روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


النتائج 1 إلى 4 من 4
Like Tree2اعجابات
  • 1 Post By فني سيارات
  • 1 Post By Yahya2000

الموضوع: الخرابات خلال انقطاعي عن المنتدى كابرس2013

  1. #1
    مؤسس فكره رابطه الكابرس واللومينا الصورة الرمزية CAPRICE2008LTZ
    تاريخ التسجيل
    09-02-2009
    المشاركات
    1,997
    معدل تقييم المستوى
    351

    الخرابات خلال انقطاعي عن المنتدى كابرس2013



    السلام عليكم ورحمة الله وبركاته
    والله مدري من وين ابدا ياشباب لاكن راح ابدا بتوضيب القير مدري انا سبق وكتبت موضوع عنه او باقي
    بالنسبه للقير عندي كانت اموره طيبه بس وقتها كنت اعاني من حراره كانت بالسياره وهي اللي اعدمت القير علي على كلام المهندس في تراي ستار
    تم توضيب القير للمره الاولى والسياره كانت ماشي 480000 تقريبا عند تراي ستار ب5500 او 6000 ريال ناسي بالضبط كم السياره لما اكون ماشي يفضي القير من نفسه ماعاد تمشي بس لما اطفيها وارجع اشغلها على طول يمشي معي شوي ويرجع يفضي بعد البحث وعرض السياره على اكثر من ورشه تم الاجماع على ان القير يبي له توضيب والحمد لله وضبته والى الان السياره ماشيه تقريبا 580000 ماواجهت اي مشكله
    بالنسبه للمكينه تم توضيبها عند ورشه في الصناعيه القديمه ب6000 وضمان 6 شهور كان عندي الشنابر وتهريب زيت قوي يعني امشي عالسياره 250 كيلو وانا مسرع 170 تقريبا ينقص نص علبه زكانت راح تمشيني المكينه لو توقعت عالسياره وحافظت على الزيت ازيده باستمرار كل ماينقص ومادعس عليها كثير او بمعنى اصح مقاومات وسرعه زائده عالخطوط بس لما وصلني خبر وفاة الوالد ماعاد فكرت بالسياره كنت جاي مسافه 250 من العمل وانا امشي 220 الى 260ولما وقفت السياره طفت من نفسها وماصارت تشتغل الا بعد معاناه وبعد محاولات ولما اشتغلت كان صوت طقطقه قوي بالمكينه اتضح فيما بعد انه العمود بعد ذلك تم ادخال السياره الى الورشه وهنا كانت المعاناه مع اصحاب الورشه واللي كانوا ماسكين ادارتها وهم 3 سوريين تم الاتفاق على 6000 سعر التوضيب وضمان 6 اشهر وقالوا لي بعد اسبوعين الى 3 اسابيع تستلم السياره والله يا اخوان ماسلتمتها الى بعد شهرين واسبوع بالضبط كل ماجيتهم عطوني عذر وعلى هالموال وبيني وبينكم ماكنت مستعجل عالسياره وكنت مطول بالي عليهم للاخر بعد ماتم استلام السياره كانت مضبوطه ولاكن غي اخر يوم من الضمان واللي كان في اول اسبوع من رمضان الماضي طق العمود مره ثانيه وانا كنت بطريق سفر باقي عالرياض 180 وحملت السياره على سطحه ونزلتها عند البيت واخذت ورقه من راعي السطحه مايثبت انها خربت بالتاريخ المحدد واللي باقي عالضمان يوم لان الورشه كانت مقفله عشان الحظر وراح تفتح تقريبا بعد 3 ايام من تاريخ خراب السياره لما فتحت الورشه رحت لهم وقلت اللي صار للسياره وانها باقي عاضمان رفضوا يصلحونها ويدخلون السياره عندهم بعد ذلك باسبوع لما رجعت للرياض من العمل رحت لشيخ الصناعيه وشرحت له كل اللي حصل بلا زياده او نقصان واذكر اني قلت له انا مابي الا حقي الحمد لله ماعمري حطيت بجيبي ريال حرام او خدعت احد ولو السياره خربت بعد تاريخ الضمان لو بيوم والله ما اطلب شي منهم لاني عارف انه خداع وكذب قال لي السياره وين قلت عند البيت قال بكره تجيبها للورشه وتنزلها واذا احد قال شي او رفض كلمني قلت بكره عند عمل كانت الساعه 1:45 ظهرا وهم يقفلون 3 قلت يمديني قبل مايقفلون قال اذا يمديك روح جيبها ونزلها عندهم بعد ماكلمهم تلفون وتفاهم معهم وانا كنت موجود عنده يديني تعبت من الكتابه هههههههههههههههههههههه
