السلام عليكم ورحمة الله...
زي ما مكتوب في العنوان انا محتار بين يوكن 2015 أو لكزس lx 2014.
من قبل فترة كنت متحير بين سيارات السيدان وراح المزاج على الجينيسس وحطيت موضوع بالمنتدى ، بس بعد ما راجعت نفسي شفت ان سواقتي مو هادية ابد ودايما حارق الدعسة ((واحيانا اكل مطبات على حسب المزاج)) فما تنفع ليي سيارة سيدان وخصوصا لو كانت فخمة.
قعدت اشوف يمين ويسار طحت في البداية على الـ GXR والـ VXR بس بعد ما قريت المراجعات من اشخاص كثيرين ، اللي بعضهم يقول يدخل هوا من النوافذ بكثرة على الخط واللي يقول مو مريح.
الزبدة في النهاية صفيت على اللكزس lx 2014 اللي اشوفه كامل مكمل ما شاء الله ، ما شفت فيه عيوب (بس نواقص).
وسعره صراحة هو اللي خلاني أفكر في اليوكن لأنه تقريبا نصف سعره.
ادري طولت عليكم
الزبدة اني متحير بين السيارتين وبغيت اسأل عن اليوكن بالخصوص.
بالنسبة لتحمل الكرف؟
بالنسبة للهدوء والعزل الخارجي؟
بالنسبة للراحة في الخطوط؟
بالنسبة للمكيف؟ "نقطة مهم"
بالنسبة للوكيل؟
"لا أفكر بإعادة البيع"
"مو تبع بر أو طعوس فما افكر بالدبل"
"ما عندي عايلة فقط زوجة"
وسلامتكم
