طلب اين اجد شاشة امبالا 2014 - في الرياض

الشاشة الأصلية سمعت انها ما تركب الا بتركيب ظفيرة كاملة لأنها مرتبطة بكمبيوتر السيارة
اما الشاشات الصيني الى الأن ما نزل لها شي بنظام اندرويد او جافا مع الأسف وتوي جاي من دبي كنت ادورها هناك ما لقيت لها شاشات
تواصلت مع شخص بالصين دور لي شاشة وقال محد صنع لها شاشة بنظام اندرويد الى الأن
لا اعلم ان كانت شاشة الماليبو تركب عليها او لا !!!! بس راح اجرب

ما بعد نزل شاشة بنظام اندرويد للأمبالا
بالنسبة للشاشات الخاصة في الفل كامل متوفرة بالتشليح ولكن لا تعمل مع LS أو LT الا بوجود ظفيرة خاصة بالشاشة
وش الظفيرة الي تخصها ؟ الله اعلم .. انا جالس ابحث عنها

هلا فيك أخوي أخوي عبدالرحمن
أيه فعلاً صارت المشكلة من المتصفح وضبط معي بعد ماغيرت المتصفح
ولا عليك كلافه والله يرضى عليك ماتقصر ولا تتعب حالك يابعدي
أنا دخت وأنا أدور بالغرابي ماحصلت شاشة امبالا ابد
الغريب بالامر محل 3m قالوا عندنا شاشة امبالا بس جالس أنتظرهم لي شهرين كل اسبوع يقولون ماوصلت وبرظو فيه محل one قال شركة الجميح تعاقدوا معنا بخصوص الشاشات وانتظرهم لي 3 شهور وكالعادة يقولون لسى ماوصلت ...
والله يعافيك ويرضى عليك يارب أخوي عبدالرحمن

ياهلا وغلاا

الظاهر الموقع فيه مشكله لأنه مايدعم المتصفح اللي بالجوالات

بس ماعليك انا بكره رايح للغرابي وبسأل عن الشاشه $#

يسعدك ربي اخوي عبدالرحمن
انا سمعت انها تباع في الرياض لكن ماحصلت شي
وحاولت ادخل رابطة عشاق امبالا في هذا الموقع للاسف لي شهر مايفتح معي هالموضوع
وبما انك من متابعين هذا الموضوع حق الرابطه اتمنى من اعماق قلبي انك تسألهم وان تشاهد احد ركبها ولك مني كل الود والتقدير يالغالي
وشكرآ من الاعماق

ما اضن تحصلها بالمحلات * يمكن لأن ماعليها طلب او انها لسه جديده

بس اتوقع بتحصلها بموقع امازون او اي باي