الجديد و القديم

لا الغالي المفروض ما يزيد العرض لكن إلي حاصل والله أعلم :

ان قطع الكراسيدا إلي تنباع في هذي الأيام هي من الستوك القديم الزائد من التسعينات

لأن الكراسيدا ما تستهلك قطع كثير زي السيارات الجديدة فا من كذا زاد عندهم في المصنع ستوك بكميات كبيرة والحين جالسين يصرفونها

والله أعلم

وجهة نظري كذا

طلب وعرض، الطلب قل هل العرض يزيد او يقل؟


كيف ماتكلف المصنع اخوي رحال وهي بخامات ثلاث خامات السيارات الجديده، عدد الكرسيدات قليل بل لايكاد يذكر، المفروض يقللون الجودة لأن أصحابها لن يضيفوا شيء او ينقصوا شيء بل وجودهم زي عدهم.


فهمتك ياخوك ،لكن نقاطي اللي فوق ذكرتها لك مافهمتها؟

انا ببتدي من حيث انتهيت انت ياخوي

لا الوضع غير محير والسبب :

كم كريسيدا سليمه تمشي في الشارع في العالم موجودة في سنة 2016 ؟؟؟؟؟؟؟؟؟؟؟

هذا السؤال لازم تحطه في بالك لأن عدد الكريسيدا إلي تمشي بالشارع اليوم قليل جدا جدا جدا فا تلقائيا تصنيع قطع الغيار لها أقل بكثييييييييييييييير من زمن التسعينات لأنهم (( تويوتا )) يدرون بهذا الشي فا من كذا محافظين على جودة القطع لأنهم ما يصنعون منها كميات هاااااااااائلة نفس التسعينات !!!!!

فا على هذا لا توجد تكلفة كبيرة على المصنع في تصنيع قطع الكريسيدا في عام 2016

من كذا هي رخيصه وجودتها عاااااااااالية لأنها ما تكلف المصنع أصلا

وللعلم السوق هو عبارة عن عرض وطلب وهذا معلوم عندك أكيد

فا الطلب على قطع غيار كريسيدا قل بشكل كبيييييييير في العالم أجمع

الله يرحم أيام تويوتا تصنع مدرعات مب سيارات ، فعلا كانت تتحمل كل شي تسوي فيها

لكن الشكوى لله

اتمنى وصلت فكرتي........

صبرك حق 6 سنوات وان شاء الله ابتعاث لليابان محركات احتراق داخلي

ماهو لازم يصنعون قطع بنفس الجودة للكرسيدا، يمديهم يوفرون مواد ويقللون جودة القطع القديمه (ويقولون قديم ولحد درا عنهم)
لكن عندك علم عن المواد المصنوعه منها القطع القديمه والقطع الجديده

مثلا حسب علمي الالمنيوم اغلى من الحديد لذلك المكاين الجديده اغلى. مع انه الحديد يمشي ويمشي.
شاكر لك مرورك الطيب

صادق ياخوك:c0214: (المفروض تقل التكلفه وتزيد الجوده بسبب انه السعودية مليانه بالمعادن. اكثر ترليوووووووووون مره من اليابان الخاويه على عروشها)

الموضوع مااشعل حماسهم، اصبر عليهم زي التكسي يبالها صبر....... :bigggrin:

اولا الشركة نفسها تصنع قطع كثيرة اصلي تجاري جودة عاليه ضعيفة مو مهم تصنع الي تبي ويجي المصنع وياخذ ويركب الي يبي بالجودة الي يبيها ويبيع بسعر الي يبيه لكن لو سوا نفس طريقته الي اول جودة عالية ومع سعر رخيص ارباك اكثر والفلوس ماتكفي يبون اكثر رغم انه ما ادري وش تسوي فيهم فلوس كثيرة اذا عندك كل شيء تخزنهم بالبنك او تحرقهم وتتدفأ فيهم :bigggrin:

هنا يجي الدور هنا يشترون قطعة الجودة الضعيفه بسعر رخيص جدا ويبيعها عليك بسعر دبل فوق الي جودتها عالية وانت مسكين تشتري وما تدري وانتهى الكرسيدا لانه طول عمرها مصنوع كل قطعة بجودة عاليه وقديمه اكيد بيستمرون بجودتهم العالية افضل شيء انت تروح وهم مهندسين السيارة وتختار تقول ابي ذا وابي ذا وابي اشارك في التصنيع وابي ذي القطعة جودة كذا وتطلع من المصنع وتتفاجا بالسعر الرخيص وانه الجودة الضعيفه ارخص بكثير وتجي الشركة الموزعه وتبيع عليك باضعاف وعادي ما احد درا الحل انا وانت ندخل مصنع تويووتا اليابان ونصنع سيارتنا بنفسنا بحكم انك مهندس :smilie16: وثمن نمشي ولبقين قطعة جيبها من المصنع نفسه بالجودة الي نبيها وركبها ولا اله الا الله رجعت وكالة

خذلك https://www.assayyarat.com/forums/t9618.html

بعدين مسلوقة محد معطيك وجه شسالفة وين المشرفين وين العالم

فك كمبروسر تويوتا جديده وشوف وين مصنوعه :راح تكون
يابان، امريكا، الصين ولو صنعت في دولة ثانيه راح تكون بنفس قوانين شركة دينسو او يغلق المحل اذا اختل النظام............'''''''''...........''''''''''

