اخواني ابغيت اسشارتكم بخصوص الجيتا 2016
السيارة صراحه عاجبتني جدا جدا ونفسي اقتنيها ، وسمعت ان جودة تصنيعها جدا عاليه (ومواصفات الامان فيها قوية) وادائها حلو مقارنه بالكوري (الالنترا المنافس) ..
السيارة ما اعرف عنها الا بعض المواصفات الامريكيه فقط انها تجي ب9 ايرباقات ونظام صوتي من fender ب9 سماعات وتجيك شمعاتها فيها ليد وعدسه مع كشافات والشاشه عندك تغيرت عن الموديل الماضي صارت يمديك تعرض اللي بجوالك في الشاشه ماني عارف اسم الميزة هذي صراحه والاصطبات الخلفيه صار فيها ليد ...
هل اللي عند تحالف النخبة بمواصفات اللي فوق ؟؟
لاني شفت مراجعه للاخ حسن كتبي للجيتا 2016 وكانت تختلف للامانه عن الفيس لفت البسيط حق 2016 :
https://www.youtube.com/watch?v=ZkLzY8SY08g
^ مراجعة حسن كتبي لجيتا 2016 للوكيل ساماكو
اهم شي لاحظته هوا ان الاصطبات الخلفيه مافيها ليد والشمعات الاماميه بدون لييد ولا عدسه ، المفروض يكون كذا :
اللي بينصح بسيارة ثانيه كلي اذان صاغيه بس الا الكوري بالله والسبب الرئيسي الامااااان وضعف صلابة السيارة :
( كان معاي النترا 2016 فل كامل طلعتها من الوكاله كاش وبعد شهرين صارلي فيها حادث
صدمت لي شيول كان عاكس والسيارة تلفت ...والغريب ان ممشاي كان 100 وحاجه وفرملت لين 90 بلحظه يوم دخل الشيول لجزئية من مساري بالزبط من جهة السايق وصدمت فيه بالسرعه هذي ، طبعا القيربوكس راح والمكينه عطلت والصدمه وصلت الرديتر والشاص انعوج والكفر اللي من جهة السايق مع الجنط والمساعد طارو في الشارع ! ومافيها الا ايرباقين وواحد اللي طلع اللي هو حق السايق وانا الوحيد اللي سلمت واهلي تضرروا للاسف سيارة زباله بمعنى الكلمه .. )
وشاكر لكم مقدما ...
