هايلكس قراند لوكس حجم المكينه 2700 موديل 94 ياخوان السياره للامانه جديده وتعبت عليها شغل وكاله والصورتحت موجوده والفحص على الطبيعه خير برهان بختصار شديد شريت السياره من احد الاصدقاء وهو مهملها وقاطها بمزرعه من سنين طويله وبويتها تاكلت ولكن بديها وكاله بدون سمكره لكن تحتاج تنجيد وبويه والمكينه الزيت جالس فيها فتره طويله اكثر من 15 سنه فا قمت بفك المكينه ووظبتها توضيب كامل قطع اصليه من عبداللطيف جميل وعليها ضمان كذلك قمت برش السياره فرن صلخت البويه صلخ كامل على الصاج كم يتضح لكم من الصور ان السياره ولله الحمد لايوجد فيها حوادث او سمكره ونسبة المعجون عشان رش بويه جديده يكاد لايذكر مجرد اساس يمسك البويه ويتضح لكم من الصور من الحواف وهيكل السياره ووجهيتها قبل وبعد الرش المهم قمت بتغير الوجيه الى وجهية في اكس ار الي هي شمعات وشبك وصدام وقمت بتوسيع بسيط بالرفارف الاماميه لكن الله حق شغل وكاله كذلك الاسطبات الخلفيه موديل 94 صغيره جدا وشكلها بشع فا قمت بتوسيع مكان الاسطبات وركبت لها اسطبات 2015 هايلكس كذلك الصدام الخلفي وملحقاته للقلص والشحن حق جمس سيرا وطالع شكله روعه ماشاء الله كذلك المرابات الجانبيه حقت سيرا كذلك دعسات ركوب السياره حقت سيرا المهم الكهرباء تم نفظها كامل اي سلك في خربطه تم تغيره افياش جديده ضفيره جديده رديترات مكيف ورديتر ماء المهم السياره تكيف ثلج ماشاء الله -- والله سبحانه يعلم كم خسرت فيها لغرض الاستخدام والسياره للتوضيح هايلكس لكن جت في موديل 94 ونقطعت فقط جت موديل واحد تتميز عن الهايلكس العادي 94 انها شاص طويل كانها جمس سيرا ماشاء الله كذلك حجم مكينتها 2700 نفس حجم مكينة 2015 وهي شد بلد وماجت بموديل 94 الا فقط في الهايلكس هذي الي هي جراند لوكس ويتضح لكم حجم المكينه من شطرطون السياره في بداية شغلنا في البويه المهم ايه نست المرتبه حقت سيرا متصل منفصل بدرج جميل وروعه ونفس لون الداخليه كذلك رهمت لها اشياء روعه من داخل مثل ديكور يجي في السقف فيه لمبات ودرج للنظارات درج حفظ اغراض ولمبات قياس حرارة الجو حق جيب جراند شيروكي وشغال ومفاجاه للمشتري امور كثيره سويتها فيها ايه بعد الاستماره جديده اتركم مع الصور وهذا رقمي 0555538203 واتمنى مايسوم الا شخص يقدر تعبي في الموتر وخسايري فيه لاحد يقول موديل قديم او شي ثاني ترا شكل جديد ومكينه موظبه وعلى فكره اول توظيبه لها يعني ان الله عطا عمر سنين بتكد معك ملاحظه تم تركيب انوار زنن للعالي والواطي والاسطبات مع محولات اصلي شغل يحبه قلبك كذلك شاشة ملاحه نفقيشن عربي مع بلوتوث وسيدي ويو اس بي مشغل صوتيات بالشاشه وكميره خلفيه عند الريوس تم تركيبها لغه عربي وبعد انا مسئول عن نقل الملكيه باسمك مالك شغل بشي لافحص ولا بطيخ ولا تامين انا اتكفل بتكاليف نقل الملكيه على قولتهم مالك الا ولد يقرا يعني مالك الا موتر باسمك منقول جاهز مطلوب صورة البطاقه ورقم الجوال وفلوسك فقط والي خارج الرياض لايجي يرسل اي حد من قرايبه يفحص ويجرب ويرسل معه صورة البطاقه فقط بدون مايحضر ماله هم انقلها باسم وسلمها قريبه الي يرسله لي يفحص الموتر واروح معه للبسامي نشحن له السياره وتحياتي للجميع
قناة السيارات
15اعجابات
رد مع اقتباس
ف__ف