ف____ف لاتنسى ان دينسوا من 2002 صار لها مصنع فالسعودية فأي سيارة تويوتا جميع امور التكييف مرهمة بالرياض:bigggrin: ممو زي تويوتا التسعينات كمبريسر ياباني ياباني مهو ياباني سعودي هههههههههههههههههههههههههه

يابوي اقلك نفس الشركة تصنع كمبروسرات لكن لاجيال اجدد بجودة ضعيفه وسعر عالي
وانا قلتلك بداية المحاورة بين الكرسيدا والكامري يعني نفس الشركة اللي هي الدينسو ،

القصه اكيد فيها ضحك عالدقون

ف_____ف لاتنسى ان الشركة ماتصنع قطع غيار سياراتها بل تتعامل مع شركات اخرى في هذا المجال < يقاله جاب شي جديد ص________ص

لا لا أبدا ماطولت تمنيت لو انك زدت زيادة
لكن يااخوي رحال انا مع كلامك اللي فوق كله إلا نقطه وحده
الشركات رفعة سعر القطع عشان تكسب، طيب احنا حاليا بعام 2016 والشركة انتجوا مليار قطعه، طيب (ليه مايقللون جودة قطع الكرسيدا ويزيدون السعر)
يارجال عشان تعرف ردائة التصنيع للسيارات الجديده ابى اذكرلك قصه(اشتريت مساعداتي الاربع ب320 اكل بها مطب ولا احس واكل حفر ويمتص احلى امتصاص ورمضان ذا تكست بما اني بمكه وجمب الحرم واحمل ماشاءالله يركبون معايا مصاريا وسعوديين وكل جنسيه دخلت مكه احمل من غزه للعدل وعاد لو تنزل مكه بتعرف انه حفرها خبيثه جدا لو تاكل وحده طوالي تودي سيارتك التشليح.، بحسب كلامك المفروض ينقصون جودة المساعدات ويزيدون السعر مع اننا بعام 2016، ليه ماياخذون على قطع الكرسيدا سعر اعلى..،
يارجال المكينه اتوقع سعرها 10 الاف مدري 15 الف وتمشيك لأجيال قدام (لأجيال)
(مره انشق على خرطوم المويه اللي يودي من الرديتر للمكينه) تدري بكم لقيته اصلي ب150 او120 لو انك تلعب حديد مايمديك تضغطه بيدك من جودته العاليه


ياخي من الاحرى انه كمبروسر ب500 يبرد في الحر انهم يزيدون سعره بينما ابو 2000 خايس

طيب لو القصه ربح كان زادوا سعر الكرسيدا لان لها نفوذ في العالم اجمع اليس من الاولى تخفيض التكلفه مقارنة بالقطع الكرتونيه مع اننا بنفس العام ولازال يصنع المصنع القطع بنفس القوة
يارجال لو معك 40 الف تخلي الكرسيدا انظف وابدع واطلق سيارة وكمان تعدل عليها يارجال سعر البساتم مع التوضيب ماتوصل الف مع كامل القطع ومن نفس الشركة المصنعه
وين راح الربح، الاولى، يزيدون سعر القطع القديمه وينقصون الجودة عشان الناس يطيرون للسيارات الحديثه؟
الوضع جد محير!

والنعم في الكراسيدا هذي أقوى سيارة استخدمتها شخصيا

كانت عندنا وحده موديل 94 وكالة وعاشت عندنا 13 سنة مع كيلومترات فوق 370 الف وما قالت آخ ، الجودة في الكريسيدا غييييييييييير

نرجع للموضوع : القطع في السابق كانت فعلا أكثر جودة وارخص لعدت اسباب :

1- تكاليف التصنيع أقل من الحالية بالذات مع ارتفاع اسعار النفط والغاز والكهرباء والضرائب كل هذا يأثر في سعر القطعه

2- توجه كل الشركات لأن تكون تجارية بحته ، يعني اضمن لك السيارة 5 سنين فقط وبعدها الله يسهل أمورك وهذا يعني ان القطع أغلا وجودة أقل لأن في النهاية يهمني الربح

