السلام عليكم جميعا
سيارتي فكتوريا موديل 2000
اليوم وانا امشي ارتفعت علي حرارة السياره فجأة
المهم وقفت اشيك عالرديتر مالقيت المويه تطبخ ولا شي والمسه الا هو تقريبا شبه طبيعي*ولايوجد اي تهريبات او آثعر لتهريب الماء
* انتظرت لين بردت السياره ولقيت الرديتر ناقص حوالي 9 لتر مويه وعبيته
المهم بالموضوع سحبت عيار الزيت لقيت مثل رغوة الكبتشينو او مثل لون الحليب كذا وكذلك نفس الشي عند فتح غطاء الزيت
علما ان هذا الشي غير موجود في موية الرديتر…* يعني لما افتح غطا موية الرديتر القا لونها طبيعي مافيها لازيت ولا رغوة ولاشي
المهم وديته اكثر من ورشة وشيكوا علي تهريبات خارجيه مالقوا شي ابدا مما يدل ان الماء الناقص راح داخل المكينه
احدى الورش قالوا هذي قاعدة السيفون او المبرد لازم تغيرها
ورحت ورشة ثانيه قالي احتمال من البلف او طرمبة الموية
وجننوني هالورش وشكلي بتخسر كثير على هالافتاءات
اللي استغربت منه بعد ماعبيت الموية الناقصه الحين لي ساعه ونص امشي عالموتر والمكيف شغال* وحرارته طبيعيه جدا* والموتر طبيعي بدون تفتفه ولا تقطيع ولا شي
*الحين انا عند بنشر وغيرت الزيت والسيفون خوفا عالمكينه
احتاج مشورتكم وتجاربكم من ايش المشكله
قاعدة السيفون ولا الطرمبه ولا البلف
وانا الحين مسافر وابعد عن الرياض 500 كلم والمنطقهراللي انا فيها مافسها ورش صح
*هل فيه مشكله لو سافرت عليه اصلحه بالرياض ولا لازم اشحنه
-------------------------
السلام عليكم
أشكر جميع من ساعدني
المشكلة طلعت من طبات المكينه
وتم تغييرها
وتم عمل غسيل للمكينه وتغيير الزيت
ولله الحمد السياره الان من افضل مايكون
------------------------------------------------
