مشكور أخوي الغالي (مشعل) على طرح هذا الموضوع اللي يخليك تفضفض صح.
يا كثر المواقف بس بأقول أهمها:
1-اذا كنت معدل سيارات تلاقي كل عيووووووووون الخلق في عيونك مو في السياره و وقتها تحس انك إشاره!
2-أصحاب التكاسي: وتنقسم إلى 4 نقاط:
أ-في اللفات تلاقيه يسابقك.
ب-وده يقول لك: [صديق سوي مطارهه<<< مطارحه!؟].
ج-يحجر عليك وفي الأخير يدق سيارتك من أي زاويه وآخرتها يقول لك العسكري>>>أنت غلطان!!
د-تكشح له ما يوخر لك حتى لو معك جثه!
3-زي ما ذكر أخي الفاضل (راعي الـss): الوايت اذا جاك مسوي لك فيها معاه ونيت ويسقط عاااااااااااادي ولا كأنه في شارع!
4-اذا كنت تتسابق أو تتطارح مع واحد ، يكون حظك نحس بوجود دوريه وراك والثاني راح في أمان الله.
5-خط البلده وما أدراك ما خط البلده ، هذا ودي أمسكه وأفقع فيه إلين ما يقول: الذهاب والعوده في نفس الاتجاه!!
6-كابرس تسعاوي مهربد وماشي 60 وفي المسار الثالث...!
7-الفرامل المفاجئه بوجود دوريتين على يمين الشارع داقينها حنك ولا هم دارين كم ماشي راعي الماكسيما أو راعي الاسكاليد<<< ما جبت سيرته إلا عشانك تبيه! ، وآخرتها حادث شنيع عالخط...
كروكي للنقطه رقم [7]:
8-تصير دايماً في الرياض: تكون واقف في اشاره وفي أول صف ، يجيك واحد من أقصى اليمين ويوقف قدامك بالضبط وما يمشي إلا اذا دقيت له بوري عشان يعرف انها خضرت!!
كروكي للنقطه رقم [8]:
9-الشيبان اذا حطوا عينهم عليك ما يفكونك حتى لو حبيت راسه!!
10-مازدا مكسره موديل 70 مركب زينون و ودك تهديله نايتروس عشان يمشي بسرعه من جنبك ويخلصك...
عندي كثيييييييييييييييييييييييييير بس كأني طولت عليكم وشكراً للأخ الحبيب {مشعل} على هذا الموضوع الشيق...
|3|
