السلام عليكم,
يااخوان انا راح اكتب لكم قصتي, عشان ما توقعوا في نفس المصيبة, الا وقعت فيها مع الناغي.
أنا قصتي طلبت سيارة طلبية خاصة, و لما وصلت بعد انتظار طال 4 اشهر, قام موظف المبيعات و ارسلها لمحل اسمه كار كير اكسبرس Car Care Express من دون علمي, و لا اذني. و قاموا ركبوا لها تظليل و حماية واجهية اسمه الفلم الشفاف. تالي قام يطالبني بملغ 4 الاف ريال!!!! المشكلة مو هنا, المشكلة لما أخذت السيارة بعد هواش و قلت له ما راح ادفع لك 4 الاف ريال, زي ما وديت السيارة بنفسك, انت تحمل تكاليف المحل. اخذت السيارة الى البيت, و قمت اناظر في شغلهم: التظليل و الحماية و على طول اكتشفت ان السيارة كلها مخوش وخدوش من الموس و اثار القص واضحة على واجهة السيارة كلها (الصدام, الرفارف, الكبوت, الجسور و المريات الجانبية و الانوار).
على طول كتبت شكوى رسمية و ارسلتها للمدير الأقليمي, و تواصلت معها عن طريق الجوال. كان اسلوبه راقي و قال معليش راخ تاخذ حقك يا باشا :a1120(121): و قالي ان موظف المبيعات غلطان و طلع السياره من دون اذن مديره عشان بس يحط في جيبه 900 ريال "حسبي الله عليه" و راح ياخذ جزاه, وانت راح تاخد حقك. و فهمني انه هاذي مو اول مشكلة من نفس النوع, صارت عندهم من قبل, وكان فيه تعميم عندهم انه ممنوع موظفين المبيعات يتعاقدوا مع محلات التظليل و الحماية.
قلت له رجعوا لي فلوسي او بدلوا السيارة. قالوا احنا اسفين بس صعب نرجع لك فلوسك و صعب نبذل السيارة ولانها تسجلت بأسمك و انت استلمتها و اخذتها للبيت. قال الحل نصلح الخدوش, و شغلنا نفس شغل مصنع BMW "كان ودي اصدق بس قوية". قلت انا ما اقبل اصبغ سيارتي جديده, حتى ما استخدمته يوم واحد. طالبتهم كل شي جديد, وطلعوا فاتورة قيمتها 40 الف, و قالموا يتحملها موظف المبيعات. طبعا هالكلام ماصار, لان القطع راح توصل من دون صبغ, و يحتاج يرشوها.
قلت للمدير الاقليمي شنهو الحل, قل نشيلك القطع من سيارة جديده. انا وافقت على الاقتراح, وبعدين اكتشفت من أحد الموظفين, اني هاذي سيارة زبون لسه ما استلمها!!!!!!!!!!!!!!!!!!!!!!!!!!!!!!!!!!!!! و راح يصبغوها له!!!!!:a1120(82)::a1120(121)::mad1:
أنا بعدين رضيت بالمكتوب الا الله كتبها لي, وو كلت امري و شكواي الى رب العباد. و ماحبيت اشكي الموظف عند الجهات الحكومية او عند الشركة الام في المانيا و خصوصا انه سعودي مع الاسف. و قلت له بدل لي بس المريات الجانبية, و الانوار, و انت و ضميرك مع سيارة الزبون. و للامانة عطوني بعض الهديا ترضيه الا ما تكلف حتى 5 الاف ريال.
سيارتي صار شكلها قبيح من الخدوش, و الخدوش واضحة و لا ارتحت الا لين بعت سيارتي بخساره فوق 38 الف في اقل من سنه. و الله يشهد علي ياخوان اني اقول لكم قصة حقيقية. و احذروا ياخوان تتسلموا او تشتري شي من قبل لا تفحصه, او يضحك عليك موظف مبيعات و يقولك انا وديت سيارتك و حصلت لك عرض و من هالكلام الفاضي.