3- كثرت الطلب على السيارات في السنين ال 15 الأخيرة بعد ال 2000 زاد عدد سكان الارض والتطور العمراني وزاد دخل الفرد في العالم وهذا سبب ضغط كبير على مصانع السيارات إلي مو ملحقه تصنع وتوفى الطلب ، بالذات على الشركات العملية ، فا هذا يأدي إلى رفع الاسعار من باب زيادة الارباح وتقليل الجودة لتوفير المصاريف والتكلفة في المواد المستخدمه في التصنيع

4- جشع التجار او الوكلاء في بيع قطع الغيار وهذا واضح للعامه ، وأقدر أعطيك تجربة عملية علمية :

شوف اسعار قطع الغيار في أمريكا وقارنها بأسعار القطع عندنا في الخليج ، مثال على ذلك (( VW )) بدون مبالغة ان في قطع طلبتها من أمريكا كان الفرق بينها وبين الموجودة في الوكالة 1400 ريال والقطعه الثانية الفرق كان 600 ريال والثالثه الفرق فيها 500 ريال يعني في فرق حقيقي صاير بين التاجر الأمريكي إلي عنده ضرائب ومصايب وبين الوكيل في الخليج للأسف

5- وهذي نقطه مهمه جدا جدا جدا : عدم وعي المستهلك بفرق السعر بين الخارج والداخل يعني لو الوكيل يقوله ان سعر هذي القطعه ب 2000 ريال على طول يدفع مع انه ممكن ان يحصلها في امريكا ب 800 ريال او اقل ، صدقني لو كل المستهلكين واعيين حق هذي المسأله كان الوكيل غصب طيب ينزل من سعر قطع الغيار المبالغ فيها

في النهاية وبإختصار :

جودة أقل وسعر أكثر = ربح أكثر للشركة

هذا إلي يحضرني حاليا وسامحوني على الإطاله

ترا كنت امزح بوم قلت قطع مغشوشة < مصدق فيه شي اسمه قطع مغشوشة , هذه ماسواها ابويمن عشان تسويها وكآلات

الزبدة ,__, اولا الكرسيدا عفى عليها الزمن واكيد قطعها رخيصة كأقرب مثال عندك
تاون كار < ايام تصنيعها كانت اكسسواراتها ماتقل عن 1000ريال لو انه زيق كروم والان شف قدام عينك كيف اكسسواراتها برخص التراب < وهذا يقودنا الى نظرية واضحة وضوح الشمس " القديم عديم" وتخسي القواطي الجديدة

افك لي سيارة ب 100الف يقالك بودي فيبر وتقنيات و خرابيط حقن مباشر عشان تحسين الاستهلاك والعزم واخرتها ماتكمل 200الف الا وخبطت المكينة وانت كل ماحكيت بموقف طاح الصدام وفوقها كل فترة ترجع للوكالة تغير قماشات و و و < لايجوني حقين تقنية وماتقنية ترا ملينا من تقنيتكم

جلنط الكتروني اذا علق مقدر اسحب سيارتي والا احركها ولازم انتظر مستر المهندس حق الوكالة يدل مكاني ويجي يبرمج عشان يحل الخلل واذا صارت لي اكثر من مرة بيخرب وروح بدله < لاتسألني بل اسال الي خرب عليهم

><

ياخوك ياخوك (كلمة اهل الرياض وسئل عنها اوتشيها)

طيب الكرسيدا كرف ، لكن اكيد بتخرب لانها ميهي منزله من السماء
لكن القصه ليه قطعها رخيصه وجودتها عاليه المفروض العكس يعني غاليه وجودتها ممتازه

بيني وبينك مني عارف كيف أقول
طيب اختلاف بين الشركات يعني الشركات الثانيات ليش يغلون السعر والجودة صفر او فوق الصفر بشيء بسيط مقارنة بالكرسيدا.......... شكلهم يستخدمون الجن في التصنيع؟

عقلا ذحين عندك كمبروسرين واحد للكرسيدا والثاني للكامري (نفس الشركة) واحد ب500 والثاني من الوكاله ب5000 ومن المحلات ب1800 تقريبا وابو 500 ابرد اقلك في عز الظهر ثلج ماشاءالله تبارك الله بينما الكامري في نفس درجة الحرارة هوا فيه شوية براد
عندك شركة ثانيه اسمها هيونداي السياره سنتافي مكيفها منتهي مره يعني لو تشيل الAC افظلك

قطع الغيار لو هي مغشوشه كان طلعت قطع الكرسيدا مغشوشه كمان وهذا مالم يحدث؟
خلاص كذا اتوقع وصلت بشكل واضح.