كامري 2003 وابي اركب لها جنط 17 _ ما هي المقاسات وهل يضر الموتر ولا لا

يابونا ركب 17 وتوكل على الله مثل خويي عندو زي وزيك 2003 وركب 17
ماشاءالله عايديه السياره مافيها شي والحمدلله 000

لا هنت يا S2K


عز الله انك كفيت ووفيت يالغالي

وللجميع عيدكم مبارك

حبيبي الجنط انكسر لأنه نوعية رديئة جدًا وهذا عيب معروف في الجنوط رديئة الجودة ولا تنخدع بمظهرها وعلى فكرة ممكن الجنط الرديء ينكسر بسهولة لو مريت على حفرة قوية أو مطب قوي !! لذلك احرص على الجنوط ذات النوعية العالية أو المتوسطة وتحصلها عند محل السليماني للإكسسورات والجنوط ، ومدري لو كان هناك محل آخر يبيع جنوط ممتازة بصراحة ماعندي فكرة ، لكن أهم شيء ابتعد عن الجنوط الموجودة بشارع الغرابي ولا تغتر بجمال شكلها !!
بالنسبة للجنوط والإطارات المناسبة للدايو ليغانزا فهي كالتالي :
-------------------------------
مقاس 15
جنوط 15 × 7
كفرات 205/60
-------------------------------
مقاس 16
جنوط 16×7 أو 16×7.5
كفرات 205/55
-------------------------------
مقاس 17
جنوط 17×7 أو 17×7.5
كفرات 205/50
------------------------------
تحياتي

ما شاء الله عليك يا أخي شكلك خبير في الجنوط عندي إستفسار إذا ممكن

أحد زملائي عنده دايو لغانزا فل أوبشن ويبي يركب جنوط مره ركب جنوط مع أول بنشر تكسر الجنط ما أدري إيش السبب وإيش هي الافضل هل النيكل وإلا الكروم ممكن تعطينا أفضل أنواع الجنوط وإيش هو الجنط المناسب لي سيارته مقاس كم وإذا تعرف محل جنوط في الرياض يكون أمين ممكن عنوانه والله يجزاك خير في هالشهر الكريم

طيب ياخوان انا لقيت جنط بي ام الجديد حق2003 مقاس 17 ب1700 ريال
ممكن واحد يقولي هاذا اصلي ولا لا ولو ركبته مايكون منه اضرار ؟؟؟


وبالنسبه لجنوط السليماني مغليين سعرها 4 مرات

حبيبي أبوعبالعزيز بالغرابي مافي شيء مضمون !! لو تبي جنوط زينة أنصحك تروح للسليماني للزينة والجنوط وهو موجود عند تقاطع شارع الملك عبدالعزيز مع مخرج 9 ،، تحصل عنده نوعيات ممتازة أمريكية واسترالية وممكن تحصل عنده ألمانية أشكال وألوان ومختلف المقاسات ،، أهم شيء ابتعد عن النوعيات الصينية !!
تحياتي

طيب يا الغالي CAMRY2K

بنسبه لتقليد وش يعرفني انه مقلد او اصلي

و فيه جنوط عليها علامه الجوده هذي وشي ؟؟؟ واسعارها تتراوح بين 1500 - 2800 ريال

وهل هذه الجنوط ليست ابديه يعني فقط للزينه ولا اركبها و امشي عليها واسافر عادي يعني تتحمل ولا لا

لان البعض يقول هذي ماهي شي هذي للزينه فقط وما ادري وش قصده بزينه وما تتحمل

والصراحه انا راعي خطوط و اكل مطبات كثير وانت ابخص الرياض شوارعه ممتازه


وياليت لو تدلني على محل في الغرابي يركب لي جنوط ممتازه

والف شكر لك

هلا أخوي ابو عبد العزيز
بالنسبة للجنوط ماراح تأثر في السيارة لو اخترت المقاس الصحيح للجنوط والكفرات الملائم لسيارتك :)
بالنسبة للجنوط يجب أن تحرص على الجنوط المعروفة مثل ASA أو BBS مع العلم أنه يوجد أنواع مقلدة منها !!!
بالنسبة لتركيب جنوط 17 فالمقاسات المناسبة لسيارتك كالتالي :
الجنوط مقاس 17 × 7 أو 17 × 7.5
الكفرات مقاس 215/55
وبالتوفيق ،،
تحياتي لك

سؤال مهم جدا بنتظار الاجابه عليه وعلى اسئلتي

أخوي s2k (وراك وراك:D )
ل تعرف في جدة محل يبيع جنوط رايسنج لاني بحثت في السابق كل ماوجدته جنوط ثقيلة(استعراض)
وأسعارها بـ3 الاف وخمسة
وياليت لو توضح كيف افرق بين الجنوط التجارية الإيطالية والألمانية وبين التايواني.والكوري..؟
وما هيا عيوب الإيطالي والالماني التجاري؟


وتحياتي

لا يا اخوي أبوعبدالعزيز لا شكر على واجب والله وآسفين على تأخر الرد...

أنا بحاول أجاوبك على قدر استطاعتي وتجربتي الشخصية..... إذا قصرت فأتمنى تعذرنا...

