رجة في التاهو 2017

[فارس العمران]

السلام عليكم ورحمة الله وبركاته

سيارتي تاهو 2017 نص فل LT..وديتها أمس لصيانة 20 ألف كلم ..

الملاحظات كالتالي :

- الطبلون ديجيتال لذلك عداد البنزين الكتروني ..فلما أعبيها فل ..العداد يعطي قراءة ناقصة لكن اليوم التالي يعطي القراءة الصحيحة وقال لي المهندس ان هذي مشكلة حساس وأكثر من سيارة موديلها 2017 طلعت فيها المشكلة وراح نستبدلها لك على الضمان.

- تنسيم هواء من البابين الأمامين ..وقال بنشيك عليها.

- رجة لما تتعدى سرعة 120 كلـم ..طبعا الرجة تكون غالبا من الكفرات أو الجنوط او المساعدات
لكن رفضت الشركة تسجيلها كشكوى ..لأنهم يبون أدفع 600 ريال عشان يشيكون عليها بالميزان ثم يقررون اذا هي كفرات (فتروح لوكيل الكفرات) واذا عيوب مصنعية فالوكالة تتحمل.

خلافي ..ليش أدفع 600 ريال عشان تشيك على المشكلة ؟
المفروض ..الوكالة تفحص مشكلة سيارتي..وبعدها تقرر الحل..
اذا سوء استخدام من السائق فهو يتحمل تكلفة الاصلاح.
اذا الكفرات هي المشكلة فيعطونه تقرير ويراجع وكيل الكفرات.
اذا عيوب مصنعية بالسيارة ..فالوكالة تتحمل المشكلة وتصلحه على الضمان.

اقدر اروح لميزان العضيب وادفع مبلغ وقدره واسوي للموتر أحلى ميزان..بس ابغي الوكالة تشيك على سيارتي عن العيوب المصنعية.

طبعا اتصلت على الشركة (هاتف العملاء) ونفس الكلام قالوه ورفضوا تسجيل الشكوى..
وش الحلول ؟؟؟

ملاحظات :
- طبعا اخذت سيارة بديلة وهذا شيء حلو.
- تكلفة الصيانة الدورية حيل غالية يعني بس تغيير زيت وسيفون بـ 600 ريال..!!!
ولو تغير فلتر الهواء والمكيف بيصير بـ 980 ريال..!!!
- زيت المكينة لزوجته 0/20 وموجود بكتيب السيارة واستغربتها.
- تكاليف الصيانة الدورية لما اطلعت على الجدول مكلفة حتى مراكز اي سي ديلكو التابعة لهم مثل اسعارهم.

والسلام مسك الختام.

مواضيع قد تعجبك

  سيارة كيا EV9 GT الكهربائية ستتمتع بقوة هائلة,,, ستعرض لأول مرة في يناير 2025

  Chery Jetour Shanhai T1 وT5 هي سيارات الدفع الرباعي الجديدة للطرق الوعرة في الصين

  مازدا 6 الجديدة سيارة سيدان كهربائية ذات دفع خلفي

  تنتمي Subaru Evoltis إلى القائمة المختصرة لسيارات الدفع الرباعي ذات الحجم العائلي

  من معرض قوانغتشو للسيارات 2024 باور شانهاي هي أداء للطرق الوعرة أو بيك آب فاخر

  ظهرت سيارة Chery iCar V23 الكهربائية للطرق الوعرة لأول مرة في الصين

  نيسان تطلق إكس-تريل-2024 إصدار N-TREK في الشرق الأوسط

  خطوة تويوتا التالية: مواجهة فورد مافريك

  تحديثات وتغيرات لهيونداي سانتا كروز 2025 لمزيد من المغامرة

  Baojun Yep Plus جاهز للإطلاق

[super_safari]

و عليكم السلام و رحمة الله و بركاته
الله يعطيك خيرها و يكفيك شرها

الوكالة عبارة عن عقبة لا بد منها. الواحد غصب عليه يلتزم معاها علشان الضمان. من بعد تغير وزير التجارة رجع الاستغلال.
الله يعينك.

