ملخص بحثي لشراء السياره المناسبه..

[الدم الاسود]

السلام عليكم
انا شخص مقبل علي شراء سياره بحدود 80 ال 90 الف.. وفي الامكان ازودها الي 100
لكن احترت كثيييير وبحثت مده طويله عن السياره المناسبه
انا شخص اطلع في الاسبوع مرتين الي اربع مرات بين الخبر والاحساء بسبب طبيعه عملي

ملخص بحثي للسيارات

اول شي راح في بالي كامري 2016 بحدود 90 الف ... لكن بعد ركوب السياره حسيتها ممله جداا ونفس الموديل السابق ولا فيه اي تغير ولا فيها اي مواصفات .. ميزتها انها تويوتا ولك وللزمن .. بس غضيت النظر عنها
السياره الي بعدها ..فكرت في التيما نيسان .. 2017 ولكن الي الان مانزل عندنا .. وحتي لو نزل مابي اخذ الدفعات الاولي
وفكرت .. فورد تورس sel .. ولكن بيتغير شكلها .. وبيني وبينكم اخاف من الامريكي .. اذا خرب عليك شي الله يعينك . كل شي يخرب معاه.. يعني يخرب معاك اوتوماتيك القزاز .. اشوي ويخرب المكيف وبعدها المسجل وبعدها يطلع لك صوت مدري من وين .... معاناه وخفت منه وتركته
فكرت بالكادنزا .. لكن فئه الاستاندر مشلح تشليح ..ميزتها مكينه كبيره وضمان مفتوح.. واكبر عيب لها الوكيل.. وفوق هذا شكلها بيتغير
فكرت بالاوبتما 2106 نص فل.. للاسف انا شخص مابي سياره فيها بانوراما مهما يكون.. اولا ماستخدمها .. ثانيا البانوراما اعتبرها عيب في السياره وليس ميزه بسبت مشاكلها الي ماتنتهي
في نص فل بدون بانوراما .. بس للاسف مشلحه ولا فيها اي ميزه وغير هذا ايرباق واحد بس

واخر شي فكرت بالمكسيما ستاندر بحوالي 100 الف .. مواصفات حلوه ومكينه كبيره.. بس متخوف من صيانتها والوكيل وقطع غيارها... والي مخوفني فيها اكثر القير cvt الي للحين مو مقتنع فيه .. خاف بعدين يخرب واتوهق فيه

طبعا مافكرت بالمازدا احس سعرها غالي بالنسبه للفل.. وغير كذا ضيقه وعزلها سيء
ولا فركت بالامبالا لانها امريكي وماداخله راسي
ولا فركت بالماليبو لنفس السبب

اخر شي صرت مابين الاوبتيما والماكسيما ..
السياره يهمني يكون فيها.... عزل ورساوه جيدين + كامرا خلفيه وحساسات +مواصفات الامان والسلامه +وكيل جيد واسعار قطع غيار مناسبه

اي واحد عنده تجربه بالسيارات الي قلتها ياليت يطرحها بالاسفل او ينصحني بسياره معينه
احتاج مساعده منكم لاهنتم
والله يكتب الي فيه الخير لنا ولكم

ملاحظه : تم طرح الموضوع في قسم السيارات الكوريه .. للاستفاده بشكل اكبر.. المعذره

[Cefiro]

افضل المكسيما لان فروع الصيانة لبترومين منتشرة في كل حي وفاضية مافيها زحمة
العزل ممتاز والرساوة عالية
النيسان قطع غياره رخيصه بشرط انك تشتري من المحلات الوكالة كعادة الوكالات مبالغة في الاسعار

[(fawaz)]

الالتيما ماهي جيل جديد انما فيس لفت وتحسين الى الافضل

[flatne]

مافيه مقارنه بين ماكسيما واوبتيما
خذ لك المكس شكل جديد وشكلها فخم واقل فئه مليانه مواصفات
وبترومين صار في كل حي فاتح يعني مرتاح مع الصيانه الدوريه

[ddreamer]

مثل ما قال فواز .. الالتيما الجديدة فيس لفت ماهي جديده بالكامل يعني بالعكس افضل من السابقة ..

واشوفها افضل الخيارات هي والماكسيما. والاوبتيما ما أشوفها منافس الصراحه.

ولا تخاف من القير تراه ممتاز وعملي جدا .. اعرف زملاء ماشي معاهم القير ومعدي 250 الف بدون مشاكل ولا حتى بوادر مشاكل.

وبالتوفيق.

[محمد]

شكرا لك عزيزي
إن شاء الله تجد مساعدة من الأعضاء

موضوعك فيه أفكار جميلة تفيد الآخرين ولذا نشرناه في صفحة الموقع بالتويتر
https://twitter.com/assayyaratcom

[techmate]

واخر شي فكرت بالمكسيما ستاندر بحوالي 100 الف .. مواصفات حلوه ومكينه كبيره..

لي تجربة مع الكيا, القبر عيب السيارة الأول ومواصفات السلامة العيب الثاني

لم أجرب الماكسيما لكن أعتقد أنها أفضل خيار بـ 100 ألف

[ad_gov]

وعليكم السلام

بخصوص الالتيما .. تراه فيس لفت خارجي ماتعدل فيه اي شي من ناحية الميكانيكيه مثل القير والمكينه .. يعني بس بدلو شكله من الخارج

المكسيما خيار ممتاز جدا ولا تخاف من القير .. القير يخبط في حالة وحده اذا اهملت وطنشت تبديل زيت القير .. زيت القير لازم يتبدل كل 80 الف وبدله عند الوكيل مثل بترومين او العيسى .. اذا كل 80 الف تبدل زيت القير ب انتظام باذن الله الموتر يعيش معاك


اغلب خبطات القيور بسبب اهمال تبديل الزيت .. او يجيك واحد ماشي موتره 200 الف وبدل الزيت تبديله اولى .. اكيد راح يخبط .. اي موتر تهمل زيت قيره يخبط قيره على طوول

انزين عزيزي عندي لك خيار ثاني بخصوص العزل والرساوه والامان .. ليش ماتشوف VW Golf? لا يغرك حجمها الخارجي تراها واسعه من الداخل والامان يكفيك انه الماني .. بس قطعه طبعا اغلى عن الياباني ..