تعصب أصحاب سيارات اليابانيه

رد جميل لكن ليش تقليل تحب الياباني حبه بس انا ضد تعصب طرفين بنهايه احنا مانملك اسهم بهيونداي او تايوتا !!

جلد نابا يكسر ظهر بالخط والله شكلك راكب اف جي ولا لاند كروزر :c0038:
هذا اولى لا جينا لي الجوده شوف اقرب مثال جينيسيس شركة لوتس البريطانيه تعاونت مع هيونداي وصممت لها هيكل من الفولاذ بنسبة 51 بالميه سياره تغيرت بالكامل عن سابق وصارت فخمه المحرك اللي تضحك عليه 420 حصان 8 نمر لعب بسيارات سبورت كثير والجينيسيس موب سبورت عكس محركات تنفس طبيعي الميته مع ذلك لا يزال يحتاج تطوير لكن تفوق واضح دامك ماركبت جينيسيس وجربت جلد نابا لاتعلق على الكراسي وشوف اللي عندك وكل هذا تطور ب 10 سنين

الحين ابي افهم منو قال ان السيارة العملية قطع غيارها رخيصة ؟؟

اي سيارة عملية قطع غيارها غالية , اساس معروف ومتعارف عليه بس تويوتا فبداياتها 2000-2007 كسرت القاعدة بشيئين ( قطع رخيصة - مواصفات مقابل سعر) كسببت السوق والسمعة على ظهر جودة نيسان المتدنية سابقا واسعار هوندا القاتلة

يجيك احد يقولك الكوري حده خمس سنوات وخلاص.
ارد عليهم واقول لهم هل عندكم دراسة واثباتات ابهالكلام؟؟
هل احد سوى تجربة واخد سيارة كورية وسيارة يابانية نفس الموديل ونفس السواق ومشى بهم نفس المسافة والكيلومترات ونفس السنوات وبعد هالمدة هدي ان الكوري مثلا كلفته في الصيانة اكثر مما كلفة الياباني وان الياباني اكثر تحمل وقوة من الكوري وبهذا اثبت للعالم كله بان الكوري حده خمس سنوات. هل هالشي صار واستوى والا كلام من راسكم؟؟؟
ماحد يعطيني اجابة الكل يقول والله بصراحة الكل يقول كدا. طيب في اثباتات يا شباب؟؟؟ يقولون لا مافي بس هالشي معروف.

عني شخصيا أحترم الكوري لكن لن أشتريه طالما وصل سعرالياباني, فقط هوندا وتويوتا أغلى من الكوري أما مازدا ونيسان وسوبارو أرخص من الكوري

:xyxthumbs:

كان الكوري بديل لمن لايستطيع شراء سيارة يابانية او امريكية
تذكرون الاكسنت كانت ب 25 الف كاش واحد على قد حالة ومايقوى الاقصاد او سيارة مستعملة تبهذلة بالورش بياخذها اوفر له وافضل
اما اللحين سعر الكوري صار مرتفع ولازالت ثقته مهزوزه لدى المستهلك
اذا حصلت الاسعار متساويه راح اتخلى عن الكوري
تخيل سوناتا و اكورد وباسات وفيوجن بنفس السعر على سبيل المثال بالله بتفكر بالسوناتا
لكن اذا فيه فارق كبير في السعر وبوفر من 25 الى 35 الف وقتها باخذ السوناتا وانا مقتنع بهذا الخيار

اتفق معك بشأن العامل الكوري الهزيل من نوعه :bigggrin::bigggrin:

مو مشكله تعصب لكن تجدها لسبب واحد انه المنافس الرئيسي للسيارات اليابانيه هي الكوريه خصوصا في الفئات الصغيره إلى المتوسطه لأن لا الأوروبي ولا الأمريكي متواجد بقوه بهذي الفئه فيبقى الصراع بين الياباني والكوري والناس تبقى تقارن بينهم فينشأ التعصب والصراع.

