كورلا 1.8 سوبر تشارج طقم MSD

super sport @user_9482 · 25-12-2003

بسم الله الرحمن الرحيم

انا معاي كورلا اكزكتيف راح احط مكينه 1.8
سوبر تشارج
طقم MSD(بواجي،كويلات،وايرات)
طبعاً انا ابغا اعرف نظام الفيتك ممكن يركب
وكم راح تكون الزياده في العزم

وبأيش تنصحوني للزياده

علماً ان الميزانيه 20000 الف ريال وانا من جده

وشاكر لكم مقدما

وآسف على الإطاله

super sport @user_9482 صاحب الموضوع · 26-12-2003

بس السكايلاين ممنوعه عندنا في المملكه وانا لو لقيتها آخذها بس ايش رايكم في اكورد عليها مكنيه 2.2 طبعا انا راح اشتري المكينه

وانصحوني بزيادات

وشاكر لكم حسن تعاونكم وآسف على الإطاله

اخوكم
Super Sport

راعي الماكس @user_1930 F 16 · 25-12-2003

اسمع كلام الرجال و مالك و مال الكوريلا

خذ سكايلاين

الارهابي @user_1095 · 25-12-2003

بالنسبه للسوبر شارج
اعتقد TRD توفر سوبرشارج بس للكامري 4 سلندر
ما ادري اذا يركب على الكورولا

بالنسبه لتغيير المكينه ما اعتقد انك بتحصل مكينه و ظفيرتها و كمبيوتره9ا بسعر رخيص

لذلك اذا كنت مصمم على ال1.8 بيع سيارتك و اشتري وحده ب 1.8 افضل لك

الMSD و خرابيطه خلك منه لانك في هذا المستوى ما بتحتاجه

انت تقول عندك 20 الف
اشتري لك موتر بهالفلوس و العب فيه على كيفك و خلى الكورولا حقك للاستخدام

تقدر تجيب لك كومارو او موستنق او حتى سكايلاين R32
الR32 الgts رخيصه مره في الامارات بحدود 11 الف
انا الGTR يوصل سعرها الى 20 او 25 الف

super sport @user_9482 صاحب الموضوع · 25-12-2003

انا جاي اسئل وانا مني خبير لذيك الدرجه انا زي زي غيري من الناس احب التعلم
و ابي الفايده اللهم اني خبير قياده

الارهابي @user_1095 · 25-12-2003

السلام عليكم

اخوي

انت جاي تسأل هل ممكن تركيب الاغراض هذي
ولا انت عارفها و بتشتريها ؟

من وين بتجيب سوبرشارجر للكورولا ؟

المكينه كيف بتركبها ؟ بتشتريها كامله مع الظفيره و الكمبيوتر ؟
ال1.8 فيها نظام شبيه بالفتك وهو vvti
و هذي المكينه كويلات يعني ما يحتاج تغيرها

و بعدين وش نوع الMSD اللي بتركبه :D