مهم التراكشن

Samer11 @user_301334 · 01-11-2014

السلم عليكم ورحمة الله وبركاته

كيف حال الجميع

وسعو صدورك احبابي

موضوعي اليوم لذوي الخبره والجميع

1/ التراكشن وشهو بالضط ؟ :a1120(86):

هل هو يعمل مثل الدفلك ام نظامه غيره

ام هو مانع الانزلاق ABS؟ :smilie16:

2/ بعدين اخواني مانع الانزلاق ABS هل صحيح المفروض يفصل في البر عند تشغيل الدبل

انا وسيارتي @user_181125 · 24-11-2014

أ

أبـوأسـد

أبشرو

لي كم يوم ماخذ الرد الطويل جالس أنقي وأضيف فيه متى ما تفرغت بحيث يكون مناسب للطرح كموضوع منفصل
(شكل الموضوع راح يصير دسم :smilie16:)

كم عندنا من AGENT_63 وانا وسيارتي :ch19:

ولو أني ما أحب الموضوع يتثبت على طول لأن الناس مهمشة المواضيع المثبتة فيكون الأقبال عليها قليلا جدا :smilie16:

التثبيت راح يكون بعد ما ياخذ حقه من الردود والزيارات كما هي العادة :)

أبـوأسـد @user_15810 · 24-11-2014

A
AGENT_63
سلمت أناملك أبوأسد على هالموعلومات القييمه و كنت أتمنى توضعها بموضوع منفصل :(
ياخي عندك معلومات ما تفيدنا ليه :(
وش مسوين لك إحنا :(

أرفع قبعتي لك :ch19:

ا
انا وسيارتي
أبو أسد

ما أقدر أنقل رد ولا ودي أفتح موضوع باسمي وأنت صاحب المعلومات ...

وومثل هالموضوع لا بد يكون مستقل ومثبت بأعلى القسم عشان ما يختبص مع مواضيع ثانية ...!

أبشرو

لي كم يوم ماخذ الرد الطويل جالس أنقي وأضيف فيه متى ما تفرغت بحيث يكون مناسب للطرح كموضوع منفصل
(شكل الموضوع راح يصير دسم :smilie16:)

كم عندنا من AGENT_63 وانا وسيارتي :ch19:

ولو أني ما أحب الموضوع يتثبت على طول لأن الناس مهمشة المواضيع المثبتة فيكون الأقبال عليها قليلا جدا :smilie16:

انا وسيارتي @user_181125 · 07-11-2014

أبو أسد

ما أقدر أنقل رد ولا ودي أفتح موضوع باسمي وأنت صاحب المعلومات ...

وومثل هالموضوع لا بد يكون مستقل ومثبت بأعلى القسم عشان ما يختبص مع مواضيع ثانية ...!

LANCHER_Z71 @user_295682 · 05-11-2014

سلمت أناملك أبوأسد على هالموعلومات القييمه و كنت أتمنى توضعها بموضوع منفصل :(
ياخي عندك معلومات ما تفيدنا ليه :(
وش مسوين لك إحنا :(

أرفع قبعتي لك :ch19:

أبـوأسـد @user_15810 · 05-11-2014

S
Samer11
ابو أسد ربي يسعدك دنيا واخره

وياك اخوي Samer11

ا
انا وسيارتي
الرائع أبو أسد

حبذا لو طرحت ردك في موضوع مستقل فالمنتدى يفخر بأمثاله :)

هلا بسميي :ch19:

أشكرك على الاطراء

بصراحة لو تنقله أفضل أو تفتتح موضوع لمناقشات المختصة للطرق الوعرة وحننا نتناقش بالي عندنا يكون أفضل

حقيقة لو بنقل الي فوق بموضوع مستقل بسوي عليه تعديلات زايدة علشان يكمل :smilie16:

انا وسيارتي @user_181125 · 01-11-2014

الرائع أبو أسد

حبذا لو طرحت ردك في موضوع مستقل فالمنتدى يفخر بأمثاله :)

Samer11 @user_301334 صاحب الموضوع · 01-11-2014

ابو أسد ربي يسعدك دنيا واخره

أبـوأسـد @user_15810 · 01-11-2014

وعليكم السلام ورحمة الله وبركاته

1/ التراكشن وشهو بالضط ؟

هل هو يعمل مثل الدفلك ام نظامه غيره

التراكشن كنترول (Traction Control) ويختصر أما بـ TCS أو TRC عبارة عن نظام لمنع الأنزلاق بحيث نظام التراكشن يراقب الكفرات في نظام الدفع فأذا قامت بالدوران بأسرع من اللازم يتحسس الكفر أن فيه أنزلاق فيقوم بالكبح وأيضا له عمل أخر وهو يراقب الكفرات من جهة اليمين واليسار في نفس نظام الدفع سواء كان أمامي أو خلفي والكفر الي يدور أسرع من الثاني بسبب أنزلاقه في الأسطح الزلقة أو ماشابه يقوم بتدخل النظام بكبح الكفر الي يدور أسرع من الاخر بحيث يكونون سرعة الكفر اليمين واليسار تقريبا متساوية وطريقة الكبح تعتمد على نظام ABS فلما تقوم بفصل فيوز ABS أو تعطيله مايشتغل نظام التراكشن كنترول حتى ممكن بنفس الوقت يتعطل معك نظام الثبات لأن بعض السيارات جعلت نظام الثبات مرتبط عمله بنظام ABS

