بين فيوجن وتورس ..

أنصحك في التوروس من ثم الإمبالا ..

الفيوجن ممتازة لكن أنصحك في السيارة الأكبر خصوصاً أنك تبي تمسك عليها خطوط ..

السيارة الأكبر تكون أثقل و أريح , و هذا أفضل لك ..

عندك خيارات ثانية لو تحب ..

فورد إيدج 2015 الجديد , ما أعرف كم أسعاره و هل نزل للسعودية أم لا ؟ لكنه قريب من تسعيرة التوروس

هيونداي أزيرا فل أوبشن أو نص فل 2016

و أذا ودك في المستعمل عندك ( لكزس LS 460 موديل 2008 ) نظيف جداً ..
صحيح مستعمل , لكن يشهد الله سيارة ممتازة للغاية .. و ما تطلب كثير رغم أن أسعار قطع غيارها
ممكن مرتفعة مقارنة في التوروس , لكن تستاهل ..

ليش ماتشوف الافالون سياحي ؟

الله يعطيكم العافية جميعاً على مساعدتكم مع الجميع ..

الحقيقة يا إخوان اللي خلاني احدد بين السيارتين هذي (بنسبة كبيرة) هو عروض الجزيرة عليها .. وانتظاري للموديل الجديد يمكن يفاجئني بسعر خيالي ،، حقيقة ما يهمني تغير الشكل بشكل كبير ..

النقطة الثانية ..

في البداية أحد الإخوان مدح لي الفيوجن وبعد ما رحت الوكالة شفت فرق السعر قريب الى حد ما مع فرق قوة المكينة وبعض المميزات للتورس ..

من داخل السيارة صراحةً كل السيارتين ضيقة وجربتها لكن يمكن يميز الفيوجن انها حتى من برا مش كبيرة مثل التورس ..

انا قد أميل الى قوة المكينة قليل ولذلك سألت عن الرساوة في الخط لأني يومياً أخذ 200 كيلو (رايح جاي) فقط للدوام ( من الدمام للجبيل ) وهذا اللي حيرني وخلاني اهتم في الرساوة والعزل وكذلك أنها ما تطلب صيانة كثير غير القطع الاستهلاكية ..

ولما بحثت عن موضوع الدفع الرباعي في التورس كثير ما نصحوني فيه بسبب صعوبة صيانته وذكروا انه يفصل بعد ال 80 تقريباً ..


بيض الله وجيهكم جميع .. وبالنسبة للفلوس ، القرض في ظهري في ظهري :smilie16:

اذا معك سيارة الان تمشيك لحد 4 شهور اتنتظر التورس بشكلها الجديد وفي خلال هذي المدة انصحك تسوي جمعية بمبلغ 5 الاف وتحطة على المبلغ الي عندك في حال ارتفع سعر السيارة واتمنى لك كل التوفيق ان شاء الله

هذي تجربة كاملة للفيوجن

http://www.assayyarat.com/forums/t287238.html

والفيوجن ميزتها اوسع من التورس من خلال تجربة واكثر راحة على المطبات

الموضوع يعتمد على ميزانيتك يعني اذا يمديك على التورس ما اقولك خذها
اقولك خذ امبالا , لانها اوسع وارسى من التورس وشكل جديد
مو مثل التورس الي راح تتغير قريب

يحق لك تحتار والله

التورس ضخمة عالفاضي والمساحة الداخلية حقت ياريس

والفيوجن متوسطة الحجم من برة والمساحة الداخلية حقت افالون


شركة غريبة اصلا هم عندهم في بعض سياراتهم خربطة في التصاميم

المهم انتظر التوروس الجديدة المفروض انها تطلع ممتازة

وعليكم السلام ورحمة الله وبركاته
أخوي التوروس بيتغير قريباً فأن كنت تستطيع الإنتظار أحسن لك وتاخذ التوروس الجديد
مع ملاحظة أنه قد يرتفع سعره
بس حاليا لو كنت مستعجل أنا أفضل الفيوجن
لأنها أكثر تطوراً بحكم أنها أجدد من التوروس
عندك خيارات أخرى
سيارة ذات طابع رياضي الماكسيما 2016
سيارة فخمة بكل ما تعنيه الكلمة إمبالا
طبعاً الماكسيما والتوروس الجيل الجديد قد يكونوا أفضلهم لأنهم أجيال جديدة وهذا يدل على كثرة وحداثة التقنيات فيهم
شخصياً أفضل الماكسيما بحكم الأداء والشكل والتقنيات التطورة
لكن لو كنت تبغى راحة أكبر ودفع رباعي مستمر ومساحة أكبر التوروس الجديدة خيار رائع

الفيوجن 4 سلندر
التورس 6 سلندر

التورس يجي منها دفع بالعجلات الاربع والسياحي الظاهر امامي او خلفي ماني متاكد

الفيوجن ايضا مادري وش نوعية الدفع حقها

بس انت شوف احتياجك لايش من حيث حجم السياره والمحرك ... اذا كنت توك شبابك او عائلتك صغيره الفيوجن افضل واقل استهلاك وقود وسعرها اقل ... والكلام ينطبق على التوروس اذا عائلتك اكبر شوي او كنت ترغب في محرك اكبر

عن نفسي مارتاحت للتوروس ابدا ولا عجبتني .... اشوف الفيوجن احلى منها .. وكذلك الامبالا من شفر وهي المنافسه للتوروس من حيث الحجم ..

الله يوفقك