    اخاف بس يروح اللي كتبت الحين راح يرتفع ضغطي لو صار وانمسح الكلام عالعموم اكمل لكم باااااختصار جبت السياره ونزلتها ودخلوها عالضمان غصب وقالوا بعد شهر قلت مافي مشكله والله ياشباب ماطلعت الا بعد4 اشهر معاااااااناااااااه صراحه طبعا طلعت السياره وعطوني ضمان 14 يوم قلت لا ورفضت بعد ماتم الاتصال علي بعد ماخلت السياره بشهرين ونص وقالوا لي مكينتك ماعاد تصلح وبنركب لك وحده ثانيه قلت لهم ماكان هذا اتفاقنا وقلت لهم لاتسوون شي بالسياره انا راح اجيكم واتفاهم معكم قالي ماتاصل الامور للهدرجه ومدري ايش قلت ياحبيبي انا قلت بجي اتفاهم واشوف الوضع بنفسي ماهددتك عشان تقولي كذا بعدها لما جيتهم سالتهم اول شي اذا المكينه حقتي ماعاد تصلح ليييييييييييييييييييش مخليني انتظر شهرين ونص عالفاضي ليش الان توكم تقولون لي ؟؟؟؟؟
    بعد شد واخذ بالكلام رضيت بالامر الواقع وتم الاتفاق بعد اسبوع استلم السياره وكل ماجيتهم على وقت الموعد طلعوا لي بعذر وعلى هالمنوال لماجيتهم مره وارتفع ضغطي قلت انتوا مانتوا برجال قالوا كيف قلت اللي سمعتوه الرجل وش هو الا بكلمته وانتوا اخلفتوا كلامك معي مره واثنين وثلاث واربع لاتتصورون عشان مشيتها مره واثنين خلاص تحسبوا الوضع سبهلله وعادي لا ترى ماني قليل شر ومثل متعاملوني راح اعاملكم وزياده بس ترى كنت اتعوذ من الشيطان كل مره اجيكم فيها والسياره ماجهزت طلعت من الورشه ورحت للشرطه ودخلت عالضابط وشرحت له كل شي وبالاخير تتوقعون وش قال قال مانقدر نسوي لك شي جلطني برده علي وقلت له لو اللي مشتكي لك صاحبك او اخوك والله ماترد عليه وتقول له كذا قاااااال وش تقوووووول قلت اللي سمعت وترى كلمت الحق ماتزعل فمان الله وطلعت من عنده المهم بعد معاناه استلمت السياره وعطوني ضمان 45 يوم وبالاسبوع الاول لما اتعدى سرعه 120 ترتفع الحراره ولما توقف ترتفع تصنيفات رحت وغيرت دينمو المراوح ومافي فايده سويت برمجه للمراوح وغيرت البلف الىرياض وغيرت قربه الماء وماصار ترتفع الحراره بس لما امسك خط وادعس ترتفع رحت لشيخ الصناعيه وقلت له عن المشكله وتم فحص السياره عنده بعد دفع 500 ريال وقال المختص اللي فحصها الراس راس المكينه منشعر جايته حراره قبل يعني بالعربي ركبوا لي مكينه مضروبه واخذت تقرير من شيخ الصناعيه بما يثبت هالكلام وارفقت معاها الاصلاحات اللي سوسيتها بعد ماطلعت السياره من الورشه ورفعت الاوراق للمحكمه لي تقريبا 10 ايام قالي كلمهم حاول تتوصل معهم لحل قلت انا راضي وحتى لو اتنازل عن جزء من المبلغ عشان انتهي من المشكله بس انا عارف ماراح اتوصل معهم لحل
    التكلفه اللي هي مكينه مع الاصلاحات اللي سويتيها مع وقفت السياره داخل الورشه هالمده كلها ايام التاخير اقصد تكلفتها تقريبا30000 وانا الان انتظر رد المحكمه عارف ان الاجراءات راح تطوووووووووووول لما اخذ حقي ان شاء الله منهم بس مالبيد حيله
    هذا باااختصار ماحصل لسيارتي خلال المده والفتره الطويله اللي انقطعن عنها عن المنتدى فيه تفاصيل كثيرره ماذكرتها بس عطيتكم الموضوع باختصار واللي عنده اي استفسار او سؤال انا موجود
    للمعلوميه السياره كااااااااااابرس 2013LTZ


