السلام عليكم ورحمة الله وبركـــــــــاته
وأسعدالله أوقاتكم بكل خير و بركه
ياشباب عندي كابرس جابلي المرض فالمشكله
كانت فيه رجه في بكرة عامود الكرنك المهم
اشتريت بكره جديده مع صوفة البكرة وغيرتها وكل شي تمام
تاني يوم جيت أشغل السيارة قالت إن كنت رجال شغلني
و بديت بالفحص بنفسي بديت بالكهرباء
لقيت ضعف في البطارية بعد فحصها بالجهاز و غيرت بطارية جديدة وبديت أتبع كرباء المكينه لقيتها واصله للبواجي قلنا تمام
خليني أشوف البنزين شبكت ساعة إختبار ضغط البنزين لقيته صفر
قلت يمكن طربة البنزين ضربت.
المهم بديت بالفيوزات والريليه
وهنا بدأت المعاناه لقيت فيوزات في الشنطة جانب البطاريه
وفيها مكتوب الفيول و رحت جهة مرتبت السائق على اليسار
ولقيت فيوزات ومكتوب عدد 2 فيوزات في الخارطه
وموجوده في الكاتلوج ولكن المفاجئه ياشباب
لا يوجد لافيوز ولا ريليه فعلي كله كتابه ورسمه فقط
والله فككت الطبلون ماخليت شئ
قلت يمكن الطرمبة عطلانه وفك الطرمبه
فلم فك عمود كردان والمقص الخلفي يمين وشغله ياكبرها
المهم فكيت الطرمبه وعندي وحده جديده ركبتها ونفس المشكله
قمت رشيت شوية بنزين في الترثل بدي
إشتغلت السيارة بس مجرد مايخلص البنزين تنطفي
طلبي الرجاء كل الرجاء اللي يعرف فيوز
طرمبة البنزين أو الريليه حقها يعلمني
لأن خبرتي ضعيفه و منكم نتعلم
تكفون الله يرحم والديكم ولكم كل الشكر والتقديرو دمتم بود
أخوكم جديد في المنتدي وأجل لكم كل الإحترام
