السلام عليكم...
اقول يا شباب مين عنده فكرة عن محلات تنجيد
بس تكون محلات بنت *** <----===( النجوم معناه كلب ):D
انا معاي اودي A3 كوبيه سودا ومن جوا احمر على عنابي...
رحت اولاً: محل العشماوي اللي في التحلية..وحصلته يكرب ستاير عارفين لأيش بيركب ستاير
مايبخ
المهم ماعيلنا...الرجال قال4300 ريال
تنجيد جلد كامل + سمكرة وبوية كامل دون السقف
رحت ثانياً : محل في شارع المكرونة عند واحد تونسي اسمه هارون قال... تنجيد جلد السيارة كلها بــــ 2500+السقف
رحت ثالثاً : محل في الخالدية وقال المقاعد بــ 4000 ريال :confused:
ولمن قلت له العرض قال مستحييييل
------------------
المهم ابشركم...
طحت في الفخ وانبلفت ورحت العشماوي...
وبعد ما اتفقت مع صالح عشماوي نفسه بـــ4300 جيته وقلت له بعد يومين يالله بسم الله..
شوي يقلي المعلم حماد يبغى كمان نخليها 4500 قلت له ماشي وخمسين ريال عشان يضرب المقاعد من تحت بوية (انا خليت السيارة احمر جلد )
شوي يقلي طبعاً من غير الدركسون (مع انه اول اتفقنا مع الدركسون)
وقال رح اخليها كمان 200 ريال للدركسون لو تبغى
ثاني يوم يتصل حماد ويقلي يبغى كمان 200 ريال عشان يفك التنده..
بالنبي عربي المجموع صار 4700 ريال اش رايكم ؟؟؟