الرجة غالبًا بنسبة 80% سببها الكفرات. روح سوي ترصيص أرضي في محلات الميزان و فك نفسك من ألاعيبهم. مو مستاهلة وجع الراس.. لا يوجد الآن وزارة تجارة قوية تسند ظهرك عليها للأسف !

غريبة جلد الأبواب تنسم و هي توها جديدة ! شكلها الدفعة هاذي استخدموا جلد مختلفة. لأن في المصانع تحصل عادة أن يلجؤون إلى مورد قطع بديل في حال عدم توفر الأساسي أو تأخر التوريد. و هذا ما يفسر حالات الاستدعاء لموديلات معينة. بس أحيانًا تطلع من مكانها مع كثر فتح الأبواب. تأكد من ذلك.. و إذا ثبت أنها بحاجة لتثبيت , ضع غراء باتكس علشان ما عاد تتحرك. لأني واجهت ذلك و حليتها.

الزيت 0w20 ليس هو الوحيد. تستطيع أيضًا استخدام 10w30 أو 5w30 أو 5w20 .
و الأنسب برأيي من ناحة التكلفة و الحفاظ على المحرك و الأداء و الوقود : هو 5w30 .. تخليقي يمشيك 10 آلاف كم.

أنت ملزم بإسيدلكو ؟ ما تقدر تروح بترومين أو ون ستوب ؟

[فارس العمران]

و عليكم السلام و رحمة الله و بركاته
الله يعطيك خيرها و يكفيك شرها

الوكالة عبارة عن عقبة لا بد منها. الواحد غصب عليه يلتزم معاها علشان الضمان. من بعد تغير وزير التجارة رجع الاستغلال.
الله يعينك.

الرجة غالبًا بنسبة 80% سببها الكفرات. روح سوي ترصيص أرضي في محلات الميزان و فك نفسك من ألاعيبهم. مو مستاهلة وجع الراس.. لا يوجد الآن وزارة تجارة قوية تسند ظهرك عليها للأسف !

مثل تفكيرك ان السبب من الكفرات ..
بس قلت بسوي لهم شكوى عشان ما يستقوون علينا ..
لأني لو أسكت وغيري يسكت ..الوكالة بياخذون راحتهم ويتسلطون علينا..
لكن لو نقدم شكاوي ..حتى لو ما أخذنا حقنا..
على الأقل فيه أكشن من طرفنا..والرصاص اللي ما يصيب بيدوش ...

غريبة جلد الأبواب تنسم و هي توها جديدة ! شكلها الدفعة هاذي استخدموا جلد مختلفة. لأن في المصانع تحصل عادة أن يلجؤون إلى مورد قطع بديل في حال عدم توفر الأساسي أو تأخر التوريد. و هذا ما يفسر حالات الاستدعاء لموديلات معينة. بس أحيانًا تطلع من مكانها مع كثر فتح الأبواب. تأكد من ذلك.. و إذا ثبت أنها بحاجة لتثبيت , ضع غراء باتكس علشان ما عاد تتحرك. لأني واجهت ذلك و حليتها.

التنسيم مو ذاك الوضوح..لكن لأنها سيارة عرض فأعتقد من كثرة فتح الأبواب وتسكيرها..
بتختلف شوي الوزنية ..
طبعا اخذتها عشان اللون المرغوب + خصم حول 12 ألف + طبلون الديجيتال زي الدينالي + ما فيه بالمستودعات الا اللون الابيض.

الزيت 0w20 ليس هو الوحيد. تستطيع أيضًا استخدام 10w30 أو 5w30 أو 5w20 .
و الأنسب برأيي من ناحة التكلفة و الحفاظ على المحرك و الأداء و الوقود : هو 5w30 .. تخليقي يمشيك 10 آلاف كم.

أنت ملزم بإسيدلكو ؟ ما تقدر تروح بترومين أو ون ستوب ؟

اسيدلكو ..اول مرة اتعامل معاهم وقلت أول صيانة بمرهم عشان يكون عندي فكرة عن صيانة الامريكي.
وبترومين ..نصابين يبيع علبة الزيت بـ 60 ريال بينما كنت أروح لزيوت الجملة ..
واخذ نفس العلبة بـ 21 ريال + سيفون اصلي بـ 19 ريال من الوكالة + 30 ريال حق شغل البنشري.

