روابط قد تهمك :
اسعار السيارات | حراج السيارات | عروض السيارات | اخبار السيارات | youtube قناة السيارات


النتائج 1 إلى 7 من 7

الموضوع: هل أغير زيت القير على هذه المسافة ؟ إلنترا ٢٠١٢

  1. #1
    عضو
    تاريخ التسجيل
    01-01-2014
    المشاركات
    47
    معدل تقييم المستوى
    13

    هل أغير زيت القير على هذه المسافة ؟ إلنترا ٢٠١٢



    السلام عليكم ورحمة الله وبركاته

    انا بغير زيت القير لكن عيشوني رعب
    انا موتري ماشي قريب من ١٧٠ الف من اخر تغير للزيت
    الموتر ضعف عزمه يالله يبدل النمر صرت اخاف منه
    الموتر ماشي ٤٤٥ الف التغير الاول اتوقع اذا الكرتير له علاقة فالممشى ٩٠ الف وبعدها لمن مشيت ٢٥٦ الف بعد توضيب المكينة غير الزيت بدون فلتر والحين ماشي ٤٤٥ الف ودي اعرف وش اسوي وشكراً

    اذكروا الله
    وافطروا زين وبعدها خبروني شسوي ؟

    اغير الزيت بدون فلتر
    او اغيره مع الفلتر واشوف لي مبرد القير يقولون في تهريب مدري


    انتظركم



  2. #2
    كبير أخصائي فنيي السيارات
    تاريخ التسجيل
    14-01-2012
    العمر
    59
    المشاركات
    10,791
    معدل تقييم المستوى
    100

    رد: زيت القير النترا ٢٠١٢ مساعدة !

    وعليكم السلام ورحمة الله وبركاته
    الافضل تغيير زيت القير والفلتر , اما موضوع مبرد القير , فهذا شيء مهم جدا ولا تهمله وعالجه باقرب وقت
    بالتوفيق

  3. #3
    عضو ادارة المنتدى /استشاري صيانة السيارات الصورة الرمزية super_safari
    تاريخ التسجيل
    15-12-2009
    الدولة
    الرياض
    العمر
    35
    المشاركات
    7,768
    معدل تقييم المستوى
    81

    رد: زيت القير النترا ٢٠١٢ مساعدة !

    و عليكم السلام و رحمة الله

    زيت القير حسب الكتلوج يتغير كل 100 ألف كم كعمر افتراضي. لا يعني ذلك أنك لا تستطيع تغييره إذا تجاوز هذه المسافة , و لكن تستطيع الحكم بنفسك بعد فحص الزيت من خلال المعيار. انظر هل الزيت أسود تمامًا و محترق .. ساعتها لا تغير. أما أذا مجرد أن لونه أحمر غامق فها ليس مانعًا لتغيير الزيت لأنه ما زالت به لزوجته و الكلتشات سليمة ما احترقت. هنا تغير الزيت و أنت مطمئن.
    للعلم , رمز زيت القير عندك هو ATF-SP4 و هو من شركة متسوبيشي للمعلومية.

    و قير سيارتك طالما أنه فيه فلتر يتغير , فالمفروض أنك تغيره. نتعة التبديلات في الأومتاكي عادة تكون بسبب اتساخ الزيت و وجود الرواسب.

    و ليتك توضح أكثر فيما تقول "الموتر ضعف عزمه يالله يبدل النمر". أرجو أن يكون كلامك معني بالمكينة و ليس القير. لأن ضعف عزم المكينة أمره أهون. فأنتظر منك التوضيح.

    أيضًا أسألك: لماذا تطرقت إلى مبرد القير ؟!! في العادة السيارات الصغيرة لا تحصل بها مشكلة تتعلق بسخونة القير. فهل حطيتها ببالك و صرت توسوس بمجرد أن واحد من الورشات كلمك عنه ؟؟؟!

    أما التهريب أخوي فالكشف عنه سهل الحمد لله. و تهريبات القير محدودة و معروفة المصدر: صوف العكوس - صوفة الطنجرة - وجه الكارتير - صوفة الكردان بالنسبة لسيارات الدفع الخلفي فقط .. هذول هم ما في غيرهم. يعني تقدر تبين بسهولة بالنظر أسفل السيارة. يعني الشغلة ما يبغالها "يقولون تهريب". تقدر تشوف بنفسك.

