سواء من اللي مجربين هذه السيارات واللي يملكونها اوحتى من اللي ماجربوها او مايملكونها فما يمنع انه يبدي وجهة نظر مقتنع فيها (ياخي حنا عندنا حرية الراي يــــــــــاخي )
والأهممممممممممممممم من هذا كله من غير تجريح للآخرين :cool: (يعنى جرح بس على الخفيف اهم شي ما يطيح فيك المشرف ) هههههههههه
وارجو منكم انكم ترشحون لي هالسيارات حسب الأولوية (مثلا الاول كذا والثاني كذا والثالث كذا بس الى الثالث لان ماعندا الا ثلاث سيارات ) مع مراعاة النقاط التالية لكي يكون الترشيح عادلا ً :
اولا: الشكل
ثانيا : الصبر
ثالثا : قطع الغيار
رابعا : الصرفية
خامسا : قوة المحركات (الرجاء المقارنة بين الجميع اذا كانو 6 سلندر والكامري والاكورد اذا كانو 4 )
سادسا : قوة الهيكل وتماسكة
سابعا : مواصفات الأمان والمواصفات الداخلية ووسائل والراحه
ثامنا : الوكيل
تاسعا: سعرها عند البيع
عاشرا : مميزات اخرى او نقاط اخرى تضيفها من عندك (مثل الخط القومة العزم وولف من عندك اي شي يعني ارنب على كيفك المجال مفتوح بس بالنقطه هذي :mad: (الارانب جايه جايه من غير مانقول بس اقول كل عام وانتم بخير)
والرجاءءءءءء يكون الترشيح لكل نقطه على حده لكي تكون السيارة التي تحصد المركز الأول في أغلب النقاط هي القمة (قويه كلمة القمه صح ) و يتم الترشيح لها .
عزيزي اعلم ان رأيك سيكون كمثابة دلالة لي على شراء السيارة التي سوف ترشحها واعلم انك ستفيدني في ذلك ولن تتوقف الفائدة عندي فحسب بل إلى الكثير غيري لأن هنالك العديد منهم في موقف حيرة وتردد مثلي فلا تكتم صوتك وتجعل الكثير مترددون ومحتارون بين الأختيار والحل قد يكون متوقفا على صوتك ------------- فلذلك صوتك (((يعنــــــــــــــي الكــــثير)))
عزيزي المرشح ابدا لاتنحاز وقل جميع الحسنات والسيئات التي تعرفها عن السيارة التي سوف ترشحها حتى لو كنت تملكها فـقـل ماترا ان السيارة تستحقه ( يعني نبغا الانتخابات نزيهه |2| ) لأن ذلك فعلا سيجعل السيارة التي تكون في القمة هي أهل لذلك .
أخيرا تذكر دائما أننا نتحدث عن سيارات وليس عن أعضاء ,,, فالأعضاء عندنا أهم من السيارات وأهم شي تكون القلوب صافية .
واللـبـيـب يفهمها بعد ماتوقع ;)
وبسرعة علموني علشان ارسي لي على بر واشتري السيارة الاسبوع الجاي ادام ابوي تهور وقال ابشريلك .
((((((((((((((((((((((((((((((((((اذا كنا غلطنا على احد وحنا ماندري فالرجاء لا احد يزعل وان زعل فالكيبورد يقولون هالايام ازين من الجدار ))))))))))))))))))))))))))))))))))))))) ههههههههه مداعبه على الريق بس احس ان مالها داعي
بالاخير اتمنى لكم كـــــــــــــــــــــــل التوفيق والنجاح
تحياتي
محبكم الى باب المجلس
أهـــــــلـّـي
نشوفكم بالجنه انشالله |3|

ابو ريناد @user_8439 · 22-02-2004

السلام عليكم ورحمه الله وبركاته

اخي صاحب الموضوع ابرد مره ثانيه

وهي بخصوص بعض الاعضاء فيه اشياء لابد من ذكرها والحذر منها

اللي يقول ان الاكورد ماسكه سعرها وخاصه الشكل الجديد انا اقوله كلامك صحيح . لاكن الملاحظ عليها انه عندما تصل الى 55.000 - ومافوق فانها تفقد بريقها في السعر تعرف ليش ؟

