تركيب قفل دفرنس أمامي ماريكم وهل تنصحوني بتركيبه ام لا

الرميح1 @user_302222 · 20-06-2014

السلام عليكم
كيفكم ان شاء الله بخير

ليوم انا يا اخوان غرزت بالسيارة (الاندكروزر gxr 3 مديله 2014 ) يعني ثلاة كفرات تدور فقط والرابع واقف
لا يتحرك , اشتغل الدبل الخفيف وثقيل و دفلوك ولا تحركت السيارة ..

تركيب قفل دفرنس أمامي ماريكم وهل تنصحوني بتركيبه ام لا
وكم يكلف سعر تركيب ؟
وين مكان تركيب بالرياض ؟

الـخـالـدي @user_82228 · 21-08-2014

الله يعينك يالرميح .. انا كان عندي فكسار وكنت متضايق منه بسبة هالمشكلة يغرز بسبة تاير واحد .. ووصلت فيه انه يغرز بسبة تايرين .. تخيل تايرين على نفس الجهه بتحركون و الباقي اللي مرتفعين واقفين مايتحركون هذي من بين الاشيا اللي كرهتني فالسيارة وفالتيوتا بشكل عام خصوصن ان طلعاتي للبر كثيره

نفصل سبب المشكلة ..

اغلب الشركات تنزل السيارات بدون قفل للكرونة و السبب انه اخف عليها واوفر للبترول واثبت لسيارة فالطرق العادية و المنزلقة

سبب التعلق فالرمل او عدم تحرك الاطار .. هو ان الدفرنش مايكون متوازي فيكون الثقل على التاير هنا يوقف والتاير اللي ماعليه ثقل يبتدي يتحرك وهذا اللي يسبب التغريز ولو كان فيه دف لوك او قفل لدفرنش كان شفت السيارة طلعت وذلك لتوزيع الحركة

الحل لهذي المشكلة

تغير الدرفنش كامل بواحد يكون فيه دف لوك وهذا بيكلفك فوق الـ 7 الاف ويوصل 8 ويتعداه لانك مضر تركب سويجات وتمديدات لين داخل السيارة

المستعمل بتلقاه على الـ 4 الاف وتخاف انه بعد فترة يون عليك ومايسوى عليك المبلغ اللي دفعته

اسهل حل واللي ما انصح فيه .. ان بعضهم يلحم الكرونه وتمشي هذا لنيسان التيوتا مامر علي ولكن ما انصح فيه يسبب ثقل واحتمال تقفل عليك وتسببلك بانقلاب لسيارة

هذا بنسبة لدفرنش الخلفي .. الامامي حسب مواصفات الخليج مايجي بدف لوك امامي الاسترالي و الروسي يكون فيه دفرنشين بس المقصات مافيها الا الدزيل .. اذا لقيت ديزل وفكرت ترهم اما انك تشترية وتغير مكينته او تشلحه وتاخذ الدفرنش اللي قدام وكامل اغراضه

نصيحتي لك انسى موضوع الدف لوك ولا تدخل النفود الا وانت منسم 15 واذا انت بتدخل رباض او تغاريز قويه او قالص وراك شي خل هواك 10 ..

هذا من خبرة سنين والله يوفقك

اخوك الخالدي

الرميح1 @user_302222 صاحب الموضوع · 28-06-2014

أ

أبـوأسـد

تركيب دفلوك أمامي يعطيك كفاءة أكثر لتحرك الموتر في التغاريز الصعبة والاماكن الصعبة جدا

هل هو ضروري؟!

ساعات أشوف أكتفاء الشركات بتركيب دفلوك خلفي فقط يعتبر أغلب الاحيان كافياً بسبب وزن السيارة يتركز دائما بالخلف بالاخص مع تحميل الامتعة والاغراض

لكن بيكون مفيد جدا وضروري للي دايم يروحون أماكن دائما صعبة جدا

لكن تركيبه بيكون مكلف ولازم خبير يركبه لأن اي خطاء بتركيب التروس تصبح كارثة ومشاكل الواحد في غنى عنها

