لي 3 ايام اعاني من مشكلة كود 89 في السيارة
طبعا المشكلة تطلع اطفي السيارة واشغلها تروح وترجع بعد 5 الى 10 دقايق واحيانا ما تطلع الا في اليوم الثاني ,رحت عند كهربائي اول ما شاف علامة البطارية قالي الدينمو على طول , نزل الدينمو فحصه قالي الكتاوت خربان , رحت ادور للكتاوت قالوا لي مافي لازم تشتري دينمو جديد , لمحل الجميح وكيل شفروليه قالي مافي كتاوت دينمو لازم تشتري ديمنو كامل , طبعا السيارة ماشية 53 الف مدري كيف خرب الدينمو , رجعت للكهربائي قالي بصلح لي الكتاوت قعد ينظفه وماطلعت لي العلامة , ثاني يوم طلعت مره ثانيه , دورت في النت لقيت واحد قالي من البطارية لازم تبدل البطارية , بدلت البطارية نفس الشي طلعت المشكلة مره ثانية .
فياليت احد يفسرلي ويش يعني الكود 89 لان في مواقع اجنبيه يقولون من "Engine Oil Pressure Switch Circuit" ما ادري ويش يعني هذا , يمكن عشان اني مركب بنزين 91 والكتاب يقول 95
مع العلم اني مركب كشافات ضباب صيني قبل 4 ايام فما ادري له سبب في المشكلة او لا ؟
