بسم الله الرحمن الرحيم
اخواني اسأل الله ان يوفقكم انا بحاجه لمساعدتكم بخصوص مشكله في سيارتي كابرس 2008 ثمان سلندر
وهي كالتالي
بصراحه يا اخوان بالخطا او لقافه مني شلت اصبع البطاريه السالب وقلت ابي افك كيبل كمبيوتر ال ECM اللي هو كمبيوتر المكينه موقعه تحت علبة الفيوزات بالجانب الايسر من الشبك الامامي
فكيت الكيبل ونظفته ونظفت ايضا الكمبيوتر ب منظف الكترونيات وبعدها تقريبا بساعتين رجعت ركبت الكيبل
وركبت اصبع البطاريه وابي اشغل السياره يطلع لي رساله safety mode active & Power Reduced
علامة X contact dialer والسياره ماتشغل نهائيا بس النور يولع بس المحرك مايشتغل نهائيا وفصلت اصبع البطاريه الموجب والسالب قلت يمكن يصير له رست لكن بدون فايده ماتشغل نهائيا X contact dialer ياخواني وديتها للورش قالو ننصحك روح للوكاله رحت الوكاله التوكيلات العالميه في منطقتنا قالو ماعندنا كمبيوتر يبرمج سيارات 2008 غريبه وقالي رح يم
اللي في الظهران المركز الرئيسي رحت للي في المركز الرئيسي (التوكيلات) وشرحت له اللي صار بالظبط
ياخوان والله مارتحت قعد يقولي بنشيك عالسياره ممكن تقعد يوم اسبوع شهر شهرين حسيته يطقطق علي وسيارتك ممكن تاخذ مبلغ ممكن تاخذ 1000 ريال او 4000 او 5000 او 7000 على حسب العطل والله قهرني ياخوان قلتله يمكن يبيله بس برمجه وتظبط قال ويمكن يبيله كمبيوتر ويمكن علبة الفيوزات احترقت ويبيله كلام طوويل المهم زبدة الحكي قالي بنفحص ونتصل عليك من هينا الى 5 ايام كلمنا الاحد للعلم السياره اليوم دخلته الفحص وسجلو فاتورة التشييك 400 ريال قالو لي اذا الموضوع مثلا كمبيوتر نقولك كمبيوتر واذا برمجه نقولك برمجه الان انا محتار هل ياخواني اذا مثلا لاسمح الله طلع كمبيوتر حرام ادفع مبلغ وقدره على كمبيوتر والسياره كل على بعضه لو ابيعه ماتجيب قيمة الكمبيوتر . هل بامكاني اخذ واحد من التشليح ومايحتاج ابرمج ولا ابرمج ابي مشورتكم هل عندكم حل يا اهل الخبره ابي توجيهكم الله يوفقك كل من يساعدني ....اعتذر على الاطاله لكن حبيت اوضح لكم الصوره بشكل كامل بانتظاركم اخواني . وصلى الله وبارك على حبيبنا محمد