يعني لا تتوقع بتركب دفلوك بيقل عن 4000 ريال كمتوسط وممكن يكون أكثر قد يصلح إلى 7 الاف حسب الشركة ورقم الدفرنس مع التركيب
أسعار الدفلوكات بالعادة من 800 إلى 2000 دولار تختلف من حسب حجم الدفرنس ورقمه والموديل المخصص له والشركة المصنعة
لا تنسى هذا قيمته من دون الشحن ومن دون قيمة التركيب

حبيت أسئلك يوم تقول أنك مغرز وماتشتغل إلا 3 كفرات
هل كان الموتر مائل؟

أن كان مائل فطبيعي جدا بسبب لاتوجد أنظمة تعزيز دفع اضافية باللاندكروزر GXR كالاكتف تراكشن كنترول المخصص للطرق الوعرة مثل الموجود بالاف جي كروزر وماشابه

أما أن كان مغرز على بشكل مستوي تماما والارض مستوية فيه شيء غريب
ممكن تكون فيه أمور أخرى لا أحد يفهمها إلا لما يشوف طبيعة التغريزة على الواقع علشان يحللها صح أو يكون فيه مشكلة بنظام الدفع بالامام طبعا مجرد أحتمال وليست متاكد

نعم متعلق وعلى ميول يمين
يعني ثلاة كفرات تدور فقط والرابع واقف
لا يتحرك ,
اشتغل الدبل الخفيف وثقيل و دفلوك ولا تحركت السيارة ..

أبـوأسـد @user_15810 · 28-06-2014

تركيب دفلوك أمامي يعطيك كفاءة أكثر لتحرك الموتر في التغاريز الصعبة والاماكن الصعبة جدا

هل هو ضروري؟!

ساعات أشوف أكتفاء الشركات بتركيب دفلوك خلفي فقط يعتبر أغلب الاحيان كافياً بسبب وزن السيارة يتركز دائما بالخلف بالاخص مع تحميل الامتعة والاغراض

لكن بيكون مفيد جدا وضروري للي دايم يروحون أماكن دائما صعبة جدا

لكن تركيبه بيكون مكلف ولازم خبير يركبه لأن اي خطاء بتركيب التروس تصبح كارثة ومشاكل الواحد في غنى عنها

يعني لا تتوقع بتركب دفلوك بيقل عن 4000 ريال كمتوسط وممكن يكون أكثر قد يصلح إلى 7 الاف حسب الشركة ورقم الدفرنس مع التركيب
أسعار الدفلوكات بالعادة من 800 إلى 2000 دولار تختلف من حسب حجم الدفرنس ورقمه والموديل المخصص له والشركة المصنعة
لا تنسى هذا قيمته من دون الشحن ومن دون قيمة التركيب

حبيت أسئلك يوم تقول أنك مغرز وماتشتغل إلا 3 كفرات
هل كان الموتر مائل؟

أن كان مائل فطبيعي جدا بسبب لاتوجد أنظمة تعزيز دفع اضافية باللاندكروزر GXR كالاكتف تراكشن كنترول المخصص للطرق الوعرة مثل الموجود بالاف جي كروزر وماشابه

أما أن كان مغرز على بشكل مستوي تماما والارض مستوية فيه شيء غريب
ممكن تكون فيه أمور أخرى لا أحد يفهمها إلا لما يشوف طبيعة التغريزة على الواقع علشان يحللها صح أو يكون فيه مشكلة بنظام الدفع بالامام طبعا مجرد أحتمال وليست متاكد

super_safari @user_201024 · 26-06-2014

و عليكم السلام و رحمة الله

ما أنصح بتغيير شيء عن شد البلد. ما تضمن استمرار عمل كل شيء إضافي يتركب.

الرميح1 @user_302222 صاحب الموضوع · 20-06-2014

جزاك الله خيرا

Silent Sea @user_142435 · 20-06-2014

احتمال ان قفل الدفرنش ما يفيدك لانك اولا محتاج معلومات مبداية عن السير بالبر

لانك على حسب وصفك للموضوع كنت تمشي بدون دبل ولما غرزت بعدها جيت تحاول تطلع باستخدام الدبل بانواعه

اصبر شوية ولا تتعبث بالسيارة .. اقرا دليل المالك وبتعرف اي الوضعيات تستخدمها في اي حالة مناسبة