السلام عليكم
اخواني انا مقبل على شراء سياره لاكن محتار بين السيارت الي بذكرها لكم
1- لكزس E350CC 2013 مستخدم
لاكن متخوف منها لان كثير عارضين السياره للبيع وهي نظيفه ما مشت شي وحدينها بخساره !؟
وغير كذا سمعت انه فيه مشكله في التعشيق ومشكله في كرسي الراكب يهتز على السرعات وشمعاتها تحترق وتهريب هواء نفس الاكورد !!!
وبنسبه لاسعار القطع نفس القديم ولا طاارت فوق
^ المشاكل الي ذكرتها جمعتها من المنتديات وحاب اتأكد من صحتها
2- اكورد 2014 6V
انا من مستخدمين هذي السياره وصراحه خربت سوقتي ماعد صرت اهتم بحفر ومطبات وارصفه
ولا تشتكي طبعاً اتكلم عن (الجيل السابع)
الجديد مادري عنه والاكيد انه ماهو بقوة تحمل القديم
مشكلته العزل وهذي المشكله قديمه وحلها تركيب عازل فوق عازل الوكاله
لاكن تهريب الهواء هو الي مقلقني مادري اذا حلوها في 2014 او لا ؟
3- جينسس 2015 ستاندر
عشقت هذي السياره من اول نظره لاكن مادري اذا تتحمل وتعيش مثل الاكورد والكزس اول لا ؟؟
فيه كم شغله ماعجبتني وما تعيب السياره مثل الاصطبات الخلفيه كانها الانترا مركب لها اصطبات من الغرابي
والجنوط 19 مشكله مع شوارعنا تضرب فيها حفره على سرعه بيروح عليك الجنط والكفر واكيد ان اسعار جنوطها وكفراتها سلخ
كان المفروض يوفرون جنوط 18 او 17 اريح وانعم وعملي اكثر
4-امبالا 2014
هذي السياره مره تعجبني ومره لا ومتخوف منها من ناحيه العمليه والاستخدام لفتره طويله
وهل هي مريحه وراسيه والعزل فيها ممتاز؟؟ وكيف الرؤيه الخلفيه ورؤية زوايا السياره ؟
للمعلوميه انا بستخدم لخمس سنوات وفوق وابي سياره تصبر وتتحمل ولا تبهذلني في الورش
واعتذر على الاطاله