انا الجنط المركب على سيارتي كلفني حول الـ1800 ريال صناعة ماليزية... ماشاء الله كمل معاي الآن ثلاث سنين ولا قال "أي" :D... طبعا انا ماراح انصحك بالماليزي لأن أغلبه يجي مضروب ماعدا ماركة او ماركتين... إذا ميزانيتك محدوده فابحث عن الجنوط التجارية ذات الصناعة الإيطالية او الألمانية... اعتقد سمعتهم حلوة...

طبعا سالفة الجنط الكروم أنا انصحك تبعد عنها:
1- وزن إضافي...
2- اللمعة ذات عمر افتراضي قصير جدا..
3- سعر أعلى...
4- العناية المستمرة والمكلفة...
5- غير رياضي وموضة قديمة <------ رأي شخصي ;)


لاحظ هذا الجنط بحافة في نهايته:

يستحمل الضربات والمطبات وماينثني بسهولة...

هذا بدون:

إثنينهم مقاس 17 ولكن لو تدقق تلاقي الجنط الثاني معطي شكل أكثر واقعية لجنط من مقاس 17 :)

محلاات تعديل السيارات المعروفة تلاقي عندها اليايات الرياضية... وعموما طلبها عن طريق النت ممكن.......

تحياااتي........

للي يبغى يغير جنطه يدش هذا الرابط
http://www.assayyaratnet.com/forums/showthread.php?s=&threadid=3933
========================================= ودمتم سالمين

..

S2K

الف الف الف شكر لك على هذه المعلومات المفيده وعز الله انك كفيت ووفيت يالغالي


ولكن عندي بعض التساؤلات
بنسبه للجنوط الصراحه خبرتي فيها 0 صفر كما قلت سابقاً

بغيت اسئل انا لقيت طقم جنط 17 المنيوم عليه علامه الجوده 1600 ريال وش رايك فيه

وبنسبه للمضروب وغير المضروب انا وش يعرفني انه مضروب او لا
خاصه اذا بغيت اشتري مستعمل

ووش رايك ااخذ المنيوم اللي في حدود 1600 او نيكل اللي في حدود 2500 ريال وكلهم حاصلين على علامه الجوده

وابي تقول لي الحين الجنوط هذي اللي بـ 2500 مهيب زينه او 1600


وبنسبه للمقاس و اليايات وغيرها
ابيك تدلني على محل في الرياض يسوي كل شي لي من هذه المقاسات إلى الجنوط واليايات اواي واحد يعرف من الشباب

و اللي تقول عنه حافه وش لون يعني الصراحه ما عرفت اللي انت تقصده
فياليت لو كان عندك صوره مثال على هذا الشي


و بنهايه كم تكلفني اذا سويت هذا التغيير الكامل من جنوط إلى يايات



مع العلم البعض يقول لي غير الاذرعه او اخرط ؟؟؟؟؟؟؟؟ فوش سالفه الخرط هذي

ولك الف شكر مقدماً
ورمضان كريم علينا وعليكم اجمعين وتحياتي لك

LEGACY
تسلم يا مشرفنا العزيز على الايضاحات هذه
اما بنسبه لـ 18 الصراحه ما شفت احد ركب هذه الجنوط على الكامري نهائياًَ

واما 17 منتشره اكثر لانها تعطي شكل غير طبيعي

في أنواع من الجنوط تجي بين الأصلي وبين المضروووب مرة :D
يعني تكون أسعارها في حدود 2200-3500 ريال لطقم 17...

من تجربة شخصية, الأداء ممكن يتحسن وممكن يسوء, على حسب وزن الجنط والمقاس...

لكن الشي الأكيد إن رساوة السيارة راح تتأثر سلبيا بسبب ارتفاع مركز جاذبية السيارةر قليلا عن الأرض وعن وضعه السابق... الحل: لابد من تركيب يايات رياضية... او خلينا نقول: لا تركب جنط 17 أو 18 قبل اليايات الرياضية! ولا تقص او تسخن أو غيره لأن النتائج المترتبة سيئة....

أيضا مثل ما قلت مع أي مطب أو تعرج, وخصوصا إذا كنت مسرع, فالكفر راح "يحك" في الرفرف من الداخل... طبعا اليايات الرياضة أيضا هي الحل...

طبعا صوت الطريق داخل المقصورة راح يزداد...

كفرات 17 تستهلك بسرعة..

إذا اخترت المقاس الصحيح "للكفر والجنط أيضا" مع التعديلات اللازمة, فصدقني راح تستمتع جدا بالنتائج! الرساوة راح تتحسن بكثير وبالذات على المنعطفات... الشكل طبعا ما يحتاج |1| وأخيرا التميز............

أنا اقترح عليك هذا المقاس للجنط --------> 7 * 17
وهذا المقاس للكفر -----------> 17-50\215 من الفئة V او Z....
بالنسبة للكامري 4 سلندر, فالفئة V تكفي وتزود ;)


بالمناسبة, الجنط إللي يجي بحافة في نهايته يستحمل المطبات والضربات أكثر من الجنط بدون حواف... ولكن مشكلته انه لا يعطي "شكل" المقاس الحقيقي لجنط 17... يعني إللي يشوفه راح يظن إنه مقاس 16.....

أي معلومات ثانية حاضرين يا عزيزي...
ورمضان كريم :)