رأيكم في شراء جراند شيروكي 2014

yazeed415 · 2014-05-07T00:54:28+03:00

اتمنى اعرف رأيكم في جراند شيروكي 2014 ، شكلها حلو، قويه ، وداخليتها رائعة. قارنتها بالاكسبلورر ومازدا CX-9 وبصراحة مافيه مقارنه. اتمنى اعرف رأيكم وهل فيها مشاكل ، وكيف عزل الصوت فيها. وشكراً لكم

سالم wj @user_293654 · 08-05-2014

بالنسبه لموديل 2014 يعتبر فيس لفت والموديل ذا نزل في 2011 والفيس لفت في 2014 ما اعتقد بيتغير قبل 2017
طبعا مع الفيس لفت اللي جاه تغير القير ان ماخاب ظني وتغيرت عصا القير
بالنسبه للعروض على حسب علمي كل الوكالات تسوي عروض في رمضان
افضل لون من وجهة نظري هو اللؤلؤي

بالنسبه للي يسال عن الهيدروليك ما انصحك فيه بسبب شوارعنا والمبلغ المرتفع والجراند شيروكي يجي اربع فئات
لاريدو
ليميتد
اوفرلاند
سمت ،، صراحه ماعندي علم من الافخم سمت ولا اوفرلاند لكن انا اشوف الليميتد جيد من ناحية المواصفات مقابل السعر

yazeed415 @user_46245 صاحب الموضوع · 08-05-2014

يعطيكم العافيه، اغلب استخدامي بالرياض ماني راعي بر. المشكلة مريتهم قالي مافيه سيارات للقيادة التجريبية. جالس ابحث عن تاجير سيارات اخذها يومين اجربها قبل ما اقرر.

لكن بخصوص هالشكل 2013-2014 هل يعتبر شكل جديد او فيس لفت فقط، يعني متى متوقع يتغير الشكل، وهل تتوقعون يصير فيه عروض عليها في رمضان.
واخر سؤال عن الالوان برأيكم افضل لون، الاسود حلو بس متعب مع غبار الرياض

ابو عتب 99 @user_122350 · 07-05-2014

فيه فئه فيها هيدروليك وسعرها تحت 200
اش رايكم فيها علماً اني ما اطلع للبر نهائي

..][ ح ــياة التــم ــيز ][.. @user_118640 · 07-05-2014

سيارة ممتازة بقوة ...
فيها كل المواصفات التي تريدها ، عزل الصوت من جيد جدًا الى ممتاز .

المشاكل ؟ ما اعتقد ان فيها مشكلة معينة .
وان شاء الله مافيه مشاكل في حالة المحافظة على السيارة و المحافظة على صياناتها باستمرار

سالم wj @user_293654 · 07-05-2014

نسيت لا اذكر تقدر تاخذ تجربة قياده وتجرب السياره وتشوف العزل والامور الباقيه

سالم wj @user_293654 · 07-05-2014

بحكم تجربتي لموديل قديم منها تحديدا 2002 صراحه جوده عاليه ،، الجراند شيروكي يعتبر SUV متوسط الحجم له قدرات دفع رباعي واوف رود اما المازدا والاكسبلورر تعتبر كروس اوفر مالها قدرات في الاوف رود يميزها ثلاث صفوف مع تحفظي على مساحة الصف الثالث حيث انه لا يصلح الا الاطفال،، اما الجراند شيروكي فهي صفين لكن يميزها قدراتها وقوة محركها والفخامه وحسب ماسمعت الشاصي حقه شاصي مرسيدس واعتقد القير برضو ، ومن وجهة اعتقد انها سياره ناجحه لانها هي السياره الامريكيه الوحيده اللي من زمان تتصدر لجميع انحاء العالم بما فيها اليابان واوروبا وروسيا

باختصار اذا ماتفكر تبيع ولاتحتاج الصف الثالث خذه لانه يعتبر منافس للبورش كايان والطوارق والاكس 5