بأمكانك تشوف الفيديو التوضيحي للتراكشن هنا
http://www.youtube.com/watch?v=iBU2n-HI2oM

هذا النظام راح يزعج من يبي يطلع قوة السيارة كلها حتى لو في سطح مو زلق بحيث دوران الكفرات أقوى من اللازم وصارت تدور من ناحية تنزلق الكفرات من قوة الدفع يقوم التراكشن كنترول بالتدخل لمنع فقدان السيطرة على السيارة علشان كذا تلاحظ بعض السيارات فيها زر لأطفاء التراكشن كنترول وأيضا هذا النظام راح يزعج الي يطعسون بالسيارة فهو بيطيح عزم السيارة لما يتدخل فيكبح الكفرات وأنت تبي عزم زيادة فهذي الحالة الأفضل أطفائه

للمعلومية فيه تراكشن كنترول وفيه نظام أكتف تراكشن كنترول أو تراكشن كنترول النشط (Active Traction Control) وهذا النظام مخصص للسيارات الي مخصصة للطرق الوعرة فقط وقليل تواجده وهذا فيديو عنه
http://www.youtube.com/watch?v=LXwNllw0CLQ
هو يقوم بنفس عملية التراكشن كنترول لكن على جميع العجلات وليس على نظام الدفع فقط بعجلتين سواء الأمامي أو الخلفي وهو مخصص أكثر للطرق الوعرة أكثر من أنه يكون ثبات للطرق المعبدة

نظام الدفلوك Difflock لا يشابه كثيرا نظام التراكشن كنترول في الحقيقة لأنه بالحقيقة مخصص بالدرجة الأولى للطرق الوعرة وليس للثبات بالطرق المعبدة لكن يجي فيه انواع تتركب على أنه مخصص للسباقات لكن نادر جدا وجودة حاليا

قد يكونون يطلعون نفس الفكرة لكن فكرة الدفلوك هو أنه تقوم الحركة ميكانيكيا بقفل الدفرنس الموجود فيه الدفلوك بحيث من يوم تقفلة خلاص الكفر اليمين مثلا بالدفرنس الخلفي الي متواجد فيه الدفلوك يعطيك 50% يمين و50% يسار من قوة الدفع وماراح يروح ولا جزء أقوى ولو بشكل بسيط للجهة الثانية لأنه قفل الدفرنس بهذه الطريقة وللمعلومية الدفلوك مايشتغل إلأ على الدبل الثقيل فقط وبسرعة قصوى لا تتجاوز 18 كيلومتر/ساعة وبعضها أقل وتجاوزها معناه ضرر للدفرنس نفسه بينما التراكشن كنترول أو الاكتف تراكشن كنترول مايحتاج يشتغلون حتى مع تشغيل الدبل حتى وأن دعست على اخر الدعسة النظام راح يوقف دفع والدوران الزائد للكفرات لكن بالأغلب الأكتف تراكشن كنترول يشتغل بالدبل الخفيف للسيارات المتواجد فيها هذا النظام ويفصل عند الدبل الثقيل لأن عندما تشبك الدبل الثقيل يقوم بفصل جميع الأنظمة الألكترونية لأنها راح تعيق السيارة في الخروج كالتراكشن ونظام الثبات وماشابه ... ألخ إلا عندما يكون فيه زر لتدخل الأكتف تراكشن كنترول مثل الموجود في الأف جي كروزر يقدر يتدخل بالدبل الثقيل لما تضغط الزر وليس أنه راح يدخل تلقائيا من دون تدخلك

أن كنت تبي تسأل وش الأفضل بين الأكتف تراكشن كنترول وبين الدفلوك
أقولك الدفلوك أفضل بسبب أنه من يوم تشغله خلاص راح يعطيك قوة دفع اليمين نفس قوة دفع اليسار لكن في الاكتف تراكشن كنترول بتكون العملية أبطى لأنه في البداية راح يتحسس وش الكفر الي راح يدور أسرع من الثاني ثم راح يقوم بعملية الكبح أضافة أن هذي الحركة مع كثرة أستخدامها راح تستهلك المكابح بشكل أسرع مع الوقت

للمعلومية الدفلوك فيه منه الي يشتغل إلكتروني أو تلقائي (وهذا النوع كثير بالسيارات الامريكية) أو يشتغل بزر لكن طريقة عمله بالأساس بوسط الدفرنس طريقة ميكانيكيا وليست إلكترونيا

