انا من اصحاب الدخل المحدود ورغم اننا في عام 2017 الا انا ناوي اخذ لي سوناتا 2011 او 12 .
وش رايكم بسياره من ناحية عزم وفخامه وراحه وعزل
بس عطوني رايكم بسوناتا بس لحد يقول لي خذ لك اكورد احسن ولا يعطيني خيارات انا مو ناقص حيره ونفسي بسوناتا
لكن عندي رأي آخر
بسعر سوناتا 2011 أو 2012 فكر في إلنترا 2014 / 2015
وبالأخير عليك بالإستخارة
اي اكيد سعر السوناتا 2012 او 11 مككن يجيب لي النترا 2014 بس ياخي اشوفها ماتفرق السوناتا من 2011 الا 14 يمكن مواصفات بس . اما شكل ما تفرق
واهم شي عندي الممشىى القليل ويكون فيها انظمتة سلامه .
والالنترا طبعا خيار كمان . الله يكتب اللي فيه خير لي ولكم يارب .
وممشكور اخوي على مرورك
السيارة معنا فل كامل 2011 ولا فيها شي بس الطبلون مو جلد محشي تحس بلاستيك والمراتب غير مريحه تتعب حيل
عندك الاوبتيما مستخدمينها يمدحونها عزل ورساوه وراحه مواصفاتها حلوه فيها غسيل انوار ليد من 2013 العالي صار فيه عدسات فل كامل سعرها بداية الثلاثين 2014-2015 نص فل سعرها في الثلاثين
إذا مصمل على السوناتا الله يعطيك خيرها بس مشكلتها المراتب تكرهك في السيارة
ماشاء الله يعطيكم خيرها ويكفيكم شرها يارب اجل السيارات حلوه وان شاء الله بتوكل وبخذ لي وحده . واكيد بدور النضيف اللي ممشاها قليل .
الله يسعدكم يارب ومشكوريين
هلا ومرحبا الف فيك اخوي احمد انا من مستخدمي الجيل السابق 2008 ولازال قيد الخدمه سياره عمليه وخدومه الموديل اللي بعده اختلف في فتحة السقف اصبحت بانوراما وهذي كثيرين يشتكون منها وكمان السياره تجي بمحركين 2.0Lو 2.4L فاذا السياره نظيفه توكل ولكن الجيل السابق اشوفه عملي حتى سيارات الدوريات السريه لازالو يستخدمونه
