أخوي حاتم انت اكيد مطلع على نظام CVT وتعرف ان القير هذا تكلفتة قليلة جدا وعمليات تطويرة هي تغيير البرمجه فقط عشان كذا القير هذا نيسان ترغب بشدة في انتشارة لأنه ببساطة الدجاجة اللي تبيض ذهب للشركات فية شركات كبرى وضعته في سياراتها الهايبرد والصغيرة لأنها تعرف أن صاحب هذه النوعية من السيارات مايهمه الا توفير الوقود لكن ما فكرت ابد تحطه في سيارات الفئات المتوسطة والفارهه والدفع الرباعي لكن نيسان مصممه على وضعه في جميع سياراتها وهذا الشي أثر على مبيعاتها اتذكر في 2007 كانت الالتيما في المرتبة الثانية في المبيعات بعد الكامري و الآن تغير الوضع المكسيما عام 1998 صرح محمد عبداللطيف جميل أنه كان يتمنى ان تكون من ضمن مجموعته ألان بالكاد تشوفها وحتى في امريكا نزلت مبيعاتها ....
بالنسبة للوكالة...
التوكيلات العالمية ايضا سيئة أخوي حاتم وأدارة نيسان وأنفنتي الشرق الاوسط أغبى أدارة في العالم ليش مايعطوا الوكالة لبترومين وعلى فكرة بترومين انقذت نيسان في السعودية بعد ما قرب العيسى يدمرها بعد الحمراني وبترومين قاعدة تشتغل صح وعندها بالقليل فروع كثيرة جدا للصيانة السريعة وقاعدة تتوسع في الصيانة الشاملة بخطوات واضحة
كلامك صحيح تكلفة ناقل CVT رخيصة وهذا اللي رخص أسعار سيارتهم مع ان أسعار سياراتهم بناقل التقليدي رخيصة ،،،
ناقل CVT سهل صناعته لكن صعب تطبيقه على عزم دوران عالي اخوي لايف مقارنة بالناقل التقليدي سهل وحتى دبل كلتش صعب تطبيقه بعزم دوران عالي الا اذا كانت شركة متخصصة لصنع الجيور أو شركة سيارات تمتلك مهندسين يصنعونها
بس أحب أضيف لك نقطة الجير بالكامل تم اعادة صناعته من جديد مع تحسين نسب التروس يعني سيارات CVT الجديدة أضافوا عليه ترس تفضيلي تقويم السيارة عكس السابق هي كانت موجودة 2013 بس مهب مطورة بعكس الماكسيما2016 تطورت و في انفينيتي و الالتيما 2019 تطور آلى الأفضل
الناقل التقليدي افضل في القيادة مانختلف
هذا نسب الترس و البرمجة بالناقل الجديد
هذا موقع جاتكو وهذه جيورهم كلها سواء امامي أو خلفي مهب موجود جير انفينيتي QX50 و لا التيما 2019 محرك التوربو CVT يعني هذا حصري بشركة نيسان مقارنة بجير السنترا و الالتيما 2.5 لتر ينباع للشركات السيارات
https://www.jatco.co.jp/english/products/
نيسان تقدر تستخدم الجير الموجودة بسيارات رينو 6سرعات أو 7سرعات دبل كلتش من شركة جيترايج 7DCT300 لكن هذه الجيور محدودة عزم الدوران اطلع على الموقع اعلى شى يتحمله الجير !!!! 330 نيوتن مع ان هذه الشركة تصنع جيور فيراري وسبق وان صنعت جير نيسان سكايلاين GT-R و تويوتا سوبرا المانول
http://www.getrag.com/media/products/powershift/7dct300/7DCT300.pdf
مقارنة بناقل CVT حقهم يتحمل 400 نيوتن يعني صناعته سهل تطبيقه بعزم دوران عالي صعب يعني محركات نيسان قوتها أضعاف رينو ورينو تفضل الدبل كلتش لانها محدودية لتطبيق المحركات !!!
لا احد يقارن e-CVT هايبرد كهربائي بناقل CVT من المكينة الى عمود الكرنك مباشرة
مبيعات نيسان في السعودية خسفها الحمراني مع مشاكله مع الجفالي علشان هامش الربح
نيسان في أمريكا مبيعات سياراتها السيدان تشكل 30% من اجمالي مبيعاتها لسيارات الكروس اوفر و البيك اب و SUV ،،
السوق الامريكي هذه السنة في ركود بسبب ارتفاع البنزين والضرايب عليهم !!!!
لكن مبيعات نيسان الماكسيما 29,263 سيارة
1- مبيعات فورد تورس 29,392 سيارة نص مبيعاتها شرطة
2- مبيعات شيفروليه امبالا 27,663 سيارة ولأول مرة تنزل مبيعاتها كانت محتلة المركز الاول
3-مبيعات كيا كادينزا 3750 سيارة والسبب ستينجر خطفت اللقب منها وصلت 11 الف سيارة
4- مبيعات تويوتا افالون 24,429سيارة
5- مبيعات دودج تشارجر 52,429 سيارة ربع مبيعاتها سيارات شرطة
لازالت الماكسيما محافظة على مركزها الثالث حتى الأن مع ركود السوق الامريكي حتى الالتيما ترتيبها الثالث بعد الكامري و الاكورد ويمكن انها تخطف المركز الثاني من الاكورد لسيارتها 2019 مثل الاكس تريل خطفها من CR-V
كل الوكلات سيئة اخوي لايف ولا وكيل يخدم العميل بشكل صحيح بعد البيع ياجحيد ولا رافع أسعاره ويلعب بالمواصفات
العيسى رفع مبيعات نيسان وخلاها تحتل الترتيب الثالث بالسوق السعودي بترومين تفوق على العيسى بسبب انتشاره بالمملكة بمحلات الزيوت والخدمات السريع والمحطات
نيسان الشرق الأوسط مالها دخل هذه بركات الجفالي راعي مرسيدس اللي حشر نفسه بنيسان ولا احد استفاد منه !!!
فقط يضيق على العيسى و بترومين علشان هامش الربح يحطه بمخباته
لا أخفيك نيسان بترومين كانت بتشتري نيسان السعودية من الجفالي بمبلغ يتجاوز اكثر من 7 مليون وأكثر بكثير لكن صار خلاف بينهم والجفالي خاف يضيع منه هامش الربح اللي يكسبه من بيع كل سيارة من نيسان وانفينيتي العيسى و بترومين وسابقا الغسان
بترومين كان يكون هو نيسان السعودية وكان يكون هو انفينيتي وكان يكون الوكيل المعتمد الاول لنيسان لكن الجفالي ضغط عليه ورفض يعطيه انفينيتي
اللي عطى الغسان انفينيتي هو اللي عطى توكيلات العالمية انفينيتي من يكون ،،، نيسان الجفالي اقصد نيسان السعودية وهو يرسل البيانات لنيسان الشرق الأوسط
نفاش جميل تحياتي لك
