احترت BMW X5 2014 أو بورش كاين 2013

عالبركة

اختيار موفق

الله يبارك فيكم

شكرا لكم

.مبروك
الله يعطيك خيرها ويكفيك شرها

الف مبروك
الله يعطيك خيرها ويكفيك شرها.

حبيت اشكركم على أرائكم وملاحظاتكم


ابشركم اشتريت السيارة BMW X5 KIT M 2015

والحمدالله ارتحت بهالسيارة وان شاءالله موفقه ب اختياري


ومره أخرى شكرا لكم

او انتظر شوي بس علي هذي :)

https://www.youtube.com/watch?v=dMEkO1SdV3c&t=590s

الماني و فخامة و سعر و جديد وكالة

نصيحه لوجه الله هذة السيارات صممت خصيصا للمقتدرين ماديا حتى اللي راتبه عالي ما يشتريها يشتري هذا النوع من المركبات اللي لديه دخل اضافي عقارات بزنس اي كان نوعه يعني عنده ملايين ماتفرق معاه لو صار لها شئ
ثانيا سيارة مستعمله حتى لو كانت رولز رويس بنظر الناس انها شئ مستعمل ورجيع يعني بعد ماعافها صاحبها خاص راحت حلاوتها
هاذي السيارات مصممه لفتره بسيطه وبسرعه يروح بريقه وتصير شئ قديم لانهم عارفين الفئة اللي تستخدمها كل سنه تغير ولايهمها يطيح السعر لاكثر من النص عادي ماتفرق معاه
لازم تاخذ في الحسبان اذا ان السيارة اذا ما تعطلت فيه اشياء استهلاكيه عاد شوف كم طقم الكفرات والبريكات اذا تحتاج تغيير ولاسمح الله صار حكه بسيطه او اي مشكله
خذلك سيارة وكالة وش لك بوجع الراس

لا تحتار ولا شي ،، اذا كان عامل الشكل مهم توكل على الله و اشتري البي ام ،، الماني و فخم.

اهم شي نظيفة و تتأكد من موضوع الضمان و خدمات الوكالة بعد البيع. لأن الخدمة السيئة تكرهك في السيارة ،، و ما يصير لموضوع الشكل و الفخامة وقتها اي معنى.

على فكرة انا شخصيا تعجبني ال X6 اكثر. شبابية و رياضية.

بالتوفيق.

ليتك مارديت كذا حيرتني اكثر وبتحسف اذا ماخذت بورش: (

بس ياخي حرام ادفع هالمبلغ فوق 150 الف على شكل قديم

مرحبا اخوي ..

اولا السيارتين المانيات و الالماني يمتاز بجودته و فخامته.

ثانيا انا عندي بورش كايين 2011 اشتريته جديد و الى الان مستمر معاي و بحكيلك عن تجربتي.

الفخامة الداخلية الى الان ما ركبت سيارة تضاهيها ، كأنك في طيارة.

الاعتمادية لا يعلى عليها. اذا فيه شكوى من غلاء قطع غيار الالماني و هذا صحيح فالأولى انك تشتري سيارة بورش لأن اعتماديتها عالية جدا و ما تحتاج تغير قطع غييار ولا تعرف الخرابات. (عن تجربة شخصية).

كل ما سبق كوم و متعة قيادتها كوم ثاني. حقيقة تجاوب السيارة في السرعة و الملفات كأنك في حلبة سباق. لا من المكينة ولا من القير.

الضمان اجدده كل سنتين على كل سنة 6 الاف ولا حطيت فيها اكثر من البنزين و الزيت. الفرامل عندي سيراميك غيرتها مرة وحدة بس. اي خراب غير كذا على بورش و الوكيل ماله اي سلطة في هذا الموضوع. اعمل حسابك على تكاليف الضمان. و على فكرة انا شخصيا ما سمعت في مصنع سيارات يعطي ضمان مفتوح السنين و الكيلوميترات غير بورش.

