اخوكم محتار بين الهوندا اكورد والاوبل اوميجا الرجاء المساعدة

صحيح .. أنا معكم إنه غالي .. :)

ههههههههه والله سكتوني لكن انا اقصد سعر الاكورد غالي والله غالي 67 الف للسياحي لييييييييييييييه يعرفونها والله

????????


السياحي بالأكورد ماكينة L4 بـ 68000 ريال أغلى من لومينا LS اللي هي V6

!!!!!!

عاشق الكراون ..

وش رايك بسعر الكامري .. واللي هي عند عبد اللطيف جميل طبعا .. والناس معجبة به ..

ووش رايك بسعر اللومينا ..

ووووو

لو بتشوف السيارات وأسعارها كان تنهبل ..

وبالنسبة لقطع الغيار .. وش رايك لو قلت لك إن مراية الكابرس الجانبية موديل 91 سعرها عند الوكالة بـ 850 ريال ..

وسعر طاسة ماليبو بـ 300 ريال .. هذي الطاسة فما بالك بالجنط ..

أنا أقولك نصيحة أخوية الأوبل ولا بريال:D
وما في مقارنة بينها وبين الأكورد من ناحية القوة والفخامة للفل أوبشن
مبروك مقدماُ

وكيل هوندا في تحسن مستمر..يعني انا والله من طلعت سيارتي ماعمري خليتها يوم كامل بالصيانة...اخذها بنفس اليوم والله...معاملتهم حلوة بس عيبهم زي ماقال اكورد وبس قلة المهندسين في الاستقبال...

بالنسبة للاوبل...انا اشهد انه موتر رساوة وفخامة واللي تبي...لكن ابسئلك لاخرب موترك وش بتفيدك مواصفاته...اخرتها بتقفل معك وبتبيعه بسعر التراب وتطق لك موتر ثاني اقل سعر ومميزات...هذا غير لعانة الوكيل...

انا يوم جيت اطلع موتر احترت بين الاكورد الفل والاوبل الفل...السعر كان متقارب الاوبل اغلى شويتين بس فيها مميزات حلوة...لكن زي ماقلت لك قطعها اللي يلطعونك شهرين ولا زود عشانها...ولا الوكيل وانت خابر..او خراباتها اللي من بعد 2001 صارت هي واللومينا سوى...من ناحية الخرابات اقصد...

عموما الاكورد خيار حلوو..ورساوتها حلوة لكن انا اقولك من الحين...انا معي 6 سلندر لكن رساوة موتري ماتجي شي عند الاوبل...الاوبل من جددد راسية...والله تقارنها برساوة لكزس وبي ام...


بالنسبة للالوان..اذا حصلت اسود لاتوفره ولايهمك اللي يقول ماينظف وتروح لمعته..عقب سنتين حطه بالتلميع وخذه جديد....لان الاسود من جد قوووي رسمي وشباب واللي تبي...اذا ماحصلت اللون الجديد حلو والله...مدري وش اسمه بس ماعليه والابيض بعد رسمي وارسم من الاسود يمكن...والكحلي حلو...عموما اللون مهوب مشكلة انت اتخذ قرارك ودق علي واعلمك اللون..:p


وترى لو عاجبك الاخضر خذه لاتستحي....ياخي الناس اذوااق:D




تحيااااتي...

اخوي اذا بتغامر خذ اوبل واللة يوفقك؟!!
بالنسبة للالوان عندك اللون الذهــــــبي +الاســـــــــود + الابيــــــــض .

طبعاً ليش الالوان هذي بالذات لان داخل السيارة بيج فاتح وهذ افضل بكثيييير من الالوان الدخلية للفضي و الرصاصي

اخوي اكورد وبس
يكفيك سعر قطع الغيار وغير كذا سعر الاكورد مرتف مره بالنسبه للسيارات الثانيه الي من نفس فئتها

السيارتين ممتازات ... وكل وحدة ولها ايجابياتها وسلبياتها ... مثلا الاوبل راسية و شكلها حلو ... بس قطع غيارها نار نار نار وغير وكيلها تعبان ..

الاكورد شكل جميل وتتحمل كرف اكثر من الاوبل .. لكنها اقل رساوة من الاوبل

انا اقترح عليك توكل على الله وتاخذ اكورد .... وكيلها احسن من الجميح ... ولك وللزمن ...

يعني مع الاكورد بترتاح اكثر من ناحية الصيانة ....

بالنسبة للون خذ فضي او رصاصي ...

ولكن لا تنسى الاستخارة .. والي كاتبه ربك بيصير ..

