قناة السيارات
السلام عليكم
حاب استفسر عن قطع غيار السيارات الالمانيه وايهم ارخص وراح اذكر السيارات الي بستفسر عنها لان يهمني موضوع قطع الغيار
1- فولكس واجن طوارق
2- اودي A6
3- اودي Q5
4- مرسيدس C200 افتنجارد
5- راح اضيف معاهم لكزس Es 350 cc
ياريت تفيدوني بارخص قطع غيار للسيارات المذكوره بالترتيب وعروض الصيانه لهم اول ثلاث سنوات او خمس سنوات وايش يشملها من صيانه وتغير قطع وغيره
وشكرا لكم
عندنا في البحرين عروض أودي وفولكس واجن روووووووعه
1- كلهم عليهم ضمان 5 سنوات مفتوح الكيلومترات (( غير شامل القطع الإستهلاكية مثل القماشات وهذي الأمور ))
2- 3 سنوات صيانة مجانية او كل 15000 كيلومتر انت تختار براحتك تبي تجيبها مره في السنة او كل 15الف
3- ضمان على الأندر سيل (( الرش السفلي للحماية من الصدئ )) 12 سنة !!!!
4- هذي الميزه انا حبيتها والكل بحبها (( تخفيض اسعار قطع الغيار حول ال 30% )) صارت ارخص من الكوري والياباني في أغلب القطع
طبعا أكيد قطع غيار فولكس واجن ارخص من الأودي واللكزس وأكيد ارخص من المرسيدس ،، فا كذا الفولكس واجن ارخص شي من إلي ذكرتهم
اما الباقي ما أعرف عنهم يفيدونك الشباب إن شاء الله
مرحبا ..اولا مبرووك مقدما وبالتوفيق
اللي اعرفه بالسعوديه الاودي عليها صيانة مجانية 5 سنوات او 105 الف كيلو
وبخصوص القطع غالبا الالماني بالقطع الميكانيكيه مو مره غالي بالذات الفئات اللي انت مختارها
اشوف المبالغه غالبا في قطع البدي وشغل يد الوكاله
مثلا انا عندي رنج سبورت طحت بحفره وضرب علي الهيدروليك وطاحت السياره بالارض قيمة الهيدروليك ماتزيد عن 1000 .. بس شغل اليد اكثر من 4000 . وهي شغلتها بسيطه
والافضل من ذلك تسال ملاك السيارات المرغوبه بيفيدونك بشكل افضل
يعطيكم العافيه
بالنسبه للقطع اذا رخيصه من البحرين فهذه بسيطه انا من الخبر ويمدي اخدها من البحرين
ياريت تعلمني اخوي رحال وين موقع وكالة اودي و فولكس واجن بالبحرين
و معقوله ان قطع غيار فولكس واجن ارخص من لكزس لان سمعت ان اللكزس ارخص في قطع الغيار من فئة السيارات الفخمه
وبعض المواضيع قريت ان قطع فولكس واجن و الاودي اغلى من قطع مرسيدس فمادري صحيح هالكلام او غلط
إي نعم الغالي مقعووووووولة الفولكس واجن ارخص من اللكزس
بس انا اتكلم عن الفولكس واجن فقط !!!!!
اما الأودي غالية شوي وتنافس اللكزس في بعض القطع على حسب الموديل والفئة وتكون أغلا في الفئات الكبيرة
عندك ياخوي وكالة البهبهاني على شارع منطقة سترة ،، إذا جيت من السعودية كمل كله سيده إلى ما توصل عند لافته مكتوب عليها (( سترة - الرفاع )) لف يمين بعد ما تمشي مسافة بسيطه بتشوف مجمع على إيدك اليمين بعده بتقريبا بكيلو واحد او أقل بتشوف على يمينك وكالة فولكس واجن ادخل عليها ،، هي بتكون واضحه جدا لأنها صاير بروحها وجنبها الدودج والبورش كلهم تحت مسمى بهبهاني وأخوانه
بالتوفيق
يعطيك العافيه اخوي رحال
ان شالله ازورهم قريب
حياك الله في أي وقت الغالي
وانا افضل انك تاخذها من البحرين وتخلي الصيانة في البحرين لأنها ما تاخذ أكثر من 4 ساعات
يعني كوب كوفي وقرائة مجلة وانت رايح لهم تستلم سيارتك
رد مع اقتباس