اللي عنده خبرة بتغيير فحمآت الفرامل يتفضل

للتصحيح ^^^
المخارط يطلبوا على الهوب الواحد 20 ريال. سعر متعارف عليه عند الجميع.
كذلك لا مانع من الاحتفاظ بنفس الزيت كما هو موضح في الموضوع الذي أشرت إليه مسبقًا.زيت الفرامل لا يتأكسد و لا تتغير لزوجته و لا نظافته.

و شكرًا للأخ سليم على التنبيه على هذا النوع من اارافعات. لأن الأفراد لا يستخدمون هذا النوع و إنما الورشات فقط.

ممتاز هذا المفروض اغلب الشباب الي فيه العافيه يسوييه
ايش المانع من تغيير الاشياء البسيطه بانفسنا و نبطل الاعتماد على العماله و استغلالهم و الله اعرف شباب مايودي سيارته الا للاشياء الصعبه جدا اما تغيير قماشات او زيت و حتى طرمبه بنزين اذا ماكانت تحتاج فك التانكي يسويها عن البيت او داخل الكراج

عاد الهاوي مره تحصله مسوي له حفره و يشتغل على الجامد

المهم اخوي نسيت حاجه مهمه الي هي (الزرقينه -زرجينه ) << كذا يسمونها الميكانيكيين ولا ادري اذا لها اسم ثاني تقريبا نفس الي بالصوره على اليمين


هذي بعد ماتفك الكليبر و تطلع القماشات تركبه و تكرب عليه بحيث يضغط على الكليبر من جوا و يدخل العامود الي يضغط على القماشات و يصير مجال للقماش الجديد النه اكبر حجم من القديم المستهلك
طبعا حط حاجه بين مسمار الزرقينه و النقطه الي راح يضغط عليها هو شكله اسطواني يضعط على القماش تحاول ترجعه داخل ( مادري كيف اوصفه او اسمه )

مثل كذا

صحيح التنسيم اقل جهد لكن راح تضطر تعبي زيت فقط فك العلبه للبريك في الكبوت عشان يكون الوضع اسهل و اضغط الكليبر بالزرقينه و ركب القماش و خلاص

وتاكد من الهوب ملمسه املس ولا فيهم اي تعرج او حزوز لانها راح تخرب القماشات و تسبب رجه عن الضغط على البريك
خرط الهوبات الاربع تقريبا ب 200 و ممكن تحصل اقل لكن مو ازيد

و بالتوفيق منتظرين النتائج و اعذرني على التقصير

السلام عليكم الله يعينك يريت اتخلي احد اخوانك معك ويريت اتكون عنده خبره حتى بسيطه بفك وتركيب القطع ويريت اتصور بالهاتف القطع قبل الفك ربما تحتاج للصور للتركيب اعتقد اكيد سوف تحتاج للصور . بالنسبه للجاك المرفاع .. لاكريك.. هدا النوع الدي في الصوره نحن نسميه التمساح التعامل معه فيه بعض الصعوبه صحيح انه يدخل تحت السياره حتى ادا كان لارتفاع صغير وهده الميزه الوحيده في هدا النوع من الجاك .اكريك التمساح . ولكن الصعوبه عندما تريد ان تنزل السياره فهدا النوع ينزل بسرعه وبسرعه كبيره لدلك يجب اخد الحدر والا استعمل النوع لاخر الدي يصعد عمودي اسهل في لاستخدام بس مشكلته يحتاج لان تكون السياره مرتفعه بعض الشي لكي يدخل تحتها ولكنه اضمن في لاستعمام العيب التاني في هدا الجاك التمساح لا تقم برفعه الي اخر شي لانه لن ينزل بعدها عندما يرتفع الي لاخير يصبح في وضع عمودي والنابض لن يسحب الدراع للاسفل المهم لان يجب ان تجرب ترفع السياره وتنزلها اكتر من مره لكي تعرف تتعامل مع هدا النوع من الجاك سوف تلاحظ سرعت النزول بجرد فتح برغي الزيد سوف تجد الجاك نزل بسرعه كبيره ولكن مع التجربه ومحاولت فتح برغي الزيت بطريقه بطئه جدا جدا جدا ومع دلك سوف تجدصعوبه في التعامل مع هدا النوع . هدا الكلام لكي لا تتفجاء ويجب ان تكون حدر جدا لان وزن السياره تقيل وعليك عدم الدخول تحت السياره ادا كانت مرفوعه علي هدا النوع من الجاك تحت اي ظرف كل من اشتغل في ورشه يعرف دلك

لو تجيب جاك 2 طن فهو كثير و لا يلزمك أكثر.. سواءً للجاك أو قاعدة الرفع.
بالتوفيق إن شاء الله و بلغنا بالنتيجة.
بس أنصحك تشوف سطح الهوب. على الأغلب أنه سيحتاج خرط إذا الفحمات مستهلكة جدًّا. تأكد.