لان السياره خارج الضمان او قريبه منه وبهذا لو خربت السياره راح تاكلها مثل زميلي معه هوندا اكورد 2002 والله محافظ عليها محافظه خياليه بشكل ماتتوقعه ابد .المهم سيارته ماشيه معه 43.000 كيلو وكان رايح للدوام حوالى 60 كيلو عن الرياض المهم طلع صوت فى القير وصار كل مايدوس السياره ماتمشى . المهم نقل السياره على سطحه لين الوكاله تعرف بكم قيمه القير 12.000 ريال يعني باقي 17.000 كيلو والضمان باي باي . وراح يدفع 12.000 ريال غصب عليه . المهم صلحوا له او بالمعنى الصحيح غيروه له طبعاً على الضمان وهذا الشى يحسب لصالح الشركه (( والحق يقال )) بس انا ابغى اعرف وش راح يكون رده فعله لو كانت السياره خارج الضمان . (( بس للعلم الهوندا اكورد 2003 وما فوق جذابه بمعنى الكلمه ))

<<< تعب ياناس من التكلم فى السيارات يعنى لازم اعلمكم اني ((شايب :) )) والمعارض والحراج والله هو هو ماتغير من 15 سنه ياناس افهموا على العموم اللى مو متأكد يروح للمعارض ويسال عن اي سياره هوندا قبل ماينتهى الضمان حتى لو كانت مصدومه وراح تلقاها ماسكه سعرها بشكل خيالي )) ولكن المصيبه بعد انتهاء الضمان حتى لو كان البدي نظيف ماتمسك سعرها ابداً ))

ارجو ان تكون وضحت الصوره .

مع التحيات اخوك ابو محمد
ل و ك 151 :)

TSS @user_5129 · 20-02-2004

هلا اخوي

بالنسبه لي

الاكورد

افضل من كل السيارات المذكورة بكل شي الا القوة

شكرا

؟كامري؟ @user_10422 · 20-02-2004

خذ الكامري لان لو كرفتها تتحمل مو
زي المكسيما
والاكورد حلوه بس نصيحتي
بالكامري
اخوك ؟كامري؟

Accord V6 @user_9634 · 19-02-2004

انا بدخل بالموضوع علطوووووووووول
انا أقووووووووووول أكورد
1- الشكل : حلو وبشهادة الأغلبيه
2- الصبر : الهوندا معروفه بالصبر لدرجة إن الموديلات القديمه لما الحين نشوفها بالشوارع
3- قطع الغيار : بدووووووووووون مناقشه غاليه مره ( انا مجرب على هوندا أكورد 2004)
4- الصرفيه : عبي بــ 50 ريال تمشيك 500 كيلو
5- قوة المحرك : قووووووووووووووويه جداً بالنسبه لــ 6 سلندر
6- الأمان : ما أدري ههههههههه
7- الوكيل : اللي انا أشوفه ( ممتاز )
8- السعر عند البيع : ما أقدر أفيدك لحد الحين أول مره اشتري سياره ماعندي خلفيه

وسلامتكم

تحياتي
Accord V6

سيارة @user_5479 · 17-02-2004

اخوي عليك بالاكــــورد من ناحية الشكل افضل ومن جميع المواصفات احلي واروع
بالنسبة للكامري لا تفكر
رحت لشرقية على اكـــــــورد فل 4 سلندر مشاء اللة عليها رساوة وثبات فى الخط نمشي 160 ومشغلين المثبت وعلى فكرة الاكـــــورد فى الخط صرفيتها احسن من الكامري
رجعت من الشرقية مع ولد عمي على كامري واللة لا رساوة فيها ولا فخامة تذكر وبالنسبة لصرفية تصرف اكثر من الاكــــــورد .