البورش سيارة الواحد يقتنيها مثل الكنز ، و يستمتع فيها.اذا تبغى سيارة تأدي غرض المواصلات فالمنافسين كثير.

حقيقة ما كنت متخيل ان سيارتي بتعيش معاي 6 سنوات ولا متخيل كيف اقدر اغيرها. كل مرة اركب فيها كأنها جديدة من جودة المقاعد و الداخلية.

اذا نزل الشكل الجديد و قررت اشتريه ما رح افرط في اللي معاي من حبي لها.

هذا باختصار تجربتي مع بورش واللي يخليني ما افكر في اي سيارة ثانية مجرد تفكير.

الشكل الجديد رح ينزل في سبتمبر هذي السنة خلال معرض فرنكفورت. على الاغلب سعره رح يكون عالي جدا. ما رح تفرق معاك تنتظر الشكل الجديد اذا ما عندك القدرة على شراءه. الى الان بورش تجري كل تجاربها على بودي الشكل الحالي. ناس تقول لأنه مارح يتغير كثير و ناس تقول غير كذا. والله اعلم.

اذا يحصلك تجرب السيارتين فهذا افضل شي حتى تشوف وين ترتاح اكثر.

اعيد واكرر


بصراحة حصلت bmw x5 2015
وضمانهم الئ 2020
خلوني اشرح لكم بالتفاصيل
من الان الى 2020 مادفع شي غير بنزين

واذا مابعد 2020

والحمدالله ماشفت اي خرابات الا تغير الزيت واشياء بسيطه كذا خلال 3 سنوات
بمعنى راح استمر بهالسيارة وبدون تمديد لضمان
آما مثل الفحمات وكراسي المكينة وبواجي والخ
مهب غالي اللي تصورونه يعني زوينه
وايضا السياره اعتمادية درجة الاولى

رايكم ؟

كلام جميل جدا

وش رايكم ؟؟؟

تعبببت من التفكير

والكفرات مش ضروري رن فلات

عندك كونتينتال ب 4500 ريال لطقم

لا خلاص كنسلت بورش

بصراحة حصلت bmw x5 2015
وضمانهم الئ 2020
بيني وبينك بي ام دبليو اسعار قطع غيار حليووه مو مثل بورش

وايضا السياره اعتمادية درجة الاولى

أخوي نصيحة إذا دخلك مو عالي أو ماعندك دخل اضافي ابعد عن الالماني بالذات البورش ، ممكن تاخذ سيارة مستعمله تحت الضمان شامل كل شي مثلا باقي له سنتين ، بعد سنتين بتكون حبيت السياره و مستحيل تغيرها و اكيد بتقول تبي تستخدمها اقل شي 4 سنين زيادة ، بهذي الفتره الصيانة الدورية كل 15 ألف كيلو و كل صيانة تكلف مبلغ و قدره ، بالإضافه الى قطع الغيار اللي اكيد بتغير كثير منها بهالفترة .
تقدر تمر الوكالة و تاخذ اسعار الصيانة الدورية و اسعار قطع الغيار المعروفة ، بالإضافة إلى البريكات و كراسي المكينة و البطارية. إلخ ، و احسب كم تمشي بالسنة تقريبا و كم حوالي بتدفع بعد ما يخلص الضمان.

عموما حتى و ان كنت قادر ان شاء الله تدفع ترا تفرق اذا دفعت مثلا للكفره الوحده 4 آلاف ريال و سيارة اخوك طقم كفر كامل مثلا ب 1200 ، و البريكات ب 10 آلاف و سيارة ثانية ب ألف هههه ، الفرق تقدر تسفيد منه بأشياء ثانيه..

فكر و استخير و ماعليك من اللي يقول اللي يبي الاسم يتحمل ترا والله كلام فاضي . موفق إن شاء الله

اي نعم انا وحظي

صراحة اشوفه كثير ولكن هل تعرف الشخص الذي وجدت عندة السيارة وكيفية استخدامه لها والتزامه بالصيانة ؟؟