سيارات الديزل

نعم نوعية الديزل عندنا يختلف عن اوروبا وامريكا الشمالية والجنوبيه وشرق اسيا الأن محركات الديزل الجديدة في الخارج وصلت على يورو 5 ويورو 6 واحنا على يورو 3وعندهم سيارات كثير عاملة بالديزل سيارات جيب وسيارات سيدان غير سيارات البك اب ارجو ان المعلومة وضحت احنا عندنا جاتنا سيارات ديزل الأن على مواصفات اليورو 5 والأمارات سبقتنا من فترة


.

ما قصرتوا جميعا لكن السؤال طالما هذه المميزات موجوده ليه ما نشوف انتشار هذه السيارات بين الناس اغاب سيارات الديزل هي للشاحنات و الهايلوكسات والشاص على نطاق ضيق طيب السيارات الالمانيه وتويوتا.
هل عدم وجود ورش متخصصه هو السبب هل العنايه بشكل مختلف عن البنزين هو السبب
هل التغيرات في اسعار الطاقه راح تغير عقليات المجتمع ونظرتهم تجاه سيارات الديزل اعلان تويوتا لاندكروزر الجديد بوجود مكينه ديزل هو اشاره للتحول القادم.
نوعيه الديزل عندنا تجعلنا نصرف النظر عن استخدامه.
اسئله تبحث عن اجوبه

اخوي FORMULA ONE ماقصر معك اللي قالك ان سيارات الديزل علشان تعيش معك اطول فتره المحافظه على فلاتر وقود الديزل تغيرة كل 15 الف الى 20 الف بالكثير حسب المنطقة اللي انت فيها مثال منطقة صحراويه او في نسبة غبار كثير مايجيها فهاذي كل 15 الف والهواء مثله والزيت كل 10 الاف ومحركات الديزل تختلف اختلاف كلي عن محركات البنزين لأن مافيها بواجي فيها نظام سخانات تسخن غرفة الأحتراق اللي فيها البستن وهو اللي يضغط وقود الديزل ويسبب انفجار داخل غرفة الأحتراق علشان يشتغل المحرك وهذا يعطي عزم قوي للسيارة اقوى من محرك البنزين ولذالك تجد محرك الديزل يعطيك عزم عند سرعة دوران محرك في حدود 1500 دورة في الدقيقة عكس محرك البنزين اللي يبدأ يعطيك عزم في حدود 3500 دورة في الدقيقة ومحرك الديزل اثقل وزن من محرك البنزين ب 20% هذي الأشياء اذا قمت بها حافظت على المحرك وعلى طرمبة الديزل من التلف لأن تكلفتها عالية على حسب الشركة الصانعة تبدا تقريبيا من 8 الاف ريال جديدة او توضيب في حدود 1500 وممكن اعلى حسب مركز الصيانة المتخصص في طرمبات ومكاين الديزل ارجو ان تكون المعلومة وضحت