وطبعاً خذلك هالاصوات فى الكامري (الربلة ) ولد عمي طلبها من الوكالة قبل 3 شهور ولان تعدت 60000 كلم =انتهي الضمان وما اتصلوا .

وبالنسبة للماكس بتتغير السنة الجاية 2005 =لا تفكر فيها حالياً

تحياتي لك ,,,

مستشار التفحيط @user_8774 · 17-02-2004

انا ارشح كلاتي :
1 _ اكورد
2_ مكسيما
3_ كامري
وكل هذه السيارات احبها @@@

حس الاكورد @user_10320 · 17-02-2004

اخوي مايبغالها كلام انت ايش تبي تكون سيارتك من مميزات
اذا بغيت الاناقه الاكورد
ااذا بغيت السرعه الماكسيما
اذا بغيت التوفير الكامري

لكن برائي الاكورد لانها بتقعد اربع سنوات ماتطلب غير الاشياء الاستهلاكيه
اما الماكسيما في واحد يقربلي عنده ماكس 2003 متاذي من الحراره
وداها الوكاله مافي اي حل لها
اما الكامري مادري عنها اي شي لكن مثل ماشمع حقت كرف

وتحياتي لكم.........................
وسامحوني على الاطاله
اذا انا مخطئ افيدوني........

ابو ريناد @user_8439 · 16-02-2004

السلام عليكم ورحمة الله وبركاته

كل عام والجميع بألف خير <<<< بدري

اخي وعزيزى AHLLEY

من حقك تحتار بس عندي لك طريقه ممكن ماتكلف الا حدود 300 ريال وانا اعتقد بل اجزم ان هذا المبلغ قليل جداً بالمقارنه مع قيمه سياره جديده

الطريقه هي اولاً :- استأجر السيارات الثلاث مع اني اتوقع انك ما راح تلقى مكسيما اجار

الطريقه الثانيه وهي الاهم :- بعد ماتجرب السيارات الثلاث استخر الله وارفع يديك في جوف الليل وان شاء الله راح يهديك الى الاصلح والانسب لك

واخيرا لاتنسنا من صالح الدعاء وادع لاخوك ابو محمد العبد الفقير ان الله يعطيه اللي في باله .

مع احلى التمنيات لك وللجميع بالتوفيق

اخوك وزميلك ابو محمد
ل و ك 151 :D

ابـوالــولـيــد @user_6471 · 16-02-2004

هلا اخوي شوف واحد من اعز اخوياي معاه مكسيما 2002 ونا دايم يامعاه ياهو معاي دايم مع بعض المهم ولله ولا مره قد اشتكى من المكسيما بالعكس ولله يمدحها من ناحيه القوق قويه والصرفيه معقوله جدأ يعني بالعربي سياره شباب
ونا انصحك بالمكسيما ولله سياره شبابيه 100%

blackss @user_5214 · 16-02-2004

كاتب الرسالة الأصلية لا تلومينا SS ياللومينا
اخويAHLLEY
انا اقول الكامري الجديدة والله خيااااااااااااال شكلها شبه رياضي وفيها قوة مكينة
وانا مجربها وفيها راحة وتصبر وحقت خطوط والله اني مجربها وانا امشي عليها 200 ماشاءالله تقول اني امشي 60 وتمسك سعرها عند البيع وبعدين توها شكلها جديد
وفيها مميزات ماتلقاها الا في المرسيدس مثل000 حساسات اماميه مع شاشه00
حساسات خلفية 00 ستارة اتوماتيك مع ريموت 00 شاشة معلومات مثل درجة الحرارة ويعلمك كم يمشيك البنزين وكم وقتك وانت تفر فيها مواصفات رائعه مااااااااا تلقاها في الاكورد ولا في الماكسيما وانا اقول لو تدقق في شكل الكامري تحس شكلها رياضي
الاكورد حلوة بس عليها خلفية ماادري وش تبي جاية مدورة من ورى تقول واحد شايتها من الزاويتين
المكسيما حلوة بس لو تمشي 160 وتطوف سيارة تهز على طول من خفتها وبعدين يغيرون شكلها السنة الجاية يعني لو تشتريه 6 اشهر وتحس انها قديمة علشان مغيرين شكلها الجديد يعني ماتتهنى فيها