وراح أكرر نفس الشيء مع التاهو بس اخلص هالصيانة هذي.

شكرا لمشاركتك ...

[Laramie]

اغلب الشركات تخط تعليق رياضي او شبه رياضي
كفراات نقشات رياضية اورشبه رياضية

لكن مع شوارعنا الحفلة كل يومين رجة
ترصيص
بعض الشوارع زفلتتها مايلة تلقى الموتر يحذف يمشي مع الزفلته وتقعد توسوس وهورمافي الا العافية

الشوارع يبيلها نظام تعليق و توجيه بويك رود ماستر بنظام الدفة البحرية

[رنج كروزر]

كان عندنا كابرس جديد وفيه رجة بعد الـ100 وطلعت من الكفرات بدلتها الوكالة "العيسى" بعد شوية مماطلة وراحت الرجة,
الأخ لارامي كانت كفراتي وكالة بريدجستون وفيها حذفة بسيطة يسار وكنت متوقع نفس كلامك لكن بعد ما غيرتها راحت الحذفة.

[super_safari]

اسيدلكو ..اول مرة اتعامل معاهم وقلت أول صيانة بمرهم عشان يكون عندي فكرة عن صيانة الامريكي.
وبترومين ..نصابين يبيع علبة الزيت بـ 60 ريال بينما كنت أروح لزيوت الجملة ..
واخذ نفس العلبة بـ 21 ريال + سيفون اصلي بـ 19 ريال من الوكالة + 30 ريال حق شغل البنشري.

وراح أكرر نفس الشيء مع التاهو بس اخلص هالصيانة هذي.
شكرا لمشاركتك ...

العفو أخي فارس.
انا لا أدري أي لزوجة تقصد التي بـ 60 ريال .
بالنسبة للزيت 5w30 عند (ون ستوب) يحسب لك العلبة 45 ريال و يمشي 10 آلاف كم.
أيضًا فلاترهم أصلية فقط من الوكالة و ليس مثل بترومين من تصنيعهم الخاص.
أنصحك بهم و لن تندم بإذن الله.

[يا رب رحمتك]

بالنسبه للزيت فهو صحيح زيتها 20-0

و زيت 30w5 ماهو مناسب لسيارتك ..مناسب للموديلات 2014 و تحت

بالنسبه للصيانه انصحك تروح ac delco انا من استلمت سيارتي و اتعامل معهم ..ممتازين و معتمد من قبل الوكاله ..

و نظامي بالصيانه ..
معي جدول الصيانه
و ماشي عليه مكتوب تغيير زيت و فلتر اروح لهم و اقول لهم غير زيت و فلتر ...((ماهو صيانه)) لان يوم اقول لهم صيانه يسوون نفس الشغل تغيير زيت و فلتر ..لكن السعر دبل ..

فيه اجراءات يسوونها مع كل صيانه ((مكتوبه في جدول الصيانه)) ...بالنسبه لي اسويها انا قبل ما اطلع من الورشه .

بدال ما اطلع وانا دافع 500 اطلع وانا دافع 200 بس !!


اهم شي تحتفظ بالفواتير لانها اثباتات للصيانه
حصلت لي مشكله بالسياره و رفضو يدخلونها و قالو انت ما سويت اي صيانه للسياره !!
اعطيتهم الفواتير و دخلوها بدون اي كلمه .

[فارس العمران]

اغلب الشركات تخط تعليق رياضي او شبه رياضي
كفراات نقشات رياضية اورشبه رياضية

لكن مع شوارعنا الحفلة كل يومين رجة
ترصيص
بعض الشوارع زفلتتها مايلة تلقى الموتر يحذف يمشي مع الزفلته وتقعد توسوس وهورمافي الا العافية

الشوارع يبيلها نظام تعليق و توجيه بويك رود ماستر بنظام الدفة البحرية

صادق يا بعدي...توني جيب من دبي ..
شوارعهم خشنة عشان السيارة تمسك فرامل..
وفوقها ما تعكس ضوء الشمس..
بس الشارع يجيك زي المسطرة ونظيف ما فيه حفرة ..
من حدود الأمارات الى دبي..والشوارع مستوية وما فيها تكسير وترقيع...