ياشباب ابي استورد سيارة كامري اس اي لمتد وارد امريكا ودخلت مواقع باللغة الانجليزيه وما قدرت اني اشتريها هل تنصحوني بمكتب استيراد سيارات من امريكا ويفضل بالرياض ويكون ثقه وامانه ويفحص الموتر من الصدام لصدام عن طريق رقم الهيكل ووشو الكارفكس بصراحه ياشباب الموتر اللي ابيه موديل 2014 بس كامري امريكي يقول واحد من اعضاء موقعنا الموقر انه الامريكي البدي مرصص بالرصاص وثقيله وقويه ايضا هل تنصحوني بالهايبرد اس اي لمتد ادشن او العادي اس اي لمتد الهايبرد معناه هجين محرك كهربا ومحرك بنزين هل هوا افضل من اس اي المتد العادي وفيه ثانيه اسمها ال اي وفئه كامري ال يعني طويل شفت بموقع اوتو ترادير بس انا ابيها ستة سلندر هل هاذي ممكنه او اربعه سلندر ابي مكتب ويجيبها ويفحصها زين وسلمني اياها ودمتم بخير
اهلا اخي green army
انا اشتغل بالإستيراد بشكل بسيط
و نصيحتي السيارة اللي انت طالبها راح توصلك هنا و قيمتها اغلى من الجديد 2016
حط في بالك ان سعر السيارة في السعودية = رسوم المكتب الوسيط + قيمة السيارة + الشحن الارضي + الشحن البحري + اسقاط اللوحات و رسوم التصدير في امريكا + الجمارك في السعودية + التخليص الجمركي
المكتب الوسيط في الغالب ما يفحص لك السيارة و يكتفي بالفحص المقدم من منظم المزاد او المعرض و يأتي فيه حالة البودي بالتفصيل + حالة السيارة من الداخل + فحص ميكانيكي سطحي
و لكن توجد شركات خاصة بالفحص الدقيق جدا و هم عبارة عن طرف ثالث بينك و بينك صاحب المزاد او المعرض و يفصل لك السيارة بالصور و التجربة و يكلف تقريبا 300 دولار
اما كارفاكس فهو عبارة عن تقرير السيارة و عن نوعية ملكية المركبة و فترة الاستخدام و تاريخها في الصيانة او الحوادث ان وجدت
بالتوفيق