    سامحوني عالاطاله وتقبلوا تحيااااااااااااااتي لكم اجمعين...............


    % اللهم ارزقني قبل الموت توبه وعند الموت شهاده وبعد الموت جنه اللهم ارزقني حسن الخاتمه %

  2. #2
    عميد المشرفين الفنيين الصورة الرمزية فني سيارات
    تاريخ التسجيل
    30-10-2003
    الدولة
    قطر
    المشاركات
    13,053
    معدل تقييم المستوى
    157

    رد: الخرابات خلال انقطاعي عن المنتدى كابرس2013

    حياك الله اخوي اهم شي هذا موضوعك بالختصار

    عظم الله احركم في الوالد

    انا اشوف ان سيارتك وبناء على طبيعة عملك وقاطعه مسافة كبيرة وفعلا المحرك مستهلك وضربت الكرنك صعب المحرك يترقع
    ولافضل تبديله ولكن لم توفق بمحرك ممتاز

    وهذي مشكله اخرى في اختيار المحرك المستعمل صعب

    من توضيب المحرك وهو قاطع اكثر من 500 الف ماعاد ينفع لابد من تبديله
    او تضغط على نفسك شوي وتاخذ سيارة ثانية مستعمله تكون حالتها احسن

    الله يعنيك
    CAPRICE2008LTZ معجب بهذه المشاركة.

  3. #3
    عضو نشط
    تاريخ التسجيل
    25-07-2017
    العمر
    36
    المشاركات
    289
    معدل تقييم المستوى
    14

    رد: الخرابات خلال انقطاعي عن المنتدى كابرس2013

    الممشى كثير على كابرس كثر خيره بيعه وفك عمرك تصليحه خساره

    ماقريت الموضوع كامل ولكن خذت الزبدة لانك طولت كثيير

    وموضوع السيارة تجلس بالاسابيع وبالاشهر كلنا نعاني منها اذا ماتجلس ع راسهم ماتخلص يشتغلون ع اقل من مهلهم مب هامهم شي

    بيعها وفك عمرك

  4. #4
    عضو
    تاريخ التسجيل
    03-04-2019
    المشاركات
    96
    معدل تقييم المستوى
    11

    رد: الخرابات خلال انقطاعي عن المنتدى كابرس2013

    انا من تجربة، لو شخص راعي قومات وسفريات ويسرع على 180، راح يتعب مع المكينة والتوضيب ما ينفع له. خسارة في خسارة ، السيارة إذا صارت ماشية فوق 500 ألف، لا تقاوم فيها ولا تسرع على السفر، اشوف أنها تصبح استخدام خفيف ما تجاوز 140، هذي نصيحة لو بتخليها، ولو تقدر تبيعها أبرك لك. شوف مواضيعي وتعرف كيف مبتلش بالسيارة بسبب الاستخدام العالي. وخسارتنا ترى حول بعض على الاقل أنت طالبت أن حسيت أنه للاستخدام العالي دور في خرابها وسلمت أمري وغيرت مكينة وصرت امشي خفيف، وأول ما دعست خرب المكيف، أقلقتني وخسرتني.
    CAPRICE2008LTZ معجب بهذه المشاركة.

المواضيع المتشابهه

  1. الفزعة يا أهل المنتدى
    بواسطة ابو المهدي الهريري في المنتدى ورشة السيارات
    مشاركات: 1
    آخر مشاركة: 11-08-2017, 11:32 PM
X