يعني غصب نحب الكوري ونشتريه ؟؟

مثلا مجموعة تويوتا كم تصرف على الابحاث والتطوير بشكل عام ؟؟ ولما تطلع تقنيه صرفوا عليها مليارات يجونك الكوريين نسخ ولصق

اليابانيين والالمان مافي احد يقدر ينافسهم في العقول والابتكار

وبعدين من زين العامل الكوري عشان يصير راتبه في مصنع هونداي مثل الياباني ونحن نتحمل تكاليفهم مع جودة اقل لتكون في المنافسه

الكوري يعطيك شاشه وسقف بانوراما وجلد نابا وليدات وخروج مسار ورادارات لكن بالمقابل جودة المعادن والتعليق والمحركات اقل من المستوى المطلوب

انا كمستهلك مايهمني الاكسسوارات اذا كنت احتاج لسيارة تخدمني سنين وجودة وبدون تعقيد وعيوب تصنيع


والعبارة اللي تعودناها من الكوريين وعشاقهم عند نزول موديل جديد هي ( تحسنت الجودة عن السابق ) واتوقع تستمر لنهاية عالم السيارات

كاتب الموضوع غلطان لانه كما قال اخونا صالح شاري سيارة كورية ويشوفها احسن سيارة في الكون وفيها جلد نابا :bigggrin:

وش فايدة الجلد لاصار الكرسي يكسر الظهر في الخطوط ؟؟

السلام عليكم
نقاش جميل واتمنى ان يستمر على اساس الاحترام المتبادل للاراء والاشخاص

شوف ياعزيزي هذا شي ملاحظ في اعتقاد البعض مع الاسف
اذا مدحت شركة معينه معنها ان غيرها تعبان ومايستاهل
علشان اثبت ان الشركة الي احبها افضل لازل اقلل من غيرها واذم فيه
مع ان بالامكان ان يكون الاثنين جيدين ويلبون احتياجات ملاكها
وشخصياً ارى انه ليس من العدل تعميم صناعة دوله بالكامل فالياباني ليس كله بالاعتمادي او الي يمسك سعره والحال ينطبق على الكوري وغيرة

في الختام مثل ماتفضل بعض الاخوان انا مستهلك والمستهلك الذكي يبحث عن الشيء الي يلبي احتياجاته وبسعر تستحقه بدون غبن
تحياتي لك

أنا متعصب للي يوفر لي خيارات متعددة في السيارات اللي أحتاجها + يعطيني خدمة وتوفر قطع غيار + يتفاهم مع الشريطة في المعارض ويخلي سياراته تمسك سعرها فقط

كل ذلك موجود في تويوتا فلذلك إذا باتسر صارت جيلي عندها
1- خيارات متعددة مثل هايلوكس وشاص + لاند وسيكويا + فورتشنر وبرادو + أنوفا وأفانزا وبريفيا.
2- ثم مسكها عبداللطيف جميل أو وكيل ثاني خدماته أفضل من ناحية سرعة الصيانة وتوفير قطع الغيار.
3- ثم ذا الوكيل قعد مع الشريطية وتفاهم معهم على مسكة السعر.

في ذلك الحين عطوني رقم وكيل شركة جيلي بالسعودية إذا توفرت بها الأشياء السابقة أغير سياراتنا

لاحظتوا ما قلت مواصفات تقنية ولا اعتمادية ولا سعر الشراء رخيص أورخص قطع غيار ولا رخص في مصاريف الصيانة في الوكالة لأنها حقيقة ما تهمني.

قد يكون موضوع السيدان مختلف لكن احتياجاتي السابقة (الجيب والنقل والفان) لا تلبيها إلا تويوتا وأنا معكم إذا غيرتوا نغير كلنا موب أغير أنا ثم بعد فترة أشوف المبيعات ألقى العالم شارين تويوتا فاتفقوا كلكم وأنا معكم

اعتذر على الإطالة لكن ودي أختم بنقطة مهمة :

الكوريين بوسعهم يرفعوا مستوى اعتمادية سياراتهم ليصلوا لليابانيين ويتعدوهم بكل بساطة ..
وشركة بإمكانات تويوتا مثلا تقدر ترفع مواصفات سياراتها التكنولوجية لتصل لمستوى الكوري وبنفس السعر ..