وانا انصحك بالكامررررررررررررررررررررررري انا اشهد انها موتر

BLoOd-[]-o_O @user_10347 · 16-02-2004

|4|

كاتب الرسالة الأصلية blackss
اكورد بدون حيره يا محتار
بدون اطاله عليك الأكورد هي الأفضل ثم الماكس ثم الكامري

Polite @user_1346 · 16-02-2004

أنا أشوف ان الأكورد هي الأجدر ..
سيارة تستحق كل هللة تنحط فيها .

ALMOURKY @user_5464 · 16-02-2004

كاتب الرسالة الأصلية لا تلومينا SS ياللومينا
اخويAHLLEY
انا اقول الكامري الجديدة والله خيااااااااااااال شكلها شبه رياضي وفيها قوة مكينة
وانا مجربها وفيها راحة وتصبر وحقت خطوط والله اني مجربها وانا امشي عليها 200 ماشاءالله تقول اني امشي 60 وتمسك سعرها عند البيع وبعدين توها شكلها جديد
وفيها مميزات ماتلقاها الا في المرسيدس مثل000 حساسات اماميه مع شاشه00
حساسات خلفية 00 ستارة اتوماتيك مع ريموت 00 شاشة معلومات مثل درجة الحرارة ويعلمك كم يمشيك البنزين وكم وقتك وانت تفر فيها مواصفات رائعه مااااااااا تلقاها في الاكورد ولا في الماكسيما وانا اقول لو تدقق في شكل الكامري تحس شكلها رياضي
الاكورد حلوة بس عليها خلفية ماادري وش تبي جاية مدورة من ورى تقول واحد شايتها من الزاويتين
المكسيما حلوة بس لو تمشي 160 وتطوف سيارة تهز على طول من خفتها وبعدين يغيرون شكلها السنة الجاية يعني لو تشتريه 6 اشهر وتحس انها قديمة علشان مغيرين شكلها الجديد يعني ماتتهنى فيها

وانا انصحك بالكامررررررررررررررررررررررري انا اشهد انها موتر

لا تلومينا SS ياللومينا @user_1754 · 15-02-2004

اخويAHLLEY
انا اقول الكامري الجديدة والله خيااااااااااااال شكلها شبه رياضي وفيها قوة مكينة
وانا مجربها وفيها راحة وتصبر وحقت خطوط والله اني مجربها وانا امشي عليها 200 ماشاءالله تقول اني امشي 60 وتمسك سعرها عند البيع وبعدين توها شكلها جديد
وفيها مميزات ماتلقاها الا في المرسيدس مثل000 حساسات اماميه مع شاشه00
حساسات خلفية 00 ستارة اتوماتيك مع ريموت 00 شاشة معلومات مثل درجة الحرارة ويعلمك كم يمشيك البنزين وكم وقتك وانت تفر فيها مواصفات رائعه مااااااااا تلقاها في الاكورد ولا في الماكسيما وانا اقول لو تدقق في شكل الكامري تحس شكلها رياضي
الاكورد حلوة بس عليها خلفية ماادري وش تبي جاية مدورة من ورى تقول واحد شايتها من الزاويتين
المكسيما حلوة بس لو تمشي 160 وتطوف سيارة تهز على طول من خفتها وبعدين يغيرون شكلها السنة الجاية يعني لو تشتريه 6 اشهر وتحس انها قديمة علشان مغيرين شكلها الجديد يعني ماتتهنى فيها

وانا انصحك بالكامررررررررررررررررررررررري انا اشهد انها موتر

ع البال @user_9416 · 15-02-2004

اخوي AHLLEY
يوم قريت مقدمتك الطويله عن الموضوع انتخابات وترشيح وتصويت, قلت الدعوى فيها إنااااااااااا. :)

