السلام عليكم جميعاً ..
ممكن سؤالي يبدو غريب، بس لي شهر إلى الأن مو قادر أحصل إستشاري مبيعات جيد في وكالة الجفالي، قابلت حتى الآن 4 و كلهم يفتقرون للمعلومات الدقيقة عن السيارات و المواصفات، أغلبهم حافظ صم مواصفات الجفالي، لكن لما أجي أستفسر عن إضافة مواصفات إضافية يضيع و لا يعرف يجاوب.
مثلاً، طلبت إضافة باقة Driver Assistant Package على سيارتي، كلهم ما عرفوا أيش الباقة مع انها موجودة في موقع مرسيدس الشرق الأوسط/السعودية الرسمي. مثال آخر، طلبت إضافة نظام صوتي بورميستر، كل واحد فيهم عطاني سعر، واحد قال لي 4000 ، الثاني قال لي 9000 و الثالث شطح و قال لي 17000 (البورميستر العادي مو الـ 3D) !! نفس الشي في البروجكتر (Head-up Display) سمعت لحد الآن سعرين مختلفين!
الشاهد يا أخوان أنا ناوي أشتري السيارة خلال أسبوعين و أطلبها على أساس توصل قبل بداية السنة الجديدة، لكن عجزت أحصل مستشار مبيعات فاهم يقدر يبني لي مواصفات السيارات بكل كفاءة و يصير عنده أسعار تقريبية شبه دقيقة للمواصفات.
الي تعامل مع أحد من الوكالة في الرياض يخبرني بإسمه و بأي فرع يتواجد و أكون له من الشاكرين.
تحياتي
