للنقاش حول شكل مرسيدس فئة G

اتمنى اخوك يراجع الوكاله غالبا يكون فيه مشكله بالكفرات او المساعدات

ماتوصفه حتى الشاص ليس كذلك
قد ركبة السياره واشوف تعليقها مقبول جدا .. بالذات على ارتفاعها وجنوط 21

فيه ناس تشوفها قبيحه ..انا في نظري انها جميله وارئعه جدا جدا

فيها كلاسيكيه مع فخامه مع غرابه .. يجذبني صوتها ..واتمنى تحافظ على هيكلها الصندوقي وكلاسيكيتها اشوف انه سبب جمالها ..

واالي يحب الاشكال الانسيابيه فمرسيدس موفره ذلك من فئة الام ال والجي ال والجي ال كي

لان كان عند اخوي واحد ، لو تركبه وانت توك متغدي او متعشي تبي ترجع الاكل من المناقز ..

قاسي جداً مع عيون القطط ينقز فما بالك بشوارعنا اللي كلها حفر ومطبات ..

من وجهة نظري اشوفها سياره جميله من اجمل الجيوب وهيبتها قويه في الشارعه ومحركتها قويه .. كلاسيكيه من الخارجه وعصرية من الداخل والاخ اللي يقول الشاص اريح منها .. ليش؟ .. واتمنى ما يتغير شكل السياره ابدا

بالنسبة لي أشوف ان مرسيدس في هذي الفئة مثل بورش تخلي شكل واحد يستمر حق أحد فئاتها وتطور عليه بس

مثل بورش في ال911 الشكل ما تغير من بداية الشركة ،، لكن في نظري ان بيجي اليوم إلي مرسيدس بتوقف انتاج هذي السيارة والسبب ان الشكل غير عصري (( من الخارج )) والناس بدأت تتجه للأشكال العصرية في عالم السيارات بشكل عام

والنقطه المهمه في الموضوع ان سعر هذي السيارة غااااااااااااااالي جدا جدا مادري لي فا من كذا بالمبلغ إلي بتدفعه فيها تقدر تجيب سيارة أجمل ومتطورة أكثر منها

ورأيي الشخصي في السيارة ان شكلها جدا عادي وما يشدني ابدا لي شفته في الشارع ومع ذلك اشوف إلي عنده قروش يكشخ فيه وهو مستانس خخخخخ

لا وفي معلومه واقعية عن ال G ان سعره ما ينزل كثير إذا جيت تبيعة خخخخ

أسعدني مروركم صراحه و النقاش اذا كان راقي
و تقبل وجهات النظر اسلوب جميل في المنتدى
بنسبه لي في الصور اشوفها جميله و على الواقع
اشوفها هيـــــبه روووعه
واللي يقول صندوق و كفرات ههههه
هي بالفعل شكلها صندوقي لاكن جميل
بنسبه للمواصفات ماتوقع أحد يستنكرها
:xyxthumbs:

هذي السيارة اخذت سمعة على الفاضي هو مجرد صندوق بأربع كفرات ويمكن الشاص اريح منه ..

السيارة اخذت حملة اعلانية كبيره خصوصاً من حكومة دبي والشعب الخليجي في فئة كبيره منه ( مع الخيل ياشقراء )

من الداخل روعة

بس مابي اكمل ;P

تغير التصميم يعني لمرسدس خسارة هذهي الفئة


انا اشوف اذا تم تغيرها بالفعل بالكامل الاقبال سيقل عليها.

والسبب ان الناس تعاودت على شكلها خلاص.

واذا بيعملو تغيرات ماتوقع راح تكون كبيرة يعني اضافات وزيادة تقنيات.

وننتظر ونشوف

:xyxthumbs:

يا رجال مرسيدس بنز قالت هذا الشكل راح يتغير في 2016 زادت المبيعات فأجلت مرسيدس بنز التغيير لـ 2020 :smilie16:

بالنسبة للشكل الحديث أنا من رأيي يكون مقتبس من هذا والتصميم ولكن بزوايا عصرية و السيارة تكون أعرض و أوسع من الداخل و السقف يكون منخفض :xyxthumbs:

أكثر شي يعجبني بشركة مرسيدس هو تعدد الأشكال والانواع والفئات
[SIZE="5"]
يا جماعة مو شرط الي مايعجبكم معناته مايعجب غيركم !! بالعكس هذا افضل شي وهو التنويع والانفراد بالتصاميم
لو كانت السياره قبيحه مثل ماتقولون لتوقف انتاجها من زمان او على الاقل لتغير شكلها الخارجي
لكن الواضح ان لها شعبية وزبائن خاصين ، يحبون التفرد والخصوصية لسياراتهم
مع العلم ان سعر السياره غااااالي جدا خصوصا اذا كانت AMG لكن هذا لم يوقف الناس عن شرائها
[/SIZE]

استغرب من اللي يترك الرانج روفر او الكايين ويشتريه

الشعب مايشتريها الا لانها غالية "هياط"
انا اشوفها صندوق على اربع كفرات


بالنسبة للتصميم المتوقع فماأتوقع تنفيذه :smile: