مهم جراند شيروكي 2015

المعذرة توني انتبه للموديل

اتضح لي والله العالم انك طالب موديل 2015 وبهالحاله أتوقع والله العالم ان تاريخ الدخول طبيعي اما بقية المشكلات
فأحرص عليها

الله يوفقنا وياك

وازين شئ انك ما استلمت ولا تستلم ابدا الا وانت راضي 100%

بلغ وزارة التجارة حتى لو عطوك وعد من الشركة
خل عندك ضمان رسمي حكومي ومتابعة لمعاملتك

ايضا وضح نقطة ان السيارة لها اكثر من 10 اشهر بالمملكة زي ماتفضلت

لاتوسوس وانا اخوك السياره مافيها شي شعورك شعور طبيعي لما الواحد يشتري سياره جديده تلقاها يدقق على كل شي ..الله يعطيك خيرها ويكفيك شرها

تعتبر قديمة ومخزنة وحسب علمي اي سيارة يمر عليها اكثر مت ٦ اشهر من دخول السعودية تباع على انها مستعملة
ياليت احد يأكد او ينفي المعلومة
كذلك خلهم يفحصون الكفرات ضروري للتاكد من سلامتها
والله يعينك

الف شكر لكم على الردود وتم الاخذ بما يقولة الاخوان والله يكتبها بموازين حسناتكم وحبكم للخير ولسؤال الاخ متى دخلت الدولة مكتوب بالبطاقة الجمركية دخلة في شهر 11/ 1436هـ يعني الحج الي راح اليوم رحت لهم من جديد لقيت السيارة على ماهي علية لم يفعلو اي شي اكلم الموظف يقول بكرة وبالنسبة للقماش مقطوع من جهة السائق وبتحديد القماش الي عند قزاز السائق وقال الموظف سوينا لك طلب خلال 10 ايام وهو واصل ويوم كامل يتركب بس استلم سيارتك ومع ذلك رفضت استلمها والي يقول وسواس يعزيز دفعت قيمة السيارة جديد وبشرط وكالة من حقي استلم السيارة نظيفة وجديدة وخالية من الصداء او من العيوب بس ابي نصيحتكم قال بنعطيك كل ما يثبت لك انا طلبنا لك قطعة القماش الي عند قزاز السائق ومعي ورقة من الادارة انه تم الطلب وخلال 10 ايام سوف يسلموني القطعة ويركبونها واسمع من اشخاص يمتلكونها يقلون هذي الوكالة الوحيدة الي بالعالم لا نظمن منهم اي وعود ووكيل يبي فلوس وبس والعميل بحريقة

السلام عليكم

مثل ما وضحوا الأخوان


ولا أبي أزيد من الوسواس

فقط للتأكيد

بما أنه فيه صدأ,من المتوقع انهم بينضفون فقط

جرب البريك من سرعة 80 هل فيه رجة؟

إذا فيه رجة بيقولون لك بنسوي صنفرة للهوب

إرفض هذا الكلام وقل أبي هوبات جديدة إذا انت بالرياض راجع فرع خريص

موفق

السلام عليكم
الاخوان ماقصور
بالنسبة للصدى هذا عادي بالهوبات ويروح مع المشي والمفروض انهم نظفوها لك
بالنسبة للمسافة فهي عادية وكلامة صحيح ( لحد 30 كلم ) مقبولة
بالنسبة للقماش مافهمت
بالنسبة لصوت المقعد احتمال يحتاج تزيين
شوف تاريخ التصميع متى (موجود في جنب الباب مكان الصنع وتاريخ الصنع ) احتمال تكون لها فترة عندهم مخزنه في المستودع

الله يعينك بالنسبة للصدأ أو غيره من الأشياء لا أعلم وش المفروض يصير
لكن 20 كلم يعني السيارة مازالت جديدة طلعت سيارات جديد من شركات مختلفة أقل مسافة كان 17 كلم لم أجد سيارة تكون 0 من خلال خبرتي.

هو من الخارج المسامير وبعض الامور البسيطة فعلا يحدث لها صدأ وقت الشحن
بس اذا كثير فالحذر واجب ان كانت هذه البداية