تحياتي ...

كلام جميل .. أضم صوتي لصوت الأخ (أكورد وبس )..

ياناس والله فيه فرق بين الهوندا والأوبل من حيث الوكيل .. اسألو مجربين وانا منهم

يعني اتحداك تحصل محل يبيع قطع غيار للأوبل غير الوكالة ..

عكس الهوندا محلات قطع الغيار في كل مكان ..

في النهاية أخوي العربي .. احب أقولك إذا أنت محتار إلى هالدرجة ياخي استخر ربك واللي فيه الخير لك يبي يصير .. سواء أوبل أو هوندا أو حتى بيجووو!!

تحياتي ..

أخوي عاشق الكراون ..

من قال لك إن الوكيل زفت ..

والله إنكم عجيبين ..

جرب الوكيل وبتعرف إنه وكيل جيد ..

تقول لي القطع غالية .. أقول لك غااالب السيارات كذا .. بس تويوتا هم اللي رخيصين ..

تقول لي .. القطع غير متوفرة إلا عند الوكيل .. أقول .. معليش أخطأت .. رح للصناعيةوتلقا القطع متوفرة .. خصوصا عند محل اسمه السبيع على ما اعتقد ..

تقول لي الصيانة زفت .. أقول لك .. أنا ما أذكر إني دخلت سيارتي وجلست عندهم أكثر من يومين .. يعني اعطيهم اليوم وبكرا طالعة كحد أقصى .. بالإضافة إلى خدماتهم الرائعة ..

غيروا لي الفحمات مرتين .. والهوبات .. والمساعدات .. على حسابهم .. مع العلم بأن الخلل فيها خلل بسيط ممكن يتصلح بدون تغيير ..

حتى غيروا لي البطارية على حسابهم بعد ما انتهى ضمانها ...

بالإضافة إلى معاملتهم الجيدة وحسن أسلوبهم ..

يعيبهم شيء واحد .. قلة مهندسين الصيانة اللي في الاستقبال .. يعن إذا صارت زحمة لازم تنتظر ربع ساعة حتى يتفرغ لك المهندس ..

وإن كان عندك وجهة نظر بينها لنا ..

ولا تزعل علينا .. :)

عاشق الكراون
رجل الجبل
مشكورين على مشاركتم احبابي

بس فيه نقطة احب اوضحها لكم
قبل كم يوم جربت قيادة الاوبل والاكورد بصراحة فيه فرق خيالي من جد
جربت سيارة عديده وكثيره بس مثل الاوبل ما شفت
لاول مره احس اني متمكن من قيادتها
ورساوتها شي عجيب ورهيب
يعني سيارة بمعنى الكلمة
الي هي الاوبل اوميجا
وسئلت عنها احد الاصدقاء عنده اوميجا 2002 بصراحة يمدحها من حيث السيارة بس ما جاب طاري الوكيل
وايضا جربت الاكورد بس فيه فرق بين السيارتين

بس مدري حسب كلامكم هل اترك الاوبل على عشان وكيلها السيئ
يعني من هينا الى بعد العيد قولتكم ما راح يتحسن :D

وبصراحة السيارتين ما عليها كلام بس مدري وش اختار :rolleyes:

ابي شي يكون لي والزمان يعني وش اخذ |5|

بعد صور الأخ polite ما أظنك بتفكر بشيء اسمه أوبل

وبالنسبة للون .. في نظري أحسن شيء الفضي والصورة خير شاهد

مبروك مقدماً الأكورد .. والله يعطيك خيرها ويكفيك شرها ..

شوف القوه والرساوه والفخامه للاوميجا لا اكورد ولا هوندا كلها غير كذا وكيل هوندا برضه زفت قطع غيارها ماهي متوفره الافي الوكاله وقطعها غاليه مره
اما احسن لون للاكورد شوف الزيتي والكحلي والابيض اما الاسود ابعد عنه لانه صعب غسيلو غير كذا لمعتو تروح بعد فتره بسيطه ولاتقولي الاكورد ماتخرب والاوميجا تخرب لانه السياره اذا كرفتها اكيد بتخرب

لا شكر على واجب يا غالي ،
هذا واجبنا تجاه أحبابنا :)

Polite
مشكور يا الغالي على الصور الحلوه ما قصرت

msh3l1
مخاوي المواكب
أكورد وبس
zoomzoom6
الف شكر على تعليقكم الكريم

تحياتي لكم

مبروك مقدما اخوي والله يعطيك خيرها ويكفيك شرها
وانا انصحك بالرصاصي

\





\