السلام عليكم ورحمة الله وبركاته
اسعد الله مساؤكم بكل خير وبركه ..
ورمضان مبارك علينا وعليكم والله يجعلنا من صوامه وقوامه ويبارك لنا فيه ..
المهم ان شاء الله ناوي اشري لي موتر ومعي 110 الف وممكن بالكثير ازودها 120 الف
وودي بجيب
1- انا بالشهر لازم امسك خط لا يقل عن 600 كيلو
2- استخدمها يوميا للجامعه ومشاوير الاهل والبيت
3- اطلع للبر لكن مو كثير يعني كل اسبوع مثلا .. لا لكن باشتى وماني راعي تفديع بالنفود
4- موضوع قطع الغيار يخوفني
وماعندي مشكله بالنسبة للحجم يعني صفين او ثلاث
وماعندي مشكله اخذ مستعملا
وما احب شي جامد
ابي فيه فخامه ورساوه وقوه واستهلاك عادي مو كثير..
فكرت في الاف جي لكن يعيبة الزجاج الامامي يجعل الموتر غير راسي في الخطوط الطويله ..
وفكرت في الباترول الشكل الجديد 2010 اقل فئه مستعمل ممكن احصل بالقيمه هذي
لكن يقولون قطع غياره نار وحساس ومدري ايش
وفكرت بمعشوقي اللكسز LX طبعا لازم نتنازل عن الموديل بالنسبه لهالفئه يعني موديل 2005 او 2006 فل كامل ونظيف
وايضا فكرت بالكسبلورر لكن خايف من كونه امريكي ومافيه دبل بس نظام رباعي متصل علطول (مافيه دبل ثقيل وخفيف)
وفكرت بالباجيرو حلوو بس شكله بيتغير وقطع غياره نااار
واخيرا وليس اخرا جيب جراند شروكي بس خايف من كونه امريكي والحرارة وقطع الخيار ..
ادري الخيارات كثيرة والفئات مختلفه لكن ابي مساعدتكم كيف احصل على السيارة بالمبلغ اللي معي ويخدم جميع احتياجاتي ..
هذي اول مشاركة لي وان شاء الله بداية موفقه ..
بانتظار ردودكم ..