بس هالخطوات راح تكلفهم من الناحية المادية تكاليف هم في غنى عنها ...
ولاننسى انهم شركات ربحية في النهاية ... وهذا غرضهم الأساسي

المدرسة الاقتصادية الرأسمالية سياستها انك تركز عن نقاط قوتك في السوق وتعززها بدل ما تعزز من نقاط ضعف منتجك ...

في النهاية دخول السيارات الكورية ومن ثم الصينية للسوق ونجاحهم راح يزيد حدة التنافس والمستهلك المستفيد الأول... :ch19:

أما فيما يخص الجانب الواقعي والعملي ...

بشكل عام .. لاتزال السيارات الكورية أقل إعتمادية من السيارات اليابانية بشكل طفيف وأنا أقول هذا الكلام عن تجارب شخصية .

وأعتقد مصنعي السيارات الكورية نفسهم ممكن يعترفوا بهذا الأمر لان الاعتمادية ماهي أولوية بالنسبة لهم ..

ما سألت نفسك ليه مافي مرسيدس أو بي ام دبليو في في الفئة السعرية لليارس والاكسنت ؟؟
رغم ان الشركتين لديهم من الامكانيات المادية مايسمحلهم باخذ حصة محترمة

شركات السيارة تقاسمت السوق وصنعت لنفسها تصورات "Image" ومتمسكة بيها طالما هالشي يدر عليها أرباح مرضية

فالألماني او الاوروبي يهتم بالفخامة اولا
الياباني الاعتمادية
الكوري مواصفات وتكنولوجيا متقدمة بسعر منافس "ولو انهم بدأوا يتهوروا سعريا "

كل شركة لها أولويات ... والشركة اللي أولوياتها تتطابق أولوياتك خذها
بدون انتقاص اختيار اي شخص اخر.

أخي ,, اسمح لي أشارك في موضوعك الشيق ...

قبل كم يوم كنت مع الوالد في مشوار وجبنا سيرة سيارة جيلي الفخمة الجديدة اللي وصل سعرها الى 90000 ريال
ولما قلت مستحيل حد يدفع هالمبلغ على صيني كان رده بأن نفس العبارة كانوا يقولوها على اللي يشتري لكزس بأيامهم لما كانت تصل لهالاسعار ...

الأيام دول .. ولو استمر الكوري في إثبات إعتماديته .. تدريجيا هالافكار راح تندثر

هذا إجابتي للشق العاطفي والمعنوي لموضوعك

أتمنى تتقبلها بصدر رحب

طالما وصل سعر الياباني اسمح لي اقول لك وبدون زعل رد غير منطقي ليش على اساس صناعه اليابانيه تقارن بالاوروبيه او الامريكي او على اساس الديكور المشلح ولا الشكل القبيح ولا محركات تنفس طبيعي الحين الكوري يعيطيك جلد نابا يعطيك مواصفات وجوده وكل مال جودته تتحسن لا احد يقول لي البدي ضعيف شوف سيارات اليابانيه واحكم انا صدمت هايلوكس وافالون وسكويا شوف البدي عندكم كيف العاب موب سيارات ومافيه الا ايرباق واحد الكوري اذا اخذت سياره فل مثل سوناتا تجيك 6 ايرباقات اذا صار سعر الكوري بسعر الاوروبي قل احطها في اوروبي لكن الياباني الان فاشل وماطلع الياباني الا بسبب الكرسيدا و200L حاول تشوف لك رد اخر وعلى طاري معصب انت ماتقدر تحكم انا معصب عن طريق الكتابه او لا لي انك لاترى وجهي :a1120(121):

ماتقدر تلومهم ... حقين الكوري ينتقدون تويوتا 24 ساعه وبتاكيد حقين تويوتا بينتقدونهم بالدور

السيارات الاسيوية لها سحر يجذبك لها ويخليك تعشقها بشكل غريب عكس السيارات الي راعيها بس يسب فيها