اخوي مثل ما قالولك الشباب
الأكورد هي الأفضل, فخامة, رساوة,قوة, وأصالة(اصاله يعني سيارة اصيلة لا تفهمون شي ثاني :)
ثم الكامري ثم الماكسيما ( رأيي الشخصي)
توكل على الله واشتر سيارة الأحلام.

blackss @user_5214 · 15-02-2004

اكورد بدون حيره يا محتار
بدون اطاله عليك الأكورد هي الأفضل ثم الماكس ثم الكامري

مازن نصر @user_7400 · 15-02-2004

بدون اطاله عليك الأكورد هي الأفضل ثم الماكس ثم الكامري

mb@l @user_7605 · 06-02-2004

شوف: إذا نويت تاخذ ماكس مو ألحين لين ما يتغير الشكل لأن على ما يقولون إن فيها خلل من هذي الناحية حيث أن طولها زايد و عرضها ناقص و غالبا بيتغير في 2005
أما بالنسبة للبنزين إنت تبي قوة وسرعة وهذا يطلب بنزين مثل الباترول في البر ما يقصر بس شربه بالنسبة لجودة المحرك فهو معروف وحاصل على جوائز من ضمنها جائزة أفضل 9محركات في العالم وإذا عزمت خذ عادي ترا الإوتوماتيك ماهو بصاحي فيه خلل في منظم الهواء قالوا عدلوة والله أعلم أما الأكورد هي الأفضل حاليا ً لأنها وفرت كل شئ الإستهلاك والتحمل والصناعة والقوة (قصدي ال6) أما الكامري أستغفر الله من شكلها مقدمة ماكس وخلفية كرولا وفيها ورم من النص

بالنسبة لقطع الهوندا ترا السعر مو مهم بقدر ما تعمر القطع خذ مثلا عندي ميتسوبيشي لانسر GLX موديل 98-99 يشتغلون علية في مركز كمبيوتر شغل حمير
ماشي 220000 كيلو ما شاء المكينة ما قالت آه ماشاء الله والعزم عزم خفيفة تلعب في السوق لعب لو احتجت قطعة اشتريها وانا مرتاح مطمن بالسعر اللي ممكن يكون مناسب للجودة والتحمل أما تيوتا تمشي أول ميه مبدل نص السيارة

أكورد وبس @user_7944 · 05-02-2004

حياك الله يا أخونا الحبيب ..

يبدو إن وضعك مثل وضعي قبل ما أشتري سيارتي .. :)

أحب أنبه إلى بعض الأخطاء اللي قالوها الأعضاء .. مع فائق احترامي وتقديري ..

بالنسبة للقوة في 6 سلندر ..

الأكورد أقوى من الماكس ..

الأكورد 240 حصان .. والماكس 227 حصان ..

وحسب التجربة .. فالأكورد أوتو 6سلندر تقوم على أو مع الماكس قير عادي ..

والكامري 219 حصان .. يعني نطلعها من المقارنة ..

السعر بعد الشراء .. أثبتت المعارض أن الأكورد ( الجديدة ) تمسك سعرها بشكل خيالي ..

واحد أعرفه اشترا الأكورد بـ 63 ألف .. راح للمعارض وكانت ماشية 15 ألف تقريبا .. قال أبجرب وأشوف كم تجيب .. اول واحد سامها بـ 58 ألف ..

وسألت واحد شريطي عن أسعار الأكورد المستعملة .. قال والله ماسكة سعرها خصوصا الجديد ..

أما عن رأيي فأرى إنك تاخذ الأكورد لأسباب ..

ثباتها على الخط .. مواصفاتها وفخامتها .. قوة مكيتنها .. صبرها المعروف منذ القدم .. شكلها الجديد .. سعرها المناسب ..

وإذا كنت تبغى نفصل لك فنترك التفصيل في رد آخر .. :)