تعشيق الرابع يتأخر - فولكسواجن باسات 2001

التكة في القير الجديد من نفس السبب يا عزيزي.
تغيير القير ليس حل لمثل هذه المشاكل و التي هي أبسط من أن تجعلنا نفكر في التوضيب أو التغيير.
أنت الحين ما تعرف إذا الزيت في القير المستعمل هذا تقدر تغيره بأمان أم لا , لأنه لو مستهلك و محترق ما تقدر تغير.



هذه مشكلة منفصلة. المكينة يلزمها تصفية و من المهم تنظيف الثروتل و حساساته (الهواء و الدعسة).

مشكور جدا اخوي super safary مشكور علي المعلومه
المغيده بس انا شيكت القير كمبيوتر وطلع كلتشات وزادت المشاكل المهم شريت قير مستعمل مع الضمان وركبته والحمد لله احسن من الاول بس فيه تكه خفيفه مع التبديلات يمكن لانه مابدل الفلتر ولا الزيت عشان ما يلغي الضمان
الحين مفروض ابدل الفلتر والزيت باكر بس ما ادري الطقه الخفيفه مع التبديلات ولا لا
بالنسبه للرجفه موجوده لما اكون واقف غي الاشاره علي الدي D في رجفه واضحه حتى بعد تبديل القير الجديد
انا مكاني في البحرين

وكمان احس المكينه كاتمه شويه عزمها ضعيف ولما احط علي D لازم انتظر ثواني لانه اذا ضغط ريس اسمع طقه والسيارة تنقز

مشكورين علي المرور واتمنى تفيدوني

السلام عليكم لاخوان ادرا مني بهده المشاكل . وان شاء الله تستفيد من ملاحظاتهم بارك الله فيهم .. هل هناك رجه في المحرك حتى ادا كانت تجي وتروح ؟؟

و عليكم السلام و رحمة الله
كما تفضل الأخ بشير , أكثر الظن من بلف البودي أنه متسخ. و تنظيفه إجراء عادي و لا يستلزم فك القير. المطلوب فقط هو نزع كارتير القير ثم فك بلف البدي الذي سظهر مباشرةً أمامك.. و فرطه خارج السيارة و تنظيفه بالبنزين.
لن تحتاج تضويب إن شاء الله, فالموضوع لن يتعدى ما ذكرت :smile:.

زيت القير في الفولكسواجن لونه أصفر و ليس أحمر , و اللزوجة ATF3 , و هذا هو المتواجد في قيرات كل السيارات الأوربية ما عدا المرسيدس.
يتغير كل 60 ألف كم كاحتياط , و إلا فهو يمشي أكثر. و هو نفس زيت قيرات ZF .
وضح موقعك.. علشان الي يكتب رد يقدر يفترح ورشات و محلات قطع غيار و زيوت.

مشكور اخوي بشير علي الرد انشاء الله تتصلح :c0214::c0214:

عليكم السلام ورحمة الله وبركاته

أخوي اذا كان زيت القير طبيعي من ناحية اللون وعدم وجود رائحة احتراق لكلتشات وعدم نقصانه نتيجه للتهريب او شئ القير فاتوقع أنه المشكلة من مخ القير (بودي فالف) يمكن داخله وسخ ويحتاج الى فك وتشييك وفحص لأنه احيانا يكون الخلل منه ويمكن ماينفع معاه التنظيف لابد من تغييره وهذا يبي لك انك تراجع واحد متخصص في القيور وعنده ذمه وضمير يكشف لك على القير ولكن في البدايه ركز على حالة الزيت خاصه اذا كنت انت قاطع مسافه 40 ألف كيلو متر على أقصى حد

اذا كان زيت القير ناقص ولكن طبيعي من ناحيه اللون والرائحه حاول تزود النقص وتجرب ولكن اذا كان ممتلئ ولايوجد أي نقص ولكن لونه غير طبيعي وله رائحه احتراق فاهذي الحالة تستدعي للتوضيب