نجي لسؤلك الثاني

2/ بعدين اخواني مانع الانزلاق ABS هل صحيح المفروض يفصل في البر عند تشغيل الدبل

والله شوف

أنك تفصل نظام ABS عند تشغيل الدبل فقط ماله أي لزوم

لكن الناس تفصله علشان من أول مايدخل الموتر البر

فصلة كل شوي صعب ومتعب وممكن يسبب لك مشاكل مستقبلا

السؤال الي يطرح نفسه: ليش الناس تفكر بفصل نظام ABS في البر؟

الجواب هو: لأن النظام مبرمج بالأغلب أنه يقوم بعملية منع أنغلاق المكابح على الأسطح الثابتة وليست المتحركة كالتربة وماشابه فساعات يعطيك مسافة أطول من المسافة العادية بعكس عدم وجود النظام عند الكبح على الأخر صحيح الفرامل تغلق تماما لكن الميزة أنه راح يحفر في الرمل وتخليه يوقف أسرع وطبعا أكثر شيء فصل نظام ABS يفيدك في الرمل أكثر من أي طرق أخرى.

طيب هل يوجد ABS خاص للطرق الوعرة؟
بصراحة يوجد لكن ليس معمم على جميع شركات السيارات للآسف حتى على السيارات الي تكون مخصصة للطرق الوعرة

فيه نظام أسمه OFF-ROAD ABS وهو مشهور لدى شركة فولكسواجن (أشهرها بيك أب فولكسواجن أماروك)

هذي صورة توضح فرق تفعيل النظام OFF ROAD ABS وبدون تفعيله

طبعا السيارة ماراح تعطيك هذا الفرق إلا لما تختار وضعية المشي خارج الطريق (OFF ROAD)

بتسألني وش الحل المبدئي بدون ما أحوس بالسيارة ولا ألعب في الاشياء الكهربائية وماشابه

سق في البر بتأني وخل مسافات بينك وبين الي أمامك ولا تسرع وأن أضطريت لا يكون أحد قريب جدا منك

الفكرة الأساسية من نظام ABS الي ممكن ما أحد منتبه لها ليس أنه يقلل مسافة الوقوف فقط
بل أنه يعطيك أمكانية أن السيارة بأمكانها التوجيه بعد أستخدام المكابح بكامل قوتها

طبعا مع الأنتباه أثناء التوجيه تتأكد بلحظات هل بتلف على أحد أو لا أو بأمكانه يتفاداك أن أنت طلعت بوجهه

فيه أعتقاد عند الناس أنه ممكن أن الوقوف بدون نظام ABS أفضل لأنه يعطيك مسافة أقل؟
الحقيقة ليس صحيحاً فأغلب الشركات أخترعت نظام ABS لتقليل مسافة الكبح أضافة لأمكانية المناورة, أضافة مع وجود نظام BA وهو وقوف الطوارئ يعطيك قدرة كبح أقوى للوقوف لمسافة أقل لكن بعض السيارة للآسف حتى مع وجود نظام ABS سيئة بالوقوف وتعطيك مسافات طويلة جدا حتى أطول من بعض السيارات القديمة الي مافيها ABS وأنا لاحظتها بكم سيارة والسبب أن نظام نفسه ABS بنفس السيارة سيء أضافة أن فيه أشياء أخرى تخلي السيارة تاخذ مسافة أطول والناس تعتقد أن ABS بنفس السيارة سيء وهي:
1- الكفرات أستهلكت وصارت ناعمة وأنمسحت النقشة.
2- الفحمات أستهلكت وماعاد صارت تمسك بكامل قوتها.
3- وهذا هو الأخر ترى أغلب شوارعنا ناعمة جدا يعني ساعات حتى بالكفرات الحجرية مايمسك الموتر بسهولة والبعض يدعس البنزين ويفحط الكفرات فيه بسهولة ظن منه أن موتره عزم وهو مايدري أن نعومة الشارع الزايدة عن اللزوم هي الي مخلية سيارته تسوي كذا لدرجة بعضها تلاحظ أنعكاس لون بدي السيارة بالأخص اللون الأبيض على الشارع في الليل.

للمعلومية فصل نظام ABS
معناه يفصل نظام EBD معه الي هو توزيع قوى الكبح إلكترونيا
ويفصل معه BA وهو نظام تعزيز الوقوف الطوارئ
لأن هذي كلها تجي كنظام واحد وخلل بأحد الأنظمة معناه خلل كامل في ABS وتولع لمبة ABS على أن فيه خلل أما بالنظام كامل أو بأحد الأنظمة الي تجي مع ABS الي ذكرتها فوق (EBD,BA)

كذلك فصل نظام ABS يفصل معه التراكشن كنترول لذلك أغلب الي يبي يفصل التراكشن كنترول يبحث عن فيوز ABS تحديدا
وممكن مثل ماذكرت سابقا يفصل معك نظام الثبات

أذا عندك أي أسئلة أخرى تفضل أسئل راح أجاوبك بالي أعرفه