اسهل طريقه للشيل
1_ ادخل الدوار في نمره 2 او 3 ولا تدعس اكثر من 100
2_ بعد اول لفه دبله كلشات
3_ عيد المحاوله لين مايرفع الموتر
4_ما لي شغل ان انقلبت
5_ لا تدعس علا الريس اكثر من 40
6_ دبله ريسلت عقب ما تلف اول لفه لين ما تطلع من الدولر
اذ بتنزل الموتر سو نفس الطريقه الير رفعت فيها الموتر بس اكسر السكان على الجانب الثاني
نصيحه : لاحد يسويها بمواتر يديده لانها ثقيله ولاحد يسويها .......
مكن تصيح امك عليك لا قدر الله بالعربي (تموت)
و شي طريقه ثانيه
اول شي عب التواير 50
واتمك تدور على الدوار وتم تزيد الريس شوي شوي وانته تدور
بتحصل الموتر يشتل شوي شوي
وتمك كذي ويوم تشوف الموتر فوق حاول تمشيه لو ارتفع اكثر
اكسر على السكان يمين
وانته والخير رباعه
والطريقه الثالثه احسن وايد بس ليحوشك
ولا زم يكون فى موترك ديفلك
ونفس الشي بس بالدفلك اذا شفته اشتل خوز ريلك عن الريس
للنه اذا زده ريس بيجلبك
و في ناس الهم كلام اخر
1_اول شي لازم يكونن التواير 900
2_نوعيه التاير 900 ينقسم الي قسمين 1_ play 6
2_play8 وانتو لاحظو على التاير على اليمب بيكون مكتوب عليه يا سته او ثمانيه .
3_ اذا كان نوعيه التاير سته بلي لازم تعبي التواير 65 اما اذا كان ثمانيه بلي لازم تعبيه 85 لا تخافون يستحمل و ما بينقع حتى لو وصلته 90 و تقدر تشتري مكينه مالت الهوى من محلات الزينه بس عقب ما تخلص شال تخف الهوى .
4_ طبعا النيسان احسن شي حق الشل و خاصه الفتك
5_ لازم تسير فدوار او مكان واسع محد ايه علشان محد يخرب عليك
6_تحطه فقير ثلاثه و تكون على سرعه 70_80 و تكسر عليه مره وحده من تشوفه اشتل ودر ريلك عن الريس و مشيه على سرعه 40 او 45 .
7_ لازم التواير ما يكون فيهن بولش
8_ الشل الصراحه سهل و من ابصت ما يكون بس انته اول ما تي تشل بتكون خايف بس مع الايام انشالله بتتعلم اول شي بتبتدي تعرف التاير الي قدام و مع الايام التايرين و الشل يباله واحد ما يخاف و يصبر مب انه ما اشتل وايد يعصب لازم تبتي خطوه خطوه
9_ لا تستخدم الدف لك في الشل لانه يخرب الدفريشن و يستحب انه يكونو راكبين وياك 3 او اربعه علشان يكون اثبت
10_ سوال يطرح نفسه هل في احتمال ان النيسان ينقلب من الشل ؟؟
الجواب: نادر من ان النيسان ينجلب من الشل اذا اتبع التعليمات الصحيحه انه ما يكون حاط على التواير بولش و يوم يشتل النيسان ما يتم على ريسه اذا تم على ريسه اكيد بينجلب لازم يوك يشتل يشل ريله عن الريس
ملاحظه : كل ما عبيت التاير هوى اكثر كل ما كان احسن حق الشل يعني تاير النيسان لازم يكون شكله مثل حرف U
وانشالله تستفيدون من الشرح و شكرا
ترتيب ابوظبي اليوم
و جي بيستوي