  4. #4
    عضو جديد
    تاريخ التسجيل
    04-12-2008
    المشاركات
    5
    معدل تقييم المستوى
    0

    رد: هل أغير زيت القير على هذه المسافة ؟ إلنترا ٢٠١٢

    .اذا كانت سيارتك قيرها اربع نمر فزيت القير من نوع spiii وتحصله بمحلات هونداي لون العلبة ازرق

    واذا كانت سيارتك ست نمر فنوع الزيت هو sp-iv ايضا لونه ازرق وتحصله بمحلات كيا وهونداي والجبر

    ضروري تصلح التهريب قبل تغير الزيت

  5. #5
    عضو
    تاريخ التسجيل
    01-01-2014
    المشاركات
    47
    معدل تقييم المستوى
    13

    رد: هل أغير زيت القير على هذه المسافة ؟ إلنترا ٢٠١٢

    السلام عليكم
    كل عام وانتم بخير

    انا واحد ما افهم بالسيارات

    اول شي شيكت على التهريب مافي تهريب
    مركز امان لمن فحصه قال في تهريب

    ثاني شي انا طلعت لمتخصص قير اوتوماتيك قلت له هذا المفتاح رووووح سوي اللي تبي رجع لي قال القير سليم بس يحتاج تغير الزيت بس ممكن لمن تغيره مايقبله ويضرب عليك هنا حطني بموقف بايخ

    ثالث شي العزم لمن اطلع بطريق في طلوع او اوقف عند اشارة احس الموتر ما يبي يمشي يثبت على ار بي ام ٢ ما يتحرك منها ويشتغل الايكو

    رابع شي جيت لبنشري قال لي الفلتر علشان تغيره لازم تفك القير كامل او تغير الزيت وتخلي الفلتر

    الموتر ماشاء الله طلعت به الرياض يمشي بالسرعات فوق ١٠٠ تمام بس تحتها يضيع الموتر

    انا ما افهم شي بالسيارات

    اغير زيت بدون فلتر
    او
    اغيرهم اثنينهم
    او
    اترك الزيت وخلاص
    ماعاد ادري شسوي ...
    نقطه صغيره اخيره
    لمن اطلع اشغل السيارة بمضي اعشق ياخذ ثانيه عبال ما يفك ويمشي بالاخص بالريوس

    البنشري نصحني بزيت VS7 فل سنتثيك مدري عن الاسم يقول غير لسيارات كثير بدون تغير فلتر اخرها سيارة ماشيه ٢٥٠ الف كان في طقه بالقير وغير الزيت ومشى موتره تمام التمام
    لذلك انا في قدر ضغط باقي شوي على الانفجار ...
    شكراً

  6. #6
    عضو
    تاريخ التسجيل
    01-01-2014
    المشاركات
    47
    معدل تقييم المستوى
    13

    رد: هل أغير زيت القير على هذه المسافة ؟ إلنترا ٢٠١٢

    السلام عليكم
    سوبر فتك
    فورميلا
    اخواني وينكم ...
    اتظر فزعتكم
    .

  7. #7
    عضو ادارة المنتدى /استشاري صيانة السيارات الصورة الرمزية super_safari
    تاريخ التسجيل
    15-12-2009
    الدولة
    الرياض
    العمر
    35
    المشاركات
    7,768
    معدل تقييم المستوى
    81

    رد: هل أغير زيت القير على هذه المسافة ؟ إلنترا ٢٠١٢

    و عليكم السلام و رحمة الله
    من الرد الأخير أنت تقول أنه يوجد تأخر ثانية حتى يلقم النمرة R أو D . هذا إما لنقص مستوى الزيت أو اتساخ الفلتر.
    شيك على مستوى الزيت. و إذا الفلتر يتغير بدون ما ينفك القير فغيره. و سبق أن أوضحت كيف تقرر إذا التغيير آمن أم لا.

    حياك الله

المواضيع المتشابهه

  1. الفزعة تكفون ( النترا ٢٠١٢ ) مشكلة تبي حل
    بواسطة تعلم في المنتدى ورشة السيارات
    مشاركات: 4
    آخر مشاركة: 22-02-2017, 07:53 PM
  2. مشكلتي مع الكامري ٢٠٠١ ارجو الدخول
    بواسطة علي المرحبي في المنتدى ورشة السيارات
    مشاركات: 0
    آخر مشاركة: 21-02-2017, 02:41 AM
  3. متطلبات تغير القطع الاستهلاكية لكورولا ٢٠١١
    بواسطة bano4evere في المنتدى ورشة السيارات
    مشاركات: 0
    آخر مشاركة: 06-01-2017, 02:54 AM
  4. استفسار احتياجات بخصوص تويوتا كورولا موديل ٢٠١١
    بواسطة bano4evere في المنتدى نادي السيارات اليابانية
    مشاركات: 0
    آخر مشاركة: 05-01-2017, 09:58 PM
  5. ناوي اشتري بيجو ٥٠٨ موديل ٢٠١٦ وش تنصحوني فيه يا جماعه
    بواسطة أكورد فضي في المنتدى نادي السيارات الألمانية والأوروبية
    مشاركات: 9
    آخر مشاركة: 25-10-2016, 